“ လမ်းသရဲမှ သောတာပန်သို့ ”... (အချိန်မှီပါတယ်)
ပို့စ်တင်ချိန်
-
12/13/2013 05:44:00 PM
ပျက်အစဉ် ပြင်ခဏ ဆိုတဲ့စကားလိုပေါ့။ပစ္စည်းတစ်ခုခု ဘယ်လောက်ပဲပျက်ပျက် တခဏတာပြင်လိုက်မယ်ဆိုရင် အကောင်းအတိုင်းဖြစ်သွားတတ်ပါတယ်။
ဒီလိုပါပဲ လူလောကမှာ လမ်းမှားရောက်ပြီး
ပျက်စီးနေတဲ့သူများလည်း မိမိကိုယ်
မိမိပြင်ဆင်လိုက်မယ်ဆိုရင် လူကောင်း
တစ်ယောက်ဖြစ်လာနိုင်ပါတယ်။
အကုသိုလ်တရားတွေနဲ့လုံးပန်းပြီး ပျက်စီးနေသူများလည်း ထိုပျက်စီးမှုအပေါ်သံဝေဂ ယူကာ ကောင်းမှုကုသိုလ်များနှင့် အစားထိုးကုစားလိုက်မယ်ဆိုရင် တန်ဘိုးရှိတဲ့ လူတစ်ယောက်ဖြစ်လာနိုင်ပါတယ်။ဒါနဲ့ပတ်သတ်လို့ ဝတ္ထုကြောင်းတစ်ခုကိုအစားထိုးပြောပြချင်ပါတယ်။
မြတ်စွာဘုရားလက်ထက်တော်အခါက အနာထပိဏ်
သူဌေးကြီးမိသားစု ပေါ့။အနာထပိဏ်သူဌေးကြီးတို့
မိသားစုဟာ မြတ်စွာဘုရားအပါဝင် ရတနာသုံးပါးကို အသက်နဲ့လဲပြီးကြည်ညိုတဲ့ အရိယာမိသားစုပေါ့။
တစ်ခုပြောစရာရှိတာက အောင်မြင်နေတဲ့ပဲတွေထဲမှာ
မအောင်မြင်တဲ့ပဲကို စုန်းပြူးလို့ခေါ်သလို ထိုမိသားစုတွေထဲမှာ မောင်ကာဠဆိုတဲ့ ခပ်ဆိုးဆိုး ခပ်ပေပေသားတစ်ယောက်ကတော့ အရိယာမဖြစ်သေးပါဘူး။
မိဘရဲ့ဆိုဆုံးမမှုကို လုံးဝနာခံခြင်းမရှိဘဲ အပေါင်းအသင်းများနဲ့
အမြဲတစေ ပျော်ပါးသုံးဖြုန်းနေသူတစ်ယောက်ပါ။ခေတ်လိုပြောရင်လမ်းသရဲတစ်ယောက်ပေါ့။
သားဖြစ်သူကို မိမိကဲ့သို့ ရတနာသုံးပါးကို အလွန်ကြည်ညိုတဲ့ အရိယာပုဂ္ဂိုလ်ဖြစ်စေချင်တဲ့ ဖခင်အနာထပိဏ်သူဌေးကြီးက တစ်နေ့မှာသားဖြစ်သူ မောင်ကာဠကို ဥပုသ်စောင့်ရင် ငွေတစ်ရာပေးမည်ဆိုကာ ကာဠကို မြတ်စွာဘုရားကျောင်းကို
သွားပြီး ဥပုသ်စောင့်စေပါတယ်။ဖြုန်းဖို့ သုံးဖို့ သောက်စားပျော်ပါးဖို့ငွေလိုနေတဲ့ မောင်ကာဠကလည်း ငွေတစ်ရာရမည်ဖြစ်တာနဲ့ ဥပုသ်စောင့်သွားပါတယ်။
ညအချိန်ရောက်တော့ အခြားဥပုသ်သည်များ
လိုပင်ကျောင်းမှာညအိပ်ပါတယ်။မြတ်စွာဘုရားတရားတော်ကိုနာကြားခြင်းမပြုဘဲ အိပ်ပြီးပြန်လာတယ်လို့ဆိုရမှာပါ။နံနက်လင်းတော့
အိမ်ကိုပြန်လာပြီး ဆုငွေတစ်ရာကိုယူပါတယ်။
နောက်တစ်နေ့ကျတော့ မြတ်စွာဘုရား ဟောတော်မူသည့်
တရားထဲမှ တစ်လုံးလောက်ကိုမှတ်မိရင်
ငွေတစ်ထောင်ပေးမည်ဆိုကာ ဥပုသ်စောင့်စေပါတယ်။မောင်ကာဠလည်းငွေတစ်ထောင်ဆိုတာအလွန်များတဲ့
ငွေဖြစ်တာကြောင့် ငွေကိုမက်မောပြီး ကျောင်းကိုသွားပြီး
ဥပုသ်စောင့်ပါတယ်။ညချမ်းအချိန်မြတ်စွာဘုရား တရားတော်ကိုတစ်လုံးလောက်မှတ်မိမှဖြစ်မှာမို့လို့ တရားကိုသေချာစွာနားထောင်ပါတယ်။
တရားကိုနားထောင်ရင်း တရားသဘောပေါက်ကာ
တရားနာရင်း တရားရှုမှတ်လိုက်တာ နောက်ဆုံးမှာတော့ သောတာပတ္တိဖိုလ်တည်သွားပါတယ်။နံနက်လင်းတော့ အိမ်ကိုပြန်လာတဲ့အခါမှာ သောတာပန်တည်ထားတာကြောင့်
မောင်ကာဠရဲ့ ဣနြေ္ဒတွေအင်မတန်ကို
တည်ကြည်ငြိမ်သက်နေပါတယ်။ဖခင်ဖြစ်သူကလည်း
ထူးခြားတဲ့ ဣနြေ္ဒကိုတွေမြင်နေတာကြောင့်
ငွေတစ်ထောင်ပေးရမည်ကို ရှက်နေပါတယ်။
ဒီအခါမှာမြတ်စွာဘုရားရှင်က ကာဠဟာ
စကြဝတေးမင်းစည်းစိမ်ထက်ပင် သာလွန်သော (သောတာပတ္တိမဂ်ဥာဏ်ဖိုလ်ဥာဏ်ကို)ရထားတာဖြစ်နေလို့ ငွေတစ်ထောင်ကိုမက်မောတော့မည်
မဟုတ်ကြောင်းဟောတော်မူပါတယ်။
အရင်က သူငယ်ချင်းအပေါင်းအသင်းများနဲ့သောက်စားပျော်ပါး ၊ ဖြုန်းတီးပစ်နေတဲ့မောင်ကာဠ၊မိဘစကားကိုနားမထောင်ပဲ မိုက်နေတဲ့မောင်ကာဠ၊ကုသိုလ်တရားတွေကိုပြုလုပ်ရကောင်းမှန်းမသိ အကုသိုလ်များကိုမရှက်မကြောက်ပြုလုပ်နေတဲ့မောင်ကာဠ၊အလှူပြုလုပ်ရမှန်း၊ဥပုသ်စောင့်ရမှန်း၊ တရားနာရမှန်း၊တရားစာတွေဖတ်ရကောင်းမှန်းမသိဘဲ မျက်ကွယ်ပြု လျစ်လျှူရှုနေတဲ့မောင်ကာဠ၊အပေါင်းသင်းများနှင့်ပျက်စီးနေတဲ့မောင်ကာဠဟာ
အခုတော့ တရားတွေလို့ တန်ဘိုးရှိတဲ့ အရိယာပုဂ္ဂိုလ်တစ်ယောက်ဖြစ်သွားပါပြီး၊
ဘယ်လောက်ပင်ပျက်စီးစီး တစ်ခဏတာပြင်လိုက်လို့ လူကောင်းလူမွန်တစ်ဦးဖြစ်သွားပါပြီ။
ဒီဝတ္ထုလေးကို ဖတ်ရှုပြီး တရားကျောခိုင်းနေသူ၊ကုသိုလ်တရားတွေကိုမေ့လျော့နေသူများ အချိန်မှီ ကုသိုလ်တရားများနှင့်အစားထိုးသင့်ကြောင်း၊အပေါင်းအသင်းများနှင့်အချိန်ပြည့် သုံးဖြုန်းပျက်စီးနေသူများ လမ်းမှားကိုရောက်ပြီး ပျက်စီးချင်တိုင်းပျက်စီးနေသူများ
အသိတရားရကာ ချက်ချင်း အချိန်မှီပြင်ဆင်လိုက်မယ်ဆိုရင်
မိမိလည်း လူကောင်းလူမွန်၊တန်ဘိုးရှိတဲ့လူတစ်ယောက်ဖြစ်နိုင်တယ်ဆိုတဲ့အကြောင်းကို
အသိပေး၍ နှိုးဆော်သမှုပြုလိုက်ရပါသည်။
အားလုံးကိုယ်စိတ်နှစ်ပါး ကျန်းမာချမ်းသာကြပါစေ။
- [အရှင်ဝိမလဝံသ(နာလန္ဒာ တက္ကသိုလ် အိန္ဒိယနိုင်ငံ)]
Dhamma Danã Source ►
Young Buddhist's Association
