မိုးအဆက်မပြတ်ရွာသွန်းမှုကြောင့် ရေလွှမ်းမိုးမှုများဖြစ်
ပို့စ်တင်ချိန်
-
8/23/2013 06:40:00 PM
ရန်ကုန်၊ သြဂုတ် ၂၃
၂၃.၈.၂၀၁၃ ရက်နေ့ တွင် ရန်ကုန်တိုင်းဒေသကြီးအတွင်းရှိ မြို့နယ်အချို့တွင် မိုးအဆက်မပြတ်ရွာသွန်းမှုကြောင့် ရေလွှမ်းမိုးမှုများဖြစ်ပေါ်လျက်ရှိရာ
ရွှေပြည်သာမြို့နယ်၊ အင်းပေါက်စုရပ်ကွက်ရှိ လူနေအိမ်ခြေ (၅၀)ခန့်အနက်မှ
ပြောင်းရွှေ့သင့်သူ မိသားစု(၁၈)စု၊လူဦးရေ(၆၃)ဦးအား ဇီးကုန်းကျေးရွာရှိ
ရွှေမြို့ဝင်ကျောင်းတိုက်ဓမ္မာရုံသို့လည်းကောင်း၊ အမှတ်(၁/၅၈)ရပ်ကွက်ရှိ လူနေအိမ်ခြေ(၃၀၀)ရှိ လူဦးရေစုစုပေါင်း(၉၅၀)ဦးတို့အား အမှတ်(၁)ရပ်ကွက်၊ ကိုးန၀င်းဓမ္မာရုံသို့လည်းကောင်း ၊ (ဒ/၁၇) ရပ်ကွက်ရှိ လူနေအိမ်ခြေ (၆၁၀) ရှိ
လူဦးရေ (၂၃၀၀)ခန့်အား ရေလွတ်ရာ အ.လ.က(၆)ကျောင်းသို့ လည်းကောင်းပြောင်းရွှေ့နေရာချထားပေးခဲ့ပါသည်။၎င်းမိသားစုများအား သက်ဆိုင်ရာတာဝန်ရှိ သူများနှင့်ပြည်သူများမှလိုအပ်သည်များ ၀ိုင်းဝန်းကူညီ
ဆောင်ရွက်ပေးလျက် ရှိပါသည်။
လှိုင်မြို့နယ်၊ (၁၅)ရပ်ကွက်ရှိ တပ်မြို့စည်ပင်ဝင်း နှင့် (၁၆)ရပ်ကွက်ရှိမာဃ(၁၀)လမ်း လူနေအိမ်ခြေ စုစုပေါင်း (၁၀၃)လုံးရေနစ်မြုပ်ခဲ့သဖြင့် ပြောင်းရွှေ့ရခြင်း၊ ပျက်စီးဆုံးရှုံးခြင်းမရှိသော်လည်း ရေတက်မှုကြောင့် ထမင်းချက်ပြုတ်မရသဖြင့် ရပ်ကွက်ရှိပြည်သူများမှ ထမင်းထုပ်များဝေငှပေးလျက် ရှိပါသည်။
အင်းစိန်မြို့နယ်၊ ကမ်းနားအလယ်ရပ်ကွက်၊ သီရိရတနာလမ်းရှိ အမှတ်(၄)အခြေခံပညာ
အထက်တန်း ကျောင်းအတွင်းသို့လည်းကောင်း၊ သာကေတမြို့နယ် အတွင်းရှိ အ.လ.က(၆)ကျောင်းနှင့် အ.မ.က( ၇/၉/၁၅/၂၀/၂၅/၃၂)ကျောင်းများအတွင်းသို့
လည်းကောင်း ရေများဝင်ရောက်ခဲ့သဖြင့် ကျောင်များ ခေတ္တပိတ်ထားခဲ့ရပါသည်။
လှိုင်သာယာမြို့နယ်၊ သောင်ကြီးနယ်မြေရဲစခန်းရုံးနှင့် ရဲစခန်းဝင်းအတွင်းသို့
ရေများဝင်ရောက် လျက်ရှိကြောင်းနှင့် မြောက်ဥက္ကလာပမြို့နယ်၊ (၂)ရပ်ကွက်နှင့် (ခ)၊(ဂ)၊(ဃ)၊(င)၊(စ)၊(ဆ)၊(ဇ)၊(ဋ)၊ ရပ်ကွက်များရှိ လမ်းများပေါ်တွင်လည်း
ရေတက်ရောက်လျက်ရှိကြောင်း သတင်းရရှိပါသည်။
