Tata ကားကုမ္ပဏီ အသွင်သစ်ဖြင့် Tata Nano ကားသစ် ထုတ်

ပို့စ်တင်ချိန် - 8/23/2013 06:33:00 PM


မွန်ဘိုင်း၊ သြဂုတ် ၂၂

ကမ္ဘာ့ ဈေးအချိုဆုံး ကားဖြစ်သော တာတာကားများမှာ ဈေးနှုန်း နိမ့်ပါးသည့် ပုံရိပ်ကြောင့် ဝယ်ယူသူ နည်းပါးလျက်ရှိသဖြင့် Tata Nano ကားများကို အသွင်သစ်ဖြင့် ထုတ်လုပ်တော့မည် ဖြစ်ကြောင်း BBC တွင် ဖော်ပြထား သည်။

ရောင်းအား ကျဆင်းလျက် ရှိသော တာတာ ကားကုမ္ပဏီသည် တာတာ နာနိုဟု အမည်ပေးထားသော Smart City ကားများ ထုတ်လုပ် ရောင်းချခြင်းဖြင့် ၎င်း၏ ရောင်းအား အဆင့်နေရာကို ပြန်လည် ရယူ တော့မည် ဖြစ်သည်။

“အခု ကျွန်တော်တို့ အဓိက အာရုံစိုက်တဲ့ အပိုင်းကတော့ ကားပုံစံပိုင်း တိုးတက် ကောင်းမွန်ဖို့ရယ်နဲ့ နောက်ထပ် မော်ဒယ်လ် အသစ်တွေ ထုတ်လုပ်သွားဖို့ပါ” ဟု Tata ကားကုမ္ပဏီ ဥက္ကဋ္ဌ ဆိုင်ရပ် မစ်စ်ထရီက ပြောကြားသည်။

၂၀၀၉ ခုနှစ်က စတင် ထုတ်လုပ်ခဲ့ပြီး တစ်စီးလျှင် အိန္ဒိယ ရူပီးငွေ တစ်သိန်း (အမေရိကန်ဒေါ်လာ ၁၄၀၀) သာ တန်ဖိုးရှိသော ကားများမှာ တန်ဖိုးနိမ့် ကား ဖြစ်ခြင်းကြောင့် ဝယ်ယူသူများ အကြိုက် နည်းလျက် ရှိသည်။

ဗြိတိသျှ ကားကုမ္ပဏီဖြစ်သော Land Rover နှင့် Jaguar ကားကုမ္ပဏီတို့ ပိုင်သော Tata ကားကုမ္ပဏီ ထုတ် ကားသစ်ဖြစ်သော နာနိုကားသည် ကား ဝယ်လိုသည့် အိန္ဒိယ မိသားစုများကို အကြိုက်တွေ့ စေမည်ဟု မျှော်မှန်း ထားသည်။

ယခု အသစ်ထွက်မည့် TaTa Nano ကားများတွင် ပါဝါ စတီယာရင် သာမက ကား အတွင်းပိုင်းနှင့် အပြင်ပိုင်း ဒီဇိုင်းများ ကောင်းမွန်အောင် ပြုလုပ် မည် ဖြစ်သကဲ့သို့ အရောင်စုံ ရွေးချယ်နိုင်ခြင်းနှင့် ဆီစား သက်သာခြင်း ဟူသော အကျိုးကျေးဇူးများ ရရှိမည်ဟု အိန္ဒိယနိုင်ငံ မွန်ဘိုင်းမြို့တွင် ပြုလုပ်သော နှစ်စဉ် ရှယ်ယာရှင်များ အစည်းအဝေးတွင် TaTa ကားကုမ္ပဏီ ဥက္ကဋ္ဌက ပြောကြားသည်။

“ကျွန်တော်တို့အခု Smart City Car လုပ်ဖို့ အာရုံစိုက်နေပါတယ်။ ဒီကားက လူငယ်တွေကို အဓိက ပစ်မှတ်ထားပါတယ်” ဟု ၎င်းက ပြောကြားသည်။
The Voice Weekly