၂၀၁၄ ခုနှစ်မှစ၍ Free Permit ဖြင့် ကားသစ်များ တင်သွင်းရာတွင် ဘယ်မောင်းကားများကိုသာ ခွင့်ပြုမည်
ပို့စ်တင်ချိန်
-
10/10/2013 07:02:00 PM
၂၀၁၄ ခုနှစ်မှစတင်၍ Free Permit ဖြင့် ကားသစ်များတင်သွင်းရာတွင် ဘယ်မောင်းကားများကိုသာ တင်သွင်းခွင့်ပြုမည်ဟု ကုန်းလမ်းပို့ဆောင်ရေးနှင့် ညွှန်ကြားမှုဦးစီးဌာနမှ သတင်းရရှိသည်။
လက်ရှိတွင် Free Permit ဖြင့် ကားသစ်များတင်သွင်းရာတွင် ဘယ်မောင်း၊ ညာမောင်းနှစ်မျိုးစလုံးကို ခွင့်ပြုပေးထားသော်လည်း ရှေ့နှစ်မှစ၍ ဘယ်မောင်းကိုသာ တင်သွင်းခွင့်ပေးတော့မည်ဖြစ်သည်။ ထိုသို့ ဘယ်မောင်းကိုသာ တင်သွင်းခွင့်ပေးရခြင်းမှာ ညာမောင်းကားများသည် လမ်းအသုံးပြုမှုနှင့် ဆန့်ကျင်နေသဖြင့် ယာဉ်အန္တရာယ်ဖြစ်နိုင်မှု များသည့်အတွက် ပြောင်းလဲခြင်းဖြစ်သည်ဟု သိရသည်။
ကုန်းလမ်းပို့ဆောင်ရေးနှင့် ညွှန်ကြားမှုဦးစီးဌာနမှ လာမည့်နှစ်အတွက် CIF တန်ဖိုးများ၊ မော်တော်ယာဉ်တင်သွင်းခွင့်ဆိုင်ရာ မူဝါဒများနှင့် ကားအမျိုးအစား မော်ဒယ်လ်သတ်မှတ်ချက်များကို ယခုနှစ်မကုန်ခင် ရေးဆွဲသွားရန်ရှိသည်ဟု သိရသည်။
ကိုဟိန်း
myanmarinternetjournal
