သားအမိချင်း စကားများရန်ဖြစ်ရာမှ အုပ်ချုပ်ရေးမှူးအား ဓားဖြင့်ခုတ်သူ
ပို့စ်တင်ချိန်
-
11/24/2013 05:14:00 PM
အင်းစိန်မြို့ နယ် အောင်ဆန်းရပ်ကွက် သီဟိုဠ် ကျောင်းလမ်းနေ အသက် (၂၉)နှစ်ရှိ မောင်ဝေဇော်အောင်သည် နိုဝင်ဘာ ၁၆ ရက်က မိခင် ဒေါ်ညိုနှင့် စကားများရာ မိခင်ဖြစ်သူက ရပ်ကွက်အုပ်ချုပ်ရေးမှူး ဦးအောင်ဇေယျာမင်းအား သွားရောက်တိုင်ကြားစဉ် မောင်ဝေဇော်အောင်သည် မိခင်ဖြစ်သူနောက်သို့ ဓားကိုင်ဆောင်ပြီး လိုက်လာပြီး ရုံးခန်းအတွင်းသို့ဝင်ကာ တာဝန်ထမ်းဆာင်နေသူ အုပ်ချုပ်ရေးမှူးအားဓားဖြင့်ခုတ်ပြီး ထွက်ပြေးသွား၍ ရဲတပ်ဖွဲ့ဝင်များ၊ ဆယ်အိမ်မှူးများက ဝိုင်းဝန်းဖမ်းဆီးပြီး ရဲစခန်းသို့ ပို့ဆောင်ခဲ့သည်။
ပြည်သူ့ဝန်ထမ်းတစ်ဦး တာဝန် ထမ်းဆောင်နေစဉ် ပြင်းထန်စွာ ဒဏ်ရာရရှိအောင် ဓားဖြင့်ခုတ်၍ ရာဇဝတ်မှု ကျူးလွန်သူတစ်ဦးအား အင်းစိန်မြို့မရဲစခန်းက ပုဒ်မ-၃၃၃ ဖြင့် ဖမ်းဆီးအရေးယူထားသည်။
ဓားဖြင့်အခုတ်ခံရသူမှာ ဦးခေါင်း၊ နားရွက်၊ လက်များတွင် ဒဏ်ရာ ၁၄ ချက်ရရှိသွားပြီး အင်းစိန်ဆေးရုံကြီးသို့ တင်ပို့၍ ဆေးကုသမှုခံယူလျက် ရှိကြောင်း သိရသည်။
The Mirror Daily
