ပဲပင်ပေါက် အကျိုးကျေးဇူးများ
ပို့စ်တင်ချိန်
-
9/24/2013 01:01:00 PM
ပဲရဲ့ ကျန်းမာရေး အကျိုးကျေးဇူးဟာ အညှောက် ပေါက်သွားတဲ့ အခါမှာ
အမြင့်ဆုံး ဖြစ်သွားပါတယ်။ ပဲပင်ပေါက်မှာ အင်ဇိုင်းတွေ၊ ပရိုတင်းဓာတ်တွေ ၊ဗီတာမင်နဲ့ သတ္တုဓာတ်တွေ အများအပြား ပါဝင် နေပါတယ်။
ပဲပင်ပေါက်မှာ အမိုင်နို အက်စစ်နဲ့ အမျှင်ဓာတ်တွေ ပါဝင်တဲ့အပြင် ဗီတာမင်
(အေ၊ ဘီ၊ စီ၊ ဒီ၊ အီးနဲ့ ကေ)၊ ဖောလစ် အက်စစ်၊ သံဓာတ်၊ ပိုတက်စီယမ် ၊
ကယ်လ်စီယမ်၊ ဖော့စ်ဖရပ်စ် ၊ မဂ္ဂနီဆီယမ် တို့ အများအပြား ပါဝင် နေပါတယ်။
ပဲပင်ပေါက်မှာ ကြေညက်လွယ်တဲ အာဟာရဓာတ် အများအပြား ပါဝင်တာကြောင့်ပဲပင်ပေါက်ရဲ့ အကျိုးကျေးဇူးကို သိနိုင်အောင် လေ့လာသူတွေက လေ့လာ ဖော်ပြထားပါတယ်။
ပဲပင်ပေါက်မှာ သံဓာတ်များစွာ ပါဝင်တာကြောင့် သွေးနီဆဲလ်မှာ တွေ့ရတဲ့
ဟေမိုဂလိုဘင် တည်ဖောက် မှုမှာ အရေးပါ ပါတယ်။ ဒါ့အပြင် ပဲပင်ပေါက်မှာ
ဗီတာမင်စီ မမြင့်မားတဲ့ ပမာဏ ပါဝင်မှု ရှိတာကြောင့် အူကနေ သံဓာတ်
စုပ်ယူမှုကိုကောင်းမွန်စေပါတယ်။ ဒါကြောင့် သံဓာတ် ချို့တဲ့မှုကြောင့်
ဖြစ်တဲ့ သွေးအားနည်း ရောဂါမဖြစ်အောင် ကာကွယ်နိုင်သလို ရော ဂါ ဖြစ်နေရင်လည်း
။
အသား၊ နို့နဲ့ နို့ထွက်ပစ္စည်းစတာတွေမှာ တွေ့ရများတဲ့ ပြည့်ဝဆီကု မှီဝမှု
လျော့ချရင်း ပဲပင်ပေါက်ကို ပုံမှန်စားသုံးပေးရင် သွေးတွင်း မကောင်းတဲ့
ကိုလက်စထရော LDကို လျော့ကျ စေပါတယ်။ အကြောင်းကတော့ ပဲပင်ပေါက်မှာအမျှင်ဓာတ်နဲ့ လက်စီသင် ပါဝင်လို့ဖြစ်တယ်။ ပဲပင်ပေါက်ဟာ နှလုံးနဲ့သွေးကြောတွေကို ကျန်းမာစေ တာကြောင့် နှလုံးရောဂါ မှာ အဖြစ် များဆုံး
ရောဂါဖြစ်တဲ့ နှလုံးသွေးကြောကျဉ်း ရောဂါမဖြစ်အောင် ကာကွယ် နိုင်ပါတယ်။
ပဲပင်ပေါက်မှာ အမျှင်ဓာတ်များစွာ ပါဝင်တာကြောင့် အူလှုပ်ရှားမှုကို ကောင်းမွန်စေပြီး ဝမ်းချုပ်တဲ့ လက္ခဏာကို သက်သာ စေပါတယ်။
အာဟာရတချို့ ချို့တဲ့မှုကြောင့် ဆံပင်တွေ ကျိုးပြတ်တာ၊ လက်သည်း၊
ခြေသည်းတွေ ကြွပ်ဆတ်တာတို့ ဖြစ်တတ်ပါတယ်။ အထူးသဖြင့် ပရိုတင်းဓာတ် ၊ဗီတာမင်နဲ့ ဇင့်(သွပ်) ဓာတ်တို့ ချို့တဲ့တာကြောင့် ဖြစ်တတ်ပါတယ်။ပဲပင်ပေါက်မှာ ဒီအာဟာရ ဓာတ်တွေ အများအပြား ပါဝင်တဲ့ အတွက် ဆံပင်သားနဲ့
လက်သည်း၊ ခြေသည်း ပြဿနာတို့ မဖြစ်အောင် ကာကွယ် နိုင်သလို ဖြစ်နေရင်လည်း ကုသပေးနိုင်ပါတယ်။
ပဲပင်ပေါက်မှာ လက်ဆီသင် ပမာဏ များစွာပါဝင်တဲ့ အပြင် သွေးတွင်း
မကောင်းတဲ့ ကိုလက်စထရောကို လျော့ကျ စေကာ အသည်းမှာ အဆီကပ်ငြိမှု မဖြစ်အောင်ကာကွယ် ပေးပါတယ်။ ဒါကြောင့် အဖြစ်များတဲ့ အသည်း ထိခိုက်မှုအခြအနေတစ်ရပ်ဖြစ်တဲ့ အသည်း အဆီဖုံးမှု မဖြစ်အောင် ကာကွယ် နိုင်ပါတယ်။
ပဲပင်ပေါက်မှာ အီစထရိုဂျင်လို အာနိသင် ပေးနိုင်တဲ့ ဖိုင်တို အီစထရိုဂျင်
များစွာ ပါဝင်ပါတယ်။ ဒါကြောင့် သွေးဆုံးချိန်နဲ့ ဆက်စပ်နေတဲ့ ရင်တုန်တာ၊
ညဘက် ပူလောင်ပြီး ချွေးထွက်တာစတဲ့ ဝေဒနာတွေ သက်သာ စေပါတယ်။ သွေးဆုံးဝေဒနာအများစုက အီစထရိုဂျင်အဆင့် လျော့နည်းလို့ ဖြစ်တာတာပါ။ ပဲပင်ပေါက်မှာတွေ့ရတဲ့ ဖိုင်တို အီစထရိုဂျင် တွေဟာ သွေးဆုံးချိန်မှာ အဖြစ်များတဲ့အရိုးပါး ရောဂါ မဖြစ်အောင်လည်း ကာကွယ် ပေးပါတယ်။
ပဲပင်ပေါက်မှာ အတွေ့များတဲ့ ဖိုင်တို အီစထရိုဂျင်ဟာ အရေပြား
တည်ဆောက်မှုမှာ အရေးပါတဲ့ ကော်လာဂျင်၊ အီလက်စတင်နဲ့ ဟိုင်ရာ လူရိုးနစ်အက်စစ်တို့ တည်ဆောက်မှုကို ကောင်းမွန် စေပါတယ်။ ပဲပင်ပေါက်ဟာ အရေပြားတင်းရင်းမှုနဲ့ အစိုဓာတ် လျော့ကျမှုကြောင့် ဖြစ်တဲ့ အရေပြားအိုမင်းတဲ့ဖြစ်စဉ်ကို မဖြစ်အောင် ကာကွယ် ပေးပါတယ်။
ပဲပင်ပေါက်မှာ စွမ်းအင်နဲ့ တခြား အာဟာရဓါတ်တွေ အများအပြား
ပါဝင်တာကြောင့် စိတ်ဖိ စီးမှုနဲ့ မောပန်းမှုတို့ကြောင့် ဖြစ်လာတဲ့ ဝေဒနာ
တွေကို သက်သာ လျော့ပါး စေပါတယ်။
Good Health
ကျန်းမာရေးစာတိုများစုစည်းမှု
