ဂက်စ်တွေတရုတ်စာချူပ်မိ၊လက်ခကြီး၊လျှပ်စစ်ခတက်
ပို့စ်တင်ချိန်
-
10/31/2013 01:38:00 PM
RFA Burmese
လျှပ်စစ်အား ပိုထုတ်နိုင်ရင် မီတာခပြန်လျှော့မယ်လို့ပြော
လျှပ်စစ်မီတာသုံးစွဲခတွေကို လာမယ့်နိုဝင်ဘာလကစပြီး နှစ်ဆနီးပါး တိုးမြှင့်ကောက်ခံသွားမှာဖြစ်ပေမယ့် နိုင်ငံတော်အနေနဲ့ ဓါတ်အားထုတ်လုပ်မှု ကုန်ကျစရိတ်တွေလျော့နည်းခဲ့ရင် ဓါတ်အားသုံးစွဲခတွေကို ပြန်လည်လျှော့ချပေးသွားမှာဖြစ်တယ်လို့ လျှပ်စစ်စွမ်းအားဝန်ကြီးဌာန၊ ပြည်ထောင်စုဝန်ကြီး ဦးခင်မောင်စိုးက ပြည်ထောင်စုလွှတ်တော်မှာ သတင်းထောက်တွေကို ဒီနေ့ပြောကြားလိုက်ပါတယ်။
“ဓါတ်အားတွေထုတ်လုပ်လို့ ကုန်ကျစရိတ်တွေများရင် ဒီလိုပဲတက်မယ်၊ ဒါပေမယ့် ဒီတက်တာသည် နောက်ထပ်ထပ်တက်ဖို့တော့ အလားအလာမရှိတော့ဘူး၊ ကျနော်တို့နိုင်ငံက ဂက်စ်တာဘိုင်တွေ ထွက်လာမယ်၊ ရေအားတွေ ထွက်လာမယ်ဆိုလို့ရှိရင် ဓါတ်အားခတွေ ပြန်လည်လျော့သွားမှာဖြစ်ပါတယ်”
အိမ်သုံးမီတာသုံးစွဲမှု ယူနစ်တစ်ရာအထက်ကို ၃၅ကျပ်ကနေ ၅၀ကျပ်အထိ၊ လုပ်ငန်းသုံးမီတာသုံးစွဲမှု ယူနစ်ငါးထောင်အောက်ကို ၇၅ကျပ်ကနေ တစ်ရာအထိ ၊ ယူနစ်ငါးထောင်အထက်ကို ကျပ်၁၅၀ အထိ ပြောင်းလဲကောက်ခံမှာဖြစ်ပါတယ်။ ရန်ကုန်မြို့တော် လျှပ်စစ်ဓါတ်အားပေးဝေရေးအဖွဲ့က အခုလိုမီတာခတွေ တိုးမြှင့်ကောက်ခံမှာဟာ ဓါတ်အားထုတ်လုပ်မှုကုန်ကျစရိတ်နဲ့ ဓါတ်အားဝယ်ယူမှု ကုန်ကျစရိတ်တွေကာမိအောင်ဖြစ်တယ်လို့ ထုတ်ပြန်ထားပါတယ်။
လုပ်ငန်းရှင်တွေကတော့ ခုလိုဈေးနှုန်းမြှင့်လိုက်ပေမယ့် မီးမလာတာတွေ မကြာခဏဖြစ်နေမယ်ဆိုရင် ကုန်ထုတ်လုပ်မှုက အရင်လိုပဲ ကျဆင်းနေဦးမှာဖြစ်တယ်လို့ ပြောကြပါတယ်။
ရှက်တတ်လာပြီ မြန်မာပြည်
===============
လျှပ်စစ်စွမ်းအားဝန်ကြီးဌာန၏ လျှပ်စစ်ဓာတ်အားကို မယုံကြည်၍ မြန်မာနိုင်ငံက အိမ်ရှင်နိုင်ငံ အဖြစ် ပထမဆုံး အကြိမ် လက်ခံကျင်းပမည့် အရှေ့တောင် အာရှ အားကစား ပြိုင်ပွဲ (SEA GAME) ဖွင့်ပွဲ အခမ်းအနား ကို ဗို့အားမြင့် မီးစက်ကြီး များ အသုံးပြုဖွင့်လှစ်မည်ဖြစ်သည်။
နေပြည်တော် ဆီးဂိမ်းပြိုင်ပွဲ ဖွင့်ပွဲ အခမ်းအနားတွင် လျှပ်စစ်စွမ်းအားဝန်ကြီးဌာန၏ လျှပ်စစ် ဓာတ်အားကို အသုံး မပြုရခြင်း မှာ ဖွင့်ပွဲကာလ မီးပျက်မည်ကို စိုးရိမ်၍ ဖြစ်ပြီး ဖွင့်ပွဲအချိန် မီးပျက် ပါက နိုင်ငံဂုဏ်သိက္ခာ ကျဆင်းနိုင်သဖြင့် မီးစက်များ အသုံးပြု ပြိုင်ပွဲ ဖွင့်လှစ်ရန် စီစဉ်ထားခြင်းဖြစ်ကြောင်း အားကစားဝန်ကြီးဌာန၊ လူထု ဆက်ဆံရေးနှင့် ပညာပေးရေး ဌာန ညွှန်ကြားရေးမှူး ဦးဌေးအောင်က ဧရာဝတီသို့ ပြောသည်။
“ဆီးဂိမ်းဖွင့်ပွဲကြီး ကျင်းပနေစဉ်မှာ အစိုးရ လျှပ်စစ်ဓာတ်အားလိုင်းကို သုံးမှာ မဟုတ်ဘူး။ မီးပျက်နိုင်တယ်လေ။ မီးစက်ပဲ သုံးမယ်။ ဖွင့်ပွဲ မတိုင်ခင် တနာရီလောက်ကတည်းက ကြိုပြီးတော့ ကျင်းပမယ့် အခမ်းအနား အဆောက်အဦ၊ အားကစားရုံ တခုလုံးကို မီးစက်အလုံး ၂၀ လောက်နဲ့ မီးပေးဖို့ စီစဉ်ထားတယ်´´ ဟု ဦးဌေးအောင်က ဆိုသည်။
ဧရာဝတီ
လွှတ်တော်ကဆိုင်းငံ့သော်လည်း ဓာတ်ငွေ့သုံး လျှပ်စစ် ဓါတ်အားပေး စက်ရုံ ရခိုင်တွင် တည်ဆောက်မည်
(နိရဉ္စရာ- ၃၀ အောက်တိုဘာ ၂၀၁၃)
 |
| ဓာတ်ငွေ့ထွက်သော်လည်း သုံးခွင့်မရသဖြင့် လျှပ်စစ်မီး ပေးနေရသော စစ်တွေမှ ဒီဇယ်သုံး မီးစက်ကြီး။ |
မွန်ပြည်နယ် မော်လမြိုင်မြို့မှ ရခိုင်ပြည်နယ် ကျောက်ဖြူမြို့သို့ ပြောင်းရွှေ့ တည်ဆောက်မည့် အစိုးရ၏ သဘာဝ ဓာတ်ငွေ့သုံး လျှပ်စစ် ဓာတ်အားပေး စက်ရုံ အစီအစဉ်အား လွှတ်တော်တွင် ကန့်ကွက်မူကြောင့် ပြည်ထောင်စု လွှတ်တော် နာယက သူရ ဦးရွှေမန်းမှ ဆိုင်းငံ့သော်လည်း ယခုနှစ် အကုန်တွင် လျှပ်စစ် ဓာတ်အားပေး စက်ရုံတစ်ခုကို ကျောက်ဖြူမြို့တွင် တည်ဆောက် သွားမည်ဟု သတင်း ရရှိသည်။
အောက်တိုဘာလ ၂၅ ရက်နေ့က ပြုလုပ်သော လျှပ်စစ်ဝန်ကြီး ဦးခင်မောင်စိုးနှင့် စွမ်းအင်ဝန်ကြီး ဦးဇင်ယော်အောင်တို့၏ ကျောက်ဖြူ ခရီးစဉ်တွင် ထိုသို့ ထုတ်ဖေါ်ပြောဆိုခဲ့သည်ဟု ဆိုသည်။
“ ၀န်ကြီးတွေက ကျောက်ဖြူမြို့မိ မြို့ဖတွေ၊ လူမူ အထောက်အကူအပြုအဖွဲ့က တာဝန်ရှိသူတွေကို လေဆိပ် ဧည့်ရိပ်သာမှာ ခေါ်ယူတွေ့ဆုံ စဉ်မှာ ပြောသွားတာပါ။ ၀န်ကြီးက လွှတ်တော်ကနေ လျှပ်စစ် ဓာတ်အားပေး စက်ရုံ ရခိုင်ကို ရွှေ့မယ့် ကိစ္စကို ဆိုင်းငံ့ထားပေမယ့် ရခိုင်လူထု အနေနဲ့ စိုးရိမ် အားမငယ်ဖို့နဲ့ နိုင်ငံတော် သမ္မတက ဆုံးဖြတ်ပြီးသား ဖြစ်တဲ့ အတွက် မီဂါဝပ် ၅၀ ပေးနိုင်တဲ့ သဘာဝ ဓါတ်ငွေ့သုံး စက်ရုံကို မဖြစ်မနေ အကောင်အထည်ဖေါ် တည်ဆောက်သွားမယ်လို့ ပြောဆိုသွားပါတယ်” ဟု ကျောက်ဖြူ ဒေသခံ ဦးသန္တာမောင်က ပြောသည်။
ယခု ကျောက်ဖြူတွင် တည်ဆောက်မည့် သဘာဝ ဓာတ်ငွေ့သုံး လျှပ်စစ် ဓာတ်အားပေး စက်ရုံမှာ မွန်ပြည်နယ်မှ ပြောင်းရွှေ့ တည်ဆောက်မည့် စက်ရုံလား၊ (သို့မဟုတ်) အသစ်တည်ဆောက်မည့် စီမံကိန်းလား ဆိုသည်ကိုမူ ၀န်ကြီးများက သဲသဲကွဲကွဲ ရှင်းလင်း ပြောကြားသွားခြင်း မရှိကြောင်း သိရသည်။
ကျောက်ဖြူ လူမူကွန်ယက်မှ တာာဝန်ရှိသူ တစ်ဦးဖြစ်သူ ဦးလှမြင့်ကျော်က အဆိုပါ လျှပ်စစ် ဓာတ်အားပေး စက်ရုံကို ယခုနှစ်ကုန်ပိုင်း ဒီဇင်္ဘာလတွင် စတင်တည်ဆောက်သွားမည်ဟု ၀န်ကြီးများက ပြောဆိုကြောင်း ပြောကြားသည်။
စက်ရုံ တည်ဆောက်မည့် မြေနေရာကို ကျောက်ဖြူအနီးရှိ ဂုံးရှိန် ကျေးရွာနှင့် ကံ့ကော်တော ဘုရားအကြား မြေ (၅၄) ဧက သတ်မှတ်ထားကြောင်း ဦးသန္တာမောင်က ဆက်ဆိုသည်။
ရခိုင်ပြည်နယ်မှ ထွက်သော သဘာဝ ဓါတ်ငွေ့ကို တရုတ်ပြည်သို့ တင်ပို့ရောင်းချခြင်းဖြင့် အစိုးရ အနေဖြင့် နှစ်စဉ် အမေရိကန် ဒေါ်လာ ဘီလီယံနှင့် ချီသော ၀င်ငွေများ ရရှိနေသော်လည်း ရခိုင်ပြည်နယ်တွင် လျှပ်စစ်မီး မရရှိခြင်း၊ ရရှိသည့် လျှပ်စစ်မီးမှာ ဒီဇယ်သုံး အင်ဂျင်များမှ ထုတ်လုပ်သဖြင့် မီတာခ တယူနစ်ကို ၅၀၀ ကျပ်ထိ ပေးဆောင်နေရခြင်းတို့ကြောင်း ပြည်တွင်း၊ ပြည်ပမှ ဝေဖန်မူများ တိုးပွားလာနေရာ လက်ရှိ အစိုးရမှ မွန်ပြည်နယ် မော်လမြိုင်မြို့တွင် တည်ဆောက်ရန် စီစဉ်နေသော ဓာတ်ငွေ့သုံး စက်ရုံကို ရခိုင်ပြည်နယ် ကျောက်ဖြူ မြို့တွင် ပြောင်းရွှေ့တည်ဆောက်ရန် ပါလီမန်တွင် တင်ပြခဲ့သည်ဟု သိရသည်။
သို့သော်လည်း မွန်ပြည်နယ် မှ လွှတ်တော် အမတ် တစ်ဦး ဖြစ်သူ ဒေါက်တာ ဗညားအောင်မိုးက ကန့်ကွက် ခဲ့သဖြင့် အဆိုပါ အစီအစဉ်ကို အောက်တိုဘာ ၂၄ ရက်နေ့တွင် ပြုလုပ်သော ပြည်ထောင်စု လွှတ်တော်တွင် ယင်း၏ နာယက သူရ ရွှေမန်းမှ ဆိုင်းငံ့ ထားလိုက်သည်ဟု သိရသည်။
မြန်မာ အစိုးရမှ နိုင်ငံတော်အဆင့် ခေတ်မှီ လျှပ်ဓါတ်အား ပေးစက်ရုံ အများအပြားကို နိုင်ငံအတွင်း တည်ဆောက်ရန် စီစဉ်နေရာ ကနဦး အစီအစဉ်များထဲတွင် ရခိုင်ပြည်နယ် အတွက် စက်ရုံတစ်ရုံမှ မပါဝင်ကြောင်း သိရှိရသည်။
မြန်မာ အစိုးရသည် ကမ္ဘာဘဏ် အကူအညီဖြင့် မွန်ပြည်နယ် သထုံမြို့တွင် ၁၀၆ မီဂါဝပ် ထုတ်လုပ်နိုင်မည့် အမေရိကန် ဒေါ်လာ ၁၄၀ သန်း တန် ခေတ်မီ လျှပ်စစ်ဓါတ်အား ပေးစက်ရုံ တစ်ခု တည်ဆောက်ရန် စီစဉ်နေပြီး ၎င်းစီမံကိန်းအတွက် မြန်မာ အစိုးရ တာဝန်ရှိသူများသည် ကမ္ဘာ့ဘဏ် တာဝန်ရှိသူများနှင့် ယခုနှစ် အောက်တိုဘာလ ၁၂ ရက်နေ့ သဘောတူ လက်မှတ်ရေးထိုးခဲ့သည်ဟု သိရသည်။
အလားတူ မွန်ပြည်နယ်မှ မော်လမြိုင်မြို့တွင် EXIM Bank of China ၏ ချေးငွေမှ အမေရိကန် ဒေါ်လာ ၅၇ ဒသမ ၁ သန်းနှင့်ညီမျှသော ယွမ်ငွေဖြင့် မော်လမြိုင်တွင် ၅၀ မီဂ္ဂါဝပ် သဘာဝ ဓာတ်ငွေ့သုံး လျှပ်စစ် ဓာတ်အားပေး စက်ရုံတည်ဆောက်ရန် စီစဉ်ထားသည်။ ၎င်းစက်ရုံအား နောက်ပိုင်းတွင် ရခိုင်ပြည်နယ် ကျောက်ဖြူမြို့သို့ ပြောင်းရွှေ့ရန် လွှတ်တော်သို့ နိုင်ငံတော် သမ္မတက သ၀ဏ်လွှာပေးပို့ရာ ကန့်ကွက်မူများ ပေါ်ပေါက်ခဲ့သဖြင့် လွှတ်တော် ဥက္ကဌက ဆိုင်းငံ့ခဲ့သည်။
၎င်းပြင် မြန်မာနိုင်ငံ အလယ်ပိုင်းမှ ကျောက်ဆည်နှင့် မြင်းခြံမြို့တို့တွင်လည်း ရခိုင်မှ ထွက်သော သဘာဝ ဓါတ်ငွေ့ကို အသုံးပြုပြီး လျှပ်စစ် ဓါတ်အားပေး စက်ရုံများ တည်ဆောက်သွားမည်ဟု တရားဝင် ကျေညာ ထားသည်။ ၎င်းစီမံကိန်း (၂) ခုအတွက် မြန်မာ့ လျှပ်စစ်ဓါတ်အားလုပ်ငန်း၊ စွမ်းအင် ၀န်ကြီးဌာနမှ ပြည်တွင်း/ ပြည်ပ ရင်းနှီးမြုပ်နှံမူများအား ဖိတ်ခေါ်ထားသည်။
၂၄ နာရီ လျှပ်စစ်မီး ရရှိရေးအတွက် ရခိုင်လူထုက ယခုလို ပိုစတာများဖြင့် လူပ်ရှားမူ ပြုလုပ် တောင်းဆိုခဲ့ကြသည်။
၂၄ နာရီ လျှပ်စစ်မီး ရရှိရေးအတွက် ရခိုင်လူထုက ယခုလို ပိုစတာများဖြင့် လူပ်ရှားမူ ပြုလုပ် တောင်းဆိုခဲ့ကြသည်။
ကျောက်ဆည်ဒေသတွင် ဓာတ်အား ထုတ်လုပ်ဖြန့်ဖြူးပေးရန် Gas Engine Generator ဌားရမ်းရန် စီစဉ်နေပြီး မြင်းခြံဒေသတွင် ရခိုင်က ထွက်သော သဘာဝ ဓါတ်ငွေ့ဖြင့် Combined Cycle Power Plant ( CCPP) တည်ဆောက်ပြီး Independent Power Producer (IPP) စနစ်ဖြင့် ဓာတ်အား ထုတ်လုပ်ပေးမည်ဟု သိရသည်။
ယင်းအပြင် အိန္ဒိယ တာတာ စွမ်းအင်ကုမ္ပဏီ အကူအညီဖြင့် ဧရာဝတီတိုင်း ငရုတ်ကောင်း ကျေးရွာတွင်လည်း ကျောက်မီးသွေးသုံး ဓါတ်အားပေးစက်ရုံတစ်ရုံ တည်ဆောက်ရန် စီစဉ်နေကြောင်း သိရသည်။ ၎င်းစက်ရုံ တည်ဆောက်ရန် အတွက် ၎င်းအိန္ဒိယ ကုမ္ပဏီမှ မြန်မာအစိုးရနှင့် နားလည်မှု စာချွန်လွှာ လက်မှတ် ရေးထိုးထားပြီး ဖြစ်ကြောင်း၊ လိုအပ်သော ကွင်းဆင်းလေ့လာမှုများ စတင်ဆောင်ရွက်နေပြီ ဖြစ်ကြောင်း သိရသည်။
ယင်းပြင် ဂျပန်မှ မှာယူ တင်သွင်းသော ဓါတ်ငွေ့သုံး တာဘိုင်ဒါ စက်ကြီးများကိုလည်း ရန်ကုန်၊ မန္တလေး အပါအ၀င် မြို့ကြီးအတော်များများတွင် တည်ဆောက်ထားပြီ ဖြစ်ကြောင်း သိရသည်။
သဘာဝ ဓါတ်ငွေ့ အလျှံအပယ် ထွက်ရှိပြီး မီတာခ တယူနစ်ကို ကျပ် ၅၀၀ ထိ ပေးနေရသော၊ လျှပ်စစ်မီး မရ၍ ဖွံ့ဖြိုးတိုးတက်မူ နောက်ကျဆုံး ဖြစ်နေရသော ရခိုင်ပြည်နယ် အတွက်မူ စက်ရုံ တစ်ရုံမှ တည်ဆောက်ရန် ကနဦး အစီအစဉ်ထဲတွင် မပါဝင်ခဲ့သော်လည်း နောက်ပိုင်းတွင် အစိုးရမှ ရခိုင်အတွက် လျှပ်စစ် ဓာတ်အားပေး စက်ရုံများ တည်ဆောက်ပေးရန် စီစဉ်လာကြောင်း မြေပုံမြို့နယ် ပြည်သူ့လွှတ်တော်ကိုယ်စားလှယ် ဦးဖေသန်းက နိရဉ္စရာနှင့် မေးမြန်းခန်း တစ်ခုတွင် ပြောဆိုသည်။
“ လက်ရှိ အစိုးရက ၂၀၁၄-၂၀၁၅ မှာ ရခိုင်တပြည်နယ်လုံး လျှပ်စစ်မီး ရရှိစေရမယ်လို့ အာမခံထားပါတယ်။ ကျနော်တိ်ု့က ဒီ ရခိုင်မှာ လျှပ်စစ်မီး ရရှိရေးကို အကြိမ်ကြိမ် တင်ပြ တောင်းဆိုထားတာကြောင့် အစိုးရဘက်ကလည်း ခုလို ကတိက၀တ်တွေကို ပေးလာတာ ဖြစ်ပါတယ်။ ကျနော်ကတော့ သူတို့ တကယ် လုပ်ပေးမယ်လို့ ယုံကြည်ထားပါတယ်။ လက်တွေ့ လုပ်ပေးမလား၊ မလုပ်ပေးဘူးလားဆိုတာကိုတော့ သတိထား စောင့်ကြည့်ကြရမှာ ဖြစ်ပါတယ်” ဟု ၎င်းက ပြောသည်။
ရခိုင်ပြည်နယ်၏ ဖွံ့ဖြိုးတိုးတက်ရေး အတွက် အဓိက အခရာ အကျဆုံးမှာ ဈေးဈေးပေါပေါဖြင့် လျှပ်စစ်မီး အလုံအလောက် ရရှိ်ရေး ဖြစ်သဖြင့် ရခိုင်ပြည်နယ်၏ ဖွံ့ဖြိုးတိုးတက်ရေးကို အစိုးရ အနေဖြင့် အမှန်တကယ် လိုလားပါက သဘာဝ ဓာတ်ငွေ့သုံး လျှပ်စစ်ဓာတ်အားပေး စက်ရုံများကို ရခိုင်မြေပေါ်တွင် အမြန်ဆုံး တည်ဆောက်ပေးရန် လိုအပ်ကြောင်း ရခိုင်ပြည်နယ်သူ ပြည်နယ်သားများက ပြောဆိုလျှက် ရှိကြောင်း သတင်း ရရှိသည်။
