ဆေးလိပ်သောက်ခွင့်မရှိသည့်နေရာများ ထုတ်ပြန်ကြေညာ
ပို့စ်တင်ချိန်
-
10/24/2013 08:27:00 AM
ဆေးလိပ်လုံးဝသောက်ခွင့်မရှိသော နေရာများအား လူထုသိရှိခြင်းမရှိသည့်အတွက် ဆေးလိပ်ဆေးရွက်ကြီးထွက်ပစ္စည်း သောက်သုံးမှု ထိန်းချုပ်ရေးဥပဒေတွင် ပါဝင်သည့် ဆေးလိပ်သောက်ခွင့်မရှိသော နေရာများအား ကျန်းမာရေးဝန်ကြီးဌာနက ထုတ်ပြန်ကြေညာလိုက်သည်။
ဆေးလိပ်လုံးဝသောက်ခွင့်မရှိသော နေရာများမှ ဆေးရုံအဆောက်အအုံနှင့် ပတ်ဝန်းကျင်၊ ဆေးကုသဂေဟာနှင့် ဆေးခန်းများ၊ ကလေးကစားကွင်းများ အပါအ၀င် အားကစားရုံနှင့် အမိုးအကာရှိသည့် အားကစားကွင်းများ၊ စာသင်ကျောင်းများနှင့် ပတ်ဝန်းကျင်နေရာများ၊ တက္ကသိုလ် ဒီဂရီကောလိပ် စသည်တို့၏ စာသင်ခန်းနှင့် ရုံးခန်းနေရာများ ပါဝင်သည်။
ထို့အပြင် လူအများစုဝေးပြီး အမိုးအကာရှိသည့် ရုပ်ရှင်ရုံများ၊ ဇာတ်ရုံများ၊ ဈေးဝယ်စင်တာများ၊ ဈေးရုံများ၊ စာဖတ်ခန်းများ၊ ပြတိုက်၊ မော်ကွန်းတိုက်များ၊ အများပြည်သူသုံး စာကြည့်တိုက်များ၊ ဓာတ်လှေကားနှင့် ရွေ့လျားစက်လှေကားများ၊ မော်တော်ယာဉ်နှင့် လေယာဉ်များ၊ လေအေးစက်တပ်ဆင်ထားသော အများပြည်သူသုံးအခန်းများ၊ ခန်းမများ၊ ကိုယ်ပိုင်ဘာသာရပ် သင်တန်းကျောင်းများနှင့် ကျန်းမာရေးဝန်ကြီးဌာနက အမိန့်ကြော်ငြာစာထုတ်ပြန်၍ သတ်မှတ်ထားသည့် အများပြည်သူနှင့်ဆိုင်သည့် နေရာများအားလုံး ပါဝင်သည်။
ထိုနေရာများတွင် ဆေးလိပ်သောက်ပါက ပြစ်ဒဏ်ချအရေးယူရန် ပြည်ထဲရေးကဲ့သို့ အဖွဲ့အစည်းများနှင့်လည်း ညှိနှိုင်းဆောင်ရွက်မည်ဖြစ်ကြောင်း ဆေးလိပ်နှင့်ဆေးရွက်ကြီးထိန်းချုပ်ရေး စီမံချက်မန်နေဂျာ ဒေါက်တာနန်းနိုင်နိုင်ရှိန်ကပြောသည်။
“ဒီနေရာတွေမှာ ဆေးလိပ်မသောက်ဖို့ သတ်မှတ်ထားတာ လူတွေက မသိဘူးဆိုတဲ့အတွက် ထပ်ပြီးသတိပေးတာပါ။ လူထုအပြင် အဲဒီနေရာတွေရဲ့ တာဝန်ခံတွေလည်း သူတို့ရဲ့တာဝန်ကို သိလာအောင်လို့ပါ”ဟု ဒေါက်တာနန်းနိုင်နိုင်ရှိန်ကပြောသည်။
ဆေးလိပ်မသောက်ရနေရာများ သတ်မှတ်ထားသော်လည်း ဥပဒေအရ ထိရောက်စွာအရေးယူမှု အားနည်းခြင်းနှင့် လူထုပါဝင်မှုမရှိခြင်းတို့ကြောင့် ဥပဒေများပြဋ္ဌာန်းထားသော်လည်း အောင်မြင်မှုမရှိသေးခြင်းဖြစ်ကြောင်း ဆေးလိပ်ဆန့်ကျင်ရေးလုပ်ငန်း ဆောင်ရွက်နေသူများက ထောက်ပြထားသည်။
လွန်ခဲ့သည့်နှစ်များကလည်း ကွမ်းတံတွေးမထွေးရနေရာများ သတ်မှတ်၍ အရေးယူမှုများ ဆောင်ရွက်ခဲ့သော်လည်း ကာလတိုသာ ဆောင်ရွက်နိုင်ခဲ့သဖြင့် ထိရောက်မှုမရှိခဲ့ပေ။
“အခုကတော့ ဆေးလိပ်ငွေ့လွတ်တဲ့နေရာက တော်တော်ရှားနေပြီ။ ကားမှတ်တိုင်တွေမှာရော ကားပေါ်မှာလည်း ယာဉ်မောင်းရော၊ ယာဉ်နောက်လိုက်တွေရော သောက်နေကြတာ”ဟု အရောင်းမြှင့်တင်ရေးဝန်ထမ်းဖြစ်သည့် မစုကပြောသည်။
မြန်မာနိုင်ငံတွင် ဆေးလိပ်နှင့် ဆေးရွက်ကြီးထွက်ပစ္စည်း သောက်သုံးမှုထိန်းချုပ်ရေးဥပဒေကို ၂၀၀၆ ခုနှစ်က ပြဋ္ဌာန်းခဲ့ပြီး နည်းဥပဒေပေါ်ပေါက်လာစေရန် သက်ဆိုင်ရာအဖွဲ့အစည်းများနှင့် ညှိနှိုင်းမှုများ ဆောင်ရွက်နေပြီဖြစ်ကြောင်း သတင်းရရှိသည်။
ဓာတ်ပုံ- ဂျေမောင်မောင် (အမရပူရ)
7Day News Journal
