ကျေးရွာမြေပေါ် ကုမ္ပဏီက ရွှေဝင်တူးသဖြင့် ရွာခံများ မကျေနပ်

ပို့စ်တင်ချိန် - 8/01/2013 09:27:00 AM


မန္တလေး တိုင်းဒေသကြီး တွင် ရွှေတူးဖော် ရေးလုပ်ကွက်များကို ကျေးရွာမြေ များတွင်ချပေးသည့်အတွက်ရွာခံများမကျေမနပ်ဖြစ်နေကြောင်း ရွာသူရွာသားများကရန်ကုန်တိုင်းမ် နေ့စဉ်သတင်းစာသို့ ပြောကြား သည်။ အဆိုပါကျေးရွာပိုင်မြေများကို သတ္တုတူးဖော်ရေးလုပ်ငန်းအတွက်ချထားပေးမှုဖြစ်ပေါ်နေသည့်နေရာသည်မန္တလေးတိုင်း ဒေသကြီးပင်ဦးလွင်ခရိုင်သပိတ်ကျင်းမြို့နယ်ရှိ ချောင်းကြီးကျေးရွာတွင်ဖြစ်ပြီး ယင်းကျေးရွာ၏ အလယ်တွင် တည်ရှိသည့် တောင်တစ်လုံးကိုသတ္တုတွင်းဝန်ကြီးဌာနမှ ရွှေမိခင်တောင်သတ္တုတူးဖော် ရေးကုမ္ပဏီကို ရွှေတူးဖော်ခွင့်ချ ထားပေးခြင်းဖြစ်ကြောင်း သိရ သည်။

၂၀၁၁ခုနှစ် ဇန်နဝါရီက ပြည်ထဲရေးဝန်ကြီးဌာနက တရား ဝင်ကျေးရွာအဖြစ် ကြေညာထား သည့် ချောင်းကြီးကျေးရွာ၏ ကျေးရွာ ပိုင်မြေကို ယခုနှစ် မတ်၂ဝရက် တွင် ရွှေတူးဖော်ခွင့်ချထားပေး မှုကို ပြန်လည်တားမြစ်ပေးခြင်း မရှိသည့် ဒေသ အာဏာပိုင်များ သည် ကျေးလက်နေပြည်သူ များကို အကာအကွယ်ပေးမှုမရှိကြောင်း ဒေသခံများက သုံးသပ်ပြောသည်။ ''ရွာမြေကို သတ္တုတူးဖော် ခွင့်ပေးခွင့်ရှိသလား။ မြို့နယ်ကို တင်ပြပေမယ့် တားမပေးခဲ့ဘူး။ ဒါကို နေပြည်တော် အထိ ရောက် အောင်တင်ပြသွားမယ်''ဟု ကျေး ရွာနယ်မြေတွင် ရွှေတူးဖော်ရေး လုပ်ကိုင်မှုကို တိုင်ကြားခဲ့မှုကြောင့် နားမလည်နိုင်သည့် ပုဒ်မများဖြင့် ခြောက်လနီးပါး အချုပ်အနှောင် ချထားခံခဲ့ရသူ ချောင်းကြီးကျေး ရွာနေဦးသန်းအေးက ပြော သည်။ အဆိုပါဒေသသည် မည် သည့်နေရာတွင်မဆို မြေကြီးကို တူးဖော်ပါက ရွှေသတ္တုကိုတွေ့ နိုင်သည့်ဒေသဖြစ်ပြီး ဒေသခံအာ ဏာပိုင်များက ရွှေတူးဖော်ရေး ကုမ္ပဏီများ၏ အနိုင့်အထက်ပြု နေရာဦးတူးဖော်မှုများ၊ သဘာဝ ပတ်ဝန်း ကျင်ပျက်စီးမှုများ ကို တား ဆီးခြင်း၊ စစ်ဆေးခြင်းတစ်စုံတစ် ရာ မရှိကြောင်း ချောင်းကြီးကျေး ရွာသားများက ပြောသည်။

''၂ဝဝ၇ လောက်က ရွှေတူး ဖော်ရေးကုမ္ပဏီတစ်ခုက ချောင်း ကိုပိတ်ပြီး ရွှေတူးတဲ့အခါ မိုးရွာပြီး တမံကျိုးတဲ့အတွက် ရွာကအိမ် ခြေ ၆ဝလောက်နဲ့ လူခြောက်ဦး ပျက်စီးသေဆုံးခဲ့တယ်။ သဘာဝ ဘေးအန္တရာယ်ဆိုတဲ့ အကြောင်း ပြချက်နဲ့ တစ်စုံတစ်ရာအရေးယူ ခြင်း၊ ရွာသားတွေအတွက်နစ်နာ ကြေးပေးခြင်းမရှိခဲ့ဘူး။ အခြေ အနေကို အထက်လူကြီးကိုတိုင် ကြားခဲ့တဲ့လူတွေတောင်မှ အပြစ် ပေးခံရမယ့် အခြေအနေအထိ ရောက်ခဲ့ရတယ်။ ဒီဒေသမှာ ရွှေ ကုမ္ပဏီတွေကို အလိုမရှိပါဘူး''ဟု ရေဘေးကြောင့် မြေးနှစ်ဦးဆုံး ရှုံးခဲ့ရသည့် ချောင်းကြီးကျေးရွာ သား ဦးထွန်းတင်က ပြောသည်။ အဆိုပါရွှေမိခင်တောင် သတ္တုတူးဖော်ရေးကုမ္ပဏီ၏ လက် ရှိလုပ်ကိုင်နေသည့်လုပ်ကွက် (ရွှေ လုပ်ကွက်အမှတ် TPK-171 ၊ ချောင်းကြီး ကျေးရွာ အမှတ်(၅)ရွှေဝါဝင်းရပ်ကွက်)သည် ချောင်း ကြီးကျေးရွာပိုင်မြေများတွင် အား လုံးပါဝင်နေသည်မှာ အမှန်ဖြစ် ပြီး ယင်းကုမ္ပဏီက ယခုနှစ် မေ ၂ဝရက်တွင် လုပ်ငန်းလုပ်ကိုင်ခွင့် လိုင်စင်ရရှိသွားကြောင်း သပိတ် ကျင်းမြို့ နယ် ကြေးတိုင်နှင့်မြေ စာရင်းဦးစီးဌာန မြို့နယ်ဦးစီးမှူး က အတည်ပြုသည်။ ဦးစီးမှူးက ''အခု ရွှေမိခင် တောင်ကုမ္ပဏီရဲ့ ရွှေလုပ်ကွက်ချ ထားမှုက ကျေးရွာပိုင်မြေဆိုတာ ဟုတ်ပါတယ်။ ခွင့်ပြုမိန့်ရသွားပြီ ဖြစ်တဲ့အတွက် ကျွန်တော် တို့မြို့ နယ်အနေနဲ့ လိုင်စင်သက်တမ်း ကုန်တာနဲ့ ရွာကိုပြန်ပေးဖို့စီစဉ် ထားတယ်''ဟု ရန်ကုန်တိုင်းမ်နေ့ စဉ်သတင်းစာနှင့် တွေ့ဆုံမေးမြန်း မှုကို ဖြေဆိုသည်။ လက်ရှိတွင် အဆိုပါချောင်း ကြီးကျေးရွာသားအချို့သည် ယင်း ကုမ္ပဏီ၏ ပိုင်နက်ကျူးလွန်မှုဖြင့် တိုင်ကြားမှုကြောင့် လူနှစ်ဦးအချုပ် ထဲတွင် ရောက်ရှိနေပြီး လေးဦး သည် တိမ်းရှောင်နေကြောင်း သပိတ်ကျင်းမြို့နယ်ရဲတပ်ဖွဲ့ထံ မှ သိရသည်။ ''သူတို့ လိုင်စင်ဘယ်လိုရ ထားလဲဆိုတာ မသိဘူး။ ရဲစခန်း ကို တိုင်ချက်ဖွင့် ထားတာကတော့ နေပြည်တော်က လက်မှတ်နဲ့ခွင့် ပြုထားတဲ့စာပါတယ်။ အခုရွာ သားတွေကို သတ္တုပုဒ်မ၃၀(ခ)နဲ့ အရေးယူပေးဖို့တိုင်ကြားထား တယ်။ နှစ်ဦးကိုဖမ်းထားပြီး ကျန် လူတွေကိုတော့ အပြေးနဲ့ အမှု ဖွင့်ပြီး စုံစမ်းနေတယ်''ဟု ဒုရဲအုပ် သန်းဇော်နိုင်က ပြောသည်။ အဆိုပါသတ္တုကုမ္ပဏီ၏ ကျေးရွာပိုင်မြေများကို လိုင်စင် လျှောက်ထား ရွှေတူးဖော်ခြင်း သည် ကျေးရွာရှိယခင်လယ်မြေ များလည်းပါဝင်နေကြောင်း၊ လယ် ယာမြေ ပြန်လည် လုပ်ကိုင်ခွင့် လျှောက်ထားမှုကို ယင်းကုမ္ပဏီ ၏လိုင်စင်ကြောင့် ဆိုင်းငံ့ခံထား ရကြောင်း ၂၀၀၅ခုနှစ်အထိ လယ် မြေလုပ်ကိုင်သည့် ပြေစာကိုင်ထား သူများက ပြောသည်။ ''လယ်ယာမြေတွေ ဆိုတာ ဟုတ်ပါတယ်။ အခုတော့ရွှေလုပ် ကွက်တွေ ကြောင့် ရွှံ့တွေဖုံးလွှမ်း နေပါပြီ။ ရွာသားတွေ လျှောက် ထားတဲ့ လယ်ယာမြေလုပ်ပိုင်ခွင့် ကိုလဲ စိစစ်ထားပါတယ်''ဟုမြို့ နယ် မြေစာရင်းဦးစီးမှူးက ပြော သည်။ ယခုကဲ့သို့ ကျေးရွာပိုင်မြေ များကိုဝန်ကြီးဌာနမှ သတ္တုတူး ဖော်ရေး ကုမ္ပဏီကို လုပ်ကိုင်ခွင့် ချထားပေးခြင်းနှင့်ပတ်သက်ပြီး ကျေးရွာသားများက ကျေနပ်မှုမရှိ ဘဲ ရွာသားများ၏ စုပေါင်းလက် မှတ်များဖြင့် ပြည်သူ့လွှတ်တော် မြေယာကော်မတီအထိ ရောက် ရှိစစ်ဆေးပေးရန် တိုင်ကြားမည် ဖြစ်ပြီး အဆိုပါ ကုမ္ပဏီများကို အ စစ်အဆေးမရှိ ပြုလုပ်ခွင့်ပေးနေ သည့် ဒေသအာဏာပိုင်များကို အထောက်အထားများဖြင့် တိုင် ကြားမှုပြုလုပ်ရန် စီစဉ်မည်ဖြစ် ကြောင်း ရွာသားများက တညီ တညွတ်တည်းပြောသည်။ လက်ရှိတွင် ယင်းကုမ္ပဏီ၏ ဝင်းခတ်ပိတ်ဆို့ လိုက်ခြင်းကြောင့် တစ်ပိုင်တစ်နိုင် ရွှေရှာသည့်လုပ် ငန်းဖြင့် အသက်မွေးသူဒေသခံ များ၊ လယ်ယာမြေလုပ်ကိုင်သူနှင့် တောင်ယာလုပ်ကိုင်သူများ အ ခက်အခဲဖြစ်ပေါ်နေကြောင်း သိ ရသည်။

ယင်းအခြေအနေများနှင့် သပိတ်ကျင်းမြို့နယ် အထွေထွေ အုပ်ချုပ်ရေးမှူးရုံးကို သွားရောက် မေးမြန်းရာတွင် အသေအချာမသိ ကြောင်း၊ ကျေးရွာသားများက မသိနားမလည်၍ ပြောခြင်းဖြစ် နိုင်ကြောင်း၊ လုပ်ကိုင်ခွင့်ရထား သည့်အတွက် လုပ်ကိုင် နေခြင်း ဖြစ်နိုင်ကြောင်း အမည်မဖော်လို သူ မြို့နယ်ဒုတိယဦးစီးမှူးက မှတ် ချက်ပေးသည်။ အဆိုပါလတ်တလောဖြစ် ပေါ်နေသည့်အခြေအနေများ ကို ရွှေမိခင်တောင်သတ္တုတူးဖော် ရေးလုပ်ငန်းခွင်ရှိရာ မန်နေဂျာရုံး ခန်းကို ဝင်ရောက် မေးမြန်းရာ တွင် လုပ်ငန်းတာဝန်ခံက ''ဒီကုမ္ပဏီ လုပ်ကိုင်ခွင့် ဘယ်လိုရထားတာ လဲဆိုတာ ဒီဒေသကရဲစခန်းတိုင်း သိတယ်။ သိချင်ရင် ရဲစခန်းကို သွားမေးပါ''ဟု ဇူလိုင်၂၆ရက် နံနက်၁၁နာရီခွဲခန့်တွင် ပြန်လည် ဖြေဆိုသည်။

ကျော်ဇေယျ
Yangon Time