တိုင်းရင်းသားအဖွဲ့များနှင့် အပစ်ရပ်ရေး မြစ်ကြီးနားတွင် သုံးရက်ကြာဆွေးနွေး

ပို့စ်တင်ချိန် - 11/04/2013 01:44:00 PM


မြစ်ကြီးနား၊ နိုဝင်ဘာလ ၄ရက်။

နိုဝင်ဘာလ ၄ရက်နေ့မှစတင်၍ ကချင်ပြည်နယ် မြစ်ကြီးနားမြို့ရှိ မဂျွယ်ခန်းမတွင် တိုင်းရင်းသား လက်နက်ကိုင်တော်လှန်ရေးအဖွဲ့ ၁၃ဖွဲ့ နှင့် ပြည်ထောင်စုဝန်ကြီး ဦးအောင်မင်း ဦးဆောင်သည့် ပြည်ထောင်စုငြိမ်းချမ်းရေးဖော်ဆောင်ရေးလုပ် ငန်းကော်မတီတို့ သုံးရက်ကြာ အပစ်အခတ်ရပ်စဲရေးဆိုင်ရာ ကိစ္စရပ်များနှင့် စပ် လျဉ်း၍ ဆွေးနွေးသွားမည်ဖြစ်ကြောင်း သိရသည်။

ယင်းဆွေးနွေးပွဲသို့ တိုင်းရင်းသားလက်နက်ကိုင်တော်လှန်ရေး အဖွဲ့ ၁၃ဖွဲ့ဖြစ်သည့် KIO မှ ဦးဆွမ်လွတ်ဂမ် အပါအဝင် KPC မှ ဗိုလ်မှူး စော မောင်မောင်၊ WNO ဦးတာ့မဟာ၊ ပအို့ဝ်အမျိုးသား လွတ်မြောက်ရေးအဖွဲ့(PNLO)မှ ဦးခွန်မြင့်ထွန်း၊ ပလောင်(တအောင်း) ပြည်နယ်လွတ် မြောက် ရေးတပ်ဦး (PSLF)မှ ဦးတာ့အိုက်ဖုန်း၊ ALP မှ ဦးစိုင်သုခ၊ NMSP မှ ဦးနိုင်အောင်မင်း၊ RCSS မှ ဗိုလ်မှူးကြီး စိုးလှ၊ KNU မှ ဗိုလ်ချုပ် ကြီး စောမူတူးစေးဖိုး၊ ညီညွတ်သောတိုင်းရင်းသားဖက်ဒ ရယ်ကောင်စီ (UNFC)မှ ဦးနိုင်ဟံသာနှင့် ဦးခွန်အေဘယ်တွိဒ်၊ SSPP မှ ဦးစဝ်ခွန် ဆိုင်း၊ DKBA မှ ဒုတိယ စစ်ဦးစီးချုပ် စော မူရှေး၊ ANC မှ ဦးထွန်းဇော်နှင့် LDU မှ ဦးကြာခွန်ဆာတို့ တက်ရောက်ကြသည်။

အပစ်အခတ်ရပ်စဲရေးဆိုင်ရာမူကြမ်းနှင့် စပ်လျဉ်း၍ တိုင်းရင်းသား လက်နက်ကိုင်တော်လှန်ရေးအဖွဲ့ ၁၇ဖွဲ့သည် အောက်တိုဘာလ ၃၀ရက် နေ့မှ စတင်၍ လိုင်ဇာမြို့ရှိ ကေအိုင်အိုဌာနချုပ်တွင် နိုဝင်
ဘာလ ၂ရက်နေ့အထိ လေးရက်ကြာ ဘုံသဘောတူညီချက် ၁၂ချက်အား သဘော တူ လက်မှတ်ရေးထိုးခဲ့ကြပြီး RCSS မှ အဆိုပါ ဘုံသဘောတူညီချက်အား ရှမ်းပြည်နယ်ရှိ အဖွဲ့အစည်းများနှင့်
ပြန်လည်တိုင်ပင်ညှိနှိုင်းမှု မပြုလုပ်ရသေးသည့်အတွက် လောလောဆယ်အချိန်တွင် ပါ ဝင်လက်မှတ်ရေးထိုးခြင်း မပြုလုပ်နိုင်သေးကြောင်း သိရသည်။

People power