မူးယစ်ဆေးဝါး၊ လိုင်စင်မဲ့ကား ပြဿနာနှင့် ဆက်နွှယ်နေသူများကို ဆက်လက်ဖော်ထုတ်မည်

ပို့စ်တင်ချိန် - 7/04/2013 09:52:00 PM

ရန်ကုန်- တပ်မတော်သား၊ ဆရာဝန်နှင့် ရဲအရာရှိများကို စစ်ဆေးနေသည့် မူးယစ်ဆေးဝါးနှင့် လိုင်စင်မဲ့ယာဉ်ပြဿနာများတွင်ဆက်နွှယ် နေသူများကို ရှာဖွေဖော်ထုတ်သွားမည်ဖြစ်ကြောင်း မြန်မာနိုင်ငံရဲတပ်ဖွဲ့ဌာနချုပ်မှ သတင်းရရှိသည်။

မူးယစ်ဆေးဝါးနှင့် လိုင်စင်မဲ့ကားမှောင်ခိုရောင်းဝယ်ရာတွင် ပါဝင်ခဲ့သော ကလေးနှင့်တမူးခရိုင်ရဲ အရာရှိသုံးဦးအား မြန်မာနိုင်ငံရဲတပ် ဖွဲ့ဌာနချုပ်မှ စစ်ဆေးနေဆဲကာလမှာပင် ပျော်ဘွယ်နှင့် မိတ္ထီလာမြို့နယ်မှ ရဲအရာရှိနှစ်ဦး၊ တပ်မတော်သားတစ်ဦးနှင့် ဆရာဝန်တစ်ဦးတို့အား ထပ်မံဖမ်းဆီးခဲ့သည်။ မူးယစ်ဆေး ၀ါး ရောင်းဝယ်သုံးစွဲမှုဖြင့် စစ်ဆေးမှုခံယူနေရသူတို့က ရဲအရာရှိများနှင့် ပူးပေါင်းခဲ့သည်ဟု ၀န်ခံသောကြောင့် ဆက်စပ်နေသော ရဲ၊ စစ်သားနှင့် ဆရာဝန်တို့ကိုပါ သက်ဆိုင်ရာမြို့နယ်ရဲစခန်းများတွင် ခုံရုံးဖွဲ့စစ် ဆေးနေကြောင်းသတင်းရရှိသည်။

“အမှုကရှုပ်ထွေးပြီး ပါဝင်ပတ်သက်တဲ့ တပ်ဖွဲ့ဝင်တွေရော အရပ်သားတွေကိုပါ ဆက်လက်ဖော်ထုတ်သွားမှာပါ။ ဖမ်းဆီးထားသူတွေကို စစ်ဆေးနေဆဲဖြစ်ပြီး ပြစ်မှုထင်ရှားရင် ဥပဒေအတိုင်းတိတိကျကျအရေးယူသွားမှာပါ”ဟု နေပြည်တော်မူး ယစ်ဗဟိုတပ်ဖွဲ့မှ တာဝန်ရှိသူတစ်ဦး ကပြောသည်။

ပျော်ဘွယ်မှ ရဲအရာရှိများကို စစ်ဆေးစဉ် ရာထူးမှ ခေတ္တအနားပေး ၍ အကျယ်ချုပ်ဖြင့် စစ်ဆေးခဲ့သော် လည်း ကလေးနှင့်တမူးခရိုင်ရှိ ရဲအ ရာရှိသုံးဦးကိုမူ ဇွန် ၁၅ ရက်က ဖမ်းဆီးခဲ့ပြီး ၁၁ ရက်မြောက်ဖြစ်သော ဇွန် ၂၆ရက်တွင် မြို့နယ်ရဲစခန်းအ ချုပ်သို့ပြောင်းရွှေ့စစ်ဆေးခဲ့သည်။

မြန်မာနိုင်ငံရဲတပ်ဖွဲ့ဌာနချုပ်မှ စစ်ဆေးနေသော ရဲအရာရှိများမှာ ကလေး၊ တမူးနှင့် ပျော်ဘွယ်မြို့များမှဖြစ်ပြီး တပ်မတော်သားမှာ မိတ္ထီလာ မြို့ထောက်ပံ့ရေးနှင့် ပို့ဆောင်ရေးတပ်မှ တပ်သားဖြစ်သည်။

တပ်ဖွဲ့ဝင်များ၏ မှားယွင်းသော လုပ်ရပ်များကို အရေးယူနိုင်ရန် ရဲစည်းကမ်းထိန်းသိမ်းရေးဥပဒေကို ၁၉၉၅ ကပင် ပြဋ္ဌာန်းထားခဲ့ပြီး ဥပဒေနှင့်အညီ လိုက်နာဆောင်ရွက်မှုမရှိဘဲ အမိန့်ညွှန်ကြားချက်ကို မလိုက်နာသော တပ်ဖွဲ့ဝင်များကို အရေးယူသွားမည်ဟု မြန်မာနိုင်ငံ ရဲ
တပ်ဖွဲ့ဌာနချုပ်က ဇွန် ၁၉ ရက်တွင်သတင်းထုတ်ပြန်ခဲ့သည်။

တရားဥပဒေစိုးမိုးရေးတွင် အရေးပါသည့် တာဝန်များထမ်းဆောင်ရသော ရဲတပ်ဖွဲ့ဝင်များအနေဖြင့်အစိုးရအဖွဲ့၏ ကျန်ရှိနေသည့် ၃၁လ
အတွင်း နိုင်ငံရေး၊ စီးပွားရေး၊ လူမှုရေး၊ အုပ်ချုပ်ရေးပိုင်းတို့တွင် အခြေခံကောင်းများချထားခဲ့နိုင်ရန်နှင့် တရားဥပဒေ စိုးမိုးရေး အလေးထား ဆောင်ရွက်သွားကြရမည်ဟု နိုင်ငံတော်သမ္မတဦးသိန်းစိန်က ဇွန် ၂၆ ရက်တွင် သမ္မတအိမ်တော်၌ ကျင်းပသော ပြည်ထောင်စုသမ္မတမြန်မာ နိုင်ငံတော် စီမံကိန်းကော်မရှင် အစည်းအဝေး ဒုတိယနေ့တွင် ပြောကြားခဲ့သည်။