ပြည်သူ ၇၀ ရာခိုင်နှုန်း လျှပ်စစ်မီးရရန် မီတာခ တက်ခြင်းဟုဆို
ပို့စ်တင်ချိန်
-
11/07/2013 01:09:00 PM
ရန်ကုန်၊ နိုဝင်ဘာ ၆
မြန်မာနိုင်ငံ တစ်ဝန်းလုံးတွင် လျှပ်စစ်မီး ရရှိသည့် ပြည်သူ ၃၀ ရာခိုင်နှုန်း ရှိနေပြီ ဖြစ်သော်လည်း ကျန် ၇၀ ရာခိုင်နှုန်းသော ပြည်သူများအတွက် လျှပ်စစ်မီး ရရှိစေရန် လုပ်ဆောင်မည် ဖြစ်သောကြောင့် လျှပ်စစ်ဓာတ်အား သုံးစွဲခကို တိုးမြှင့်ကောက်ခံခြင်း ဖြစ်ကြောင်း ရန်ကုန်မြို့တော် လျှပ်စစ်ဓာတ် အားပေးရေးအဖွဲ့ ဥက္ကဋ္ဌ ဦးအောင်ခိုင်က နိုဝင်ဘာလ ၆ ရက်နေ့တွင် မီဒီယာများနှင့် တွေ့ဆုံစဉ် ပြောကြားသည်။
စက်မှုဇုန်များ လျှပ်စစ်ဓာတ်အား ပေးဝေခြင်း လုပ်ငန်းကို ပုဂ္ဂလိကသို့ လွှဲပေးပြီး ဝန်ကြီးဌာနမှ ကိုင်တွယ် လုပ်ဆောင်နေသောကဏ္ဍ လျှော့ချမည် ဖြစ်သဖြင့် ပုဂ္ဂလိက ရင်းနှီးမြှုပ်နှံမှုများ ဝင်ရောက်လာချိန်တွင် စက်မှုဇုန်များကို မီးမပေးရသောကြောင့် ပိုထွက်လာသည့် လျှပ်စစ်ကို မီးမရရှိသည့် ပြည်သူ ၇၀ ရာခိုင်နှုန်းထံ ဖြန့်ဝေရန် ကြိုးစားသွားမည် ဖြစ်ကြောင်း ၎င်းက ဆက်လက် ပြောကြားသည်။
မီတာခများ တိုးမြှင့် ကောက်ခံမှုမှ ရရှိလာသည့် ဘဏ္ဍာငွေများဖြင့် လျှပ်စစ်ကဏ္ဍ ဖွံ့ဖြိုးရေးအတွက် အခြေခံ အဆောက်အဦ များကို ဆောက်လုပ်၍ မီးမရရှိသည့် ပြည်သူများကို မီးပေးရန် လုပ်ဆောင် မည် ဖြစ်ကြောင်း ၎င်းကဆိုသည်။
“မီးမရတဲ့ ပြည်သူ ၇၀ ရာခိုင်နှုန်းကို မီးပေးဖို့ ကုန်ကျစရိတ် လိုတယ်။ မီတာခ တက်လို့ ဆန္ဒပြမယ်ဆိုတဲ့ လူတွေကို မေးချင်တာက သူတို့ ဘယ်သူကို ကိုယ်စားပြုပြီး ဆန္ဒပြတာလဲ ဆိုတာပဲ” ဟု ၎င်းကဆိုသည်။
မွန်ပြည်နယ်တွင် ဆောက်လုပ်ရန် လျာထားသည့် လျှပ်စစ်ဓာတ်အားပေး စက်ရုံကို ရခိုင်ပြည်နယ်သို့ ရွှေ့ရန် သမ္မတက ပြည်ထောင်စုလွှတ်တော်သို့ သဝဏ်လွှာ ပေးပို့ရာ မွန်ပြည်နယ်မှ လွှတ်တော် ကိုယ်စားလှယ်က ကန့်ကွက်ခြင်းကို ၎င်းက ထောက်ပြသည်။
ထိုင်းနိုင်ငံသည် မြန်မာနိုင်ငံမှ ဝယ်ယူသည့် သဘာဝဓာတ်ငွေ့ဖြင့် တစ်ယူနစ်လျှင် ၁၅၀ ကျပ်ဖြင့် လျှပ်စစ်ဓာတ်အား ပေးလျက်ရှိပြီး မြန်မာနိုင်ငံ မှာမူ ကိုယ့်နိုင်ငံမှ ထွက်ရှိသော သဘာဝဓာတ်ငွေ့ဖြင့် တစ်ယူနစ် ၁၅၀ ကျပ် ဆိုသည်မှာ မဖြစ်သင့်ကြောင်း ရေထွက် ပို့ကုန် လုပ်ငန်းရှင် ဒေါ်တိုးနန္ဒာတင်က ပြောကြားသည်။
မီတာခ တိုးမြှင့်လိုက်သော်လည်း နွေရာသီ လျှပ်စစ်ဓာတ်အား လုံလောက်စွာ ရရှိရန်ကိုမူ အာမခံ မပေးနိုင်သေးကြောင်း၊ တိုးမြှင့်ကောက်ခံသည့် မီတာခများကြောင့် နိုင်ငံ့ဘဏ္ဍာငွေ ပိုမိုရရှိလာမည် ဖြစ်သော်လည်း အနာဂတ် လျှပ်စစ်ဓာတ်အား လုံလောက်ရေး စီမံချက်များကိုမူ ၎င်း၏ ရာထူးအဆင့်ဖြင့် မဖြေဆိုနိုင်သေးဟု ဦးအောင်ခိုင်က ပြောကြားသည်။
လျှပ်စစ်ကဏ္ဍတွင် လိုအပ်သည့် ဓာတ်အားပေး စက်ရုံခွဲများ၊ ဓာတ်အားလိုင်းများနှင့် လျှပ်စစ်ဓာတ်အား ဖြန့်ဖြူးရေးပိုင်းတွင် တိုးချဲ့ တည်ဆောက်ရေး အတွက်လည်း လျှပ်စစ်စွမ်းအား ဝန်ကြီးဌာနတွင် ဘဏ္ဍာငွေများစွာ လိုအပ်နေပြီး မီတာတစ်ယူနစ်လျှင် ပျမ်းမျှ ထုတ်လုပ်မှုစရိတ် ၇၈ ကျပ် ကျသင့်ကာ ပြည်သူများသို့ မီတာတစ်ယူနစ်လျှင် ပျမ်းမျှ ၅၆ ကျပ်ဖြင့် ပေးဝေနေရာ လျှပ်စစ် တစ်ယူနစ်လျှင် ၂၂ ကျပ် ရှုံးလျက် ရှိသည်ဟု ရန်ကုန်မြို့တော် လျှပ်စစ်ဓာတ်အား ပေးဝေရေး အဖွဲ့ထံမှ သိရသည်။
The voice weekly
