မျိုးစောင့် ဥပဒေ ဘာလဲ ဘယ်လဲ

ပို့စ်တင်ချိန် - 7/15/2013 10:06:00 AM

 ဆရာတော် အရှင် ကုမုဒ၊ ဓာတ်ပုံ- အရှင် ကုမုဒ၏ ဖေ့စ်ဘုတ်

ဦးကုမုဒ အရှင်ဘုရား မျိုးစောင့်ဥပဒေကို လက်ခံပါသလား.. အင်း ငါ့နယ် အဖြေရကြပ်လိုက်တာနော်.. .
ဒီမေးခွန်းကို မေးသူလာသူက တစိမ်းတစ်ယောက်မဟုတ်တော့ ဖြေတော့ ဖြေပေးရမှာပဲ ။ ဘယ်သူက မေးတာလဲဆိုရင် .ဦးကုမုဒဆိုတဲ့ ဦးဇင်းကိုယ်တိုင်ဖြစ်နေလို့ပါ....

ဘယ်လိုအဖြေပေးရမလဲ စဉ်းစားကြည့်တဲ့အခါ ..လက်ခံပါတယ်ဆိုရင် ဘာသာရေး လူမျိုးရေး အစွန်းရောက်သူလို့ စွပ်စွဲမည့်သူတွေက တစ်ပုံကြီးရှိနေတယ်......

လက်မခံပါဘူးလို့ ဖြေရင်လဲ ရဟန်းတစ်ပါးဖြစ်နေပီး အမျိုးဘာသာ သာသနာစိတ်မရှိဘူးလို့ စွပ်စွဲမည့် သူတွေက ဒုနဲ့ဒေးဖြစ်နေတယ်.. တတ်နိုင်ပါဘူး..

ဒီကိစ္စက မြန်မာပြည်သူတရပ်လုံးအတွက် တကယ့်အရေးကြီးတဲ့မေးခွန်း ဖြစ်နေတော့ ကိုယ်သဘောထား ကိုယ့်အမြင်ကို ပွင့်ပွင့်လင်း ဖြေကြည့်တာပေါ့.....

သဘောထားချင်း မတိုက်ဆိုင်လို့ ဝေဘန် ပြစ်တင်မယ်ဆိုလဲ အပြစ်မမြင်ဘဲ ချစ်ခင် မေတ္တာစိတ်နဲ့ ခွင့်လွှတ်ရမှာပေါ့... လွတ်လပ်စွာ သဘောထားကွဲလွဲခွင့်ဆိုတာ ဒီမိုကရေးစီစနစ်ရဲ့ အနှစ်သာရဆိုလား ဘာဆိုလား ကြားဘူးတာပဲ...

 ဦးဇင်းသုံးသပ်မိသလောက်တော့ တကယ်တမ်း မြန်မာပြည်မှာ ဖြစ်နေတဲ့ ပြဿနာက အမျိုး၊ ဘာသာ၊ သာသနာကို စောင့်ထိန်းဖို့ လိုတယ် မလိုဘူးဆိုတာမဟုတ်ပါဘူး.. ဥပဒေတစ်ရပ်အဖြစ် ပြဌာန်းဖို့ လို၊ မလိုဆိုတာ အဓိကဖြစ်နေတာပါ. .

ပြဌာန်းရင် လူ့အခွင့်အရေးနဲ့ မကိုက်ညီဖြစ်မယ်...ဒီမိုကရေစီလမ်းစဉ်နဲ့ သွေဖယ်မယ်လို့ ပြောကြပြီး. .

မပြ ဌာန်းရင် အမျိုးဘာသာသာသနာအတွက် အန္တရာယ်တွေ ကြီးထွားလာ မယ်....ဒီလို ငြင်းခုံနေကြ တာပါ..

သမိုင်းကြောင်းအရကြည့်မယ်ဆိုရင် မြန်မာနိုင်ငံသား အများစုဟာ ဘိုးစဉ်ဘောင်ဆက် ဘွားလက်ထက် ကထဲက ဗုဒ္ဓဘာသာဝင်တွေဖြစ်ကြတယ်..ဗုဒ္ဓဘာသာသနာကို ထူထောင်ခဲ့တဲ့ သာကီဝင်နွယ်ဘွား ဂေါတမ ဘုရားရှင်ရဲ့ အမျိုးနွယ်တွေဖြစ်တယ်ဆိုပီး သာကီမျိုးဟေ့ တို့ဗမာလို့ ခေတ် အဆက်ဆက် ကြွေးကြော် လာခဲ့ကြတယ်..

ဂေါတမ ဗုဒ္ဓကလဲ မျိုးစောင့်ဥပဒေလို့သာ နာမည်မတတ်ခဲ့တာ အမျိုးကို စောင့်ထိန်းရမယ်လို့ ..စောင့်လေမျိုးနွယ်ဆိုပီး သားသမီးကျင့်ဝတ်ထဲမှာ ထည့်သွင်းဟောကြားခဲ့တယ်ဆိုတာ အထင်းအရှား ရှိနေပြန်တယ်..

ဒီအချက်ကို ကြည့်ရင် ဗုဒ္ဓဘာသာမြန်မာလူမျိုးတိုင်းမှာ မျိုးစောင့်ဥပဒေရှိရှိ မရှိရှိ အမျိုး၊ ဘာသာ၊ သာသနာကို စောင့်ထိန်းရမယ်ဆိုတာ မွေးရာပါ တာဝန်ဝတ္တရား တစ်ခုဖြစ်တယ်ဆို တာ ငြင်းစရာမလိုဘူး
ဖြစ်နေပါတယ်.

ဒီလိုဆို မျိုးစောင့်ဥပဒေကို အရှင်ဘုရားက လက်ခံတယ်ပေါ့လို့ စောဒကတက်စရာရှိပါတယ်.. ဟုတ်ကဲ့ ဥပဒေကျောင်းသားမဟုတ်လို့ ဥပဒေအပိုင်းကို ဂဃနန မသိတာကြောင့် မဝေဘန်လိုပါဘူး၊

ဖလော်ကျောင်းသား တစ်ယောက်အဖြစ် Ethical Teachings Of The Buddah .ဗုဒ္ဓဟောကြား ကိုယ်ကျင့်တရားဆိုတဲ့ ခေါင်းစဉ်နဲ့ ကျမ်းပြုနေတာကြောင့် လေ့လာသိရှိထားတဲ့ ကိုယ်ကျင့်တရားအပိုင်း က ပြောရမယ်ဆိုရင် အမျိုးဘာသာသာနာကို လူတိုင်းလူတိုင်း စောင့်ထိမ်းသင့်ပါတယ်လို အဖြေပေးချင် ပါတယ်... ..

ဗုဒ္ဓဘာသာမြန်မာလူမျိုးမှ မဟုတ်ပါဘူး..အခြားဘာသာ၊ အခြားလူမျိုးများလည်း မိမိတို့ရဲ့ အမျိုး၊ ဘာသာ၊ သာသနာကို စောင့်ထိန်းသင့်ပါတယ်..

ကမ္ဘာ့နိုင်ငံ အသီးသီးမှာ ဒီလို စောင့်ထိန်းကြတာလည်း တွေ့ရပါတယ်..ဒါက ကိုယ်ကျင့်တရားအပိုင်း က ပြောတာပါ..

 ဒီကိစ္စကို .ဥပဒေတစ်ရပ်အဖြစ် ပြဌာန်းဘို့ သင့်၊ မသင့်ဆိုတာကတော့ နိုင်ငံရေးအပိုင်း လူ့အခွင့်ရေး အပိုင်းနဲ့ဆိုင်နေလို့ ဝေဖန်ဆွေးနွေး အဖြေပေးနိုင်ဖို့ ဥပဒေ ဘွတ်အုပ်ကြီးတွေနဲ့ လူ့အခွင့်ရေး ကြေငြာ စာတမ်းကြီးတွေကို လေ့လာကြည့်ရပါအုံးမယ်..

တကယ်တမ်းပြောရရင် အမျိုးဘာသာသာသနာကို စောင့်ထိန်းဖို့ ဥပဒေတစ်ရပ်အဖြစ်ပြဌာန်းထားလို့ မဖြစ်မနေလိုက်နာရတယ်ဆိုကထဲက အဲဒီလူရဲ့ ဘာသာတရားအပေါ် ယုံကြည်သက်ဝင်မှု ဟာ မေးခွန်း ထုတ်စရာဖြစ်နေပါတယ်၊

တကယ်ခိုင်မြဲတဲ့ ယုံကြည့်သက်ဝင်မှုမဟုတ်ရင် တာရှည်မခံပါဘူး..တကယ်တော့ အမျိုးသားရေးနဲ့ ဘာသာရေးဆိုတာ လူတစ်ဦးချင်းစီရဲ့ ကိုယ်တိုင်စိတ်ခံစားမှုက အဓိကကျတာပါ.

အဲဒီတော့ ကြားချပီး ဖြေပေးချင်ပါတယ်..ဗုဒ္ဓဘာသာမြန်မာလူမျိုးတိုင်းက အမျိုးဘာသာသာသနာကို တန်ဘိုးထားပီး လိုက်နာမယ်လို့ နှစ်နှစ်ကာကာ ယုံကြည်မှုနဲ့ ကတိက၀တ်ကဲသို့ပြုဖို့လိုတာပါပဲ.. .

ဒါဆိုရင် ဥပဒေမပြဌာန်းလဲ အမျိုးဘာသာသာသနာအတွက် အန္တရာယ်ရှိမလာနိုင်တော့ဘူးဆိုနိုင်ပါ တယ်.....

ဒီအတွက် ဗုဒ္ဓဘာသာ မြန်မာလူမျိုးတိုင်း ကိုယ့်စည်းရိုးကို လုံးအောင်ကာရမယ်ဆိုတဲ့ အသိစိတ်လေးမွေးပီး ဘုရားဟောဒေသာနာတော်အညီ နေထိုင်ကြဖို့ တိုက်တွန်းချင်ပါတယ်. .

ဒါမှသာ လတ်တလော မြန်မာနိုင်ငံတ၀ှမ်းလုံးမှာ ဖြစ်ပေါ်နေတဲ့ ဒီပြဿနာတွေက အေးငြိမ်းမှာပါ... အဲလိုမှ မဟုတ်ရင်တော့ မျိုးစောင့်ဥပဒေနဲ့ပတ်သက်ပီး သဘောထားကွဲလွဲကာ ငြင်းခုံနေတာနဲ့ပဲ ခေတ်မီ ဖွဲ့ဖြိုး တိုးတက်တဲ့ နိုင်ငံတော်တစ်ရပ်စီကို ဦးတည်သွားနေပါတယ်ဆိုတဲ့ မြန်မာ့နိုင်ငံရေးစနစ်ဟာ ဆီဆုံမှာ တပ်ထားတဲ့နွားလို ခြာလပတ်လည်ပီးရင်း လည်နေမယ်လို့ သုံးသပ်မိပါတယ်ခင်များ....... .

စာရေးသူ အရှင် ကုမုဒ သည် အိန္ဒိယနိုင်ငံ ဗုဒ္ဓဂယာတွင် ဗုံးပေါက်ကွဲမှုကြောင့် ထိခိုက်ဒဏ်ရာ ရသွား ခဲ့သော မြန်မာစာသင်သား ရဟန်းတော်နှင့် သီတင်းသုံးဖော် မြန်မာစာသင်သား ရဟန်းတော် တပါးဖြစ်ပါတယ်။