မီးရှို့အကြမ်းဖက်မှု များကြောင့် ဘင်္ဂလားဒေ့ရ်ှရောက် ရခိုင်မျိုးနွယ်စု ကျေးရွာများ ညကင်းချ

ပို့စ်တင်ချိန် - 12/14/2013 03:01:00 PM

မောင်တော၊ ဒီဇင်ဘာ ၁၂

ဘင်္ဂလားဒေ့ရှ် နိုင်ငံတွင် ဖြစ်ပွားနေသည့် ဆူပူမှုများ အရှိန်မြင့်လာကာ မီးရှို့မှုများ၊ အကြမ်းဖက် တိုက်ခိုက်မှုများ ဖြစ်ပွားလာသဖြင့် ဘင်္ဂလားဒေ့ရှ် နိုင်ငံရောက် ရခိုင်တိုင်းရင်းသား မျိုးနွယ်စုဝင် ကျေးရွာများတွင် ဒီဇင်ဘာလ ၁၁ နေ့မှ စတင်ကာ ညကင်းများ ချထားရကြောင်း အဆိုပါ ဒေသခံများထံမှ သိရှိရသည်။

စစ်တကောင်းဒေသ ရာအူဇန်မြို့တွင် ဟိန္ဒူ ဘာသာဝင်များ နေထိုင်သည့် နေအိမ်များနှင့် နတ်ကွန်းပေါင်း ၁၈ လုံး မီးရှို့ခံရသဖြင့် ယင်းအကြမ်းဖက်မှုများသည့် ရခိုင် တိုင်းရင်းသား မျိုးနွယ်စုဝင်များ နေထိုင်သည့် ကျေးရွာများကိုပါ ကူးစက်လာမည် စိုးရိမ်၍ ယင်းသို့ ကင်းများ ချထားခြင်း ဖြစ်ကြောင်း ဘင်္ဂလားဒေ့ရ်ှနိုင်ငံ ဘန်ဒရိုဘန်ခရိုက် လားမားမြို့မှ ဦးကျော်ခိုင်က ပြောကြားသည်။

ဘင်္ဂလားဒေ့ရ်ှနိုင်ငံ လွတ်လပ်ရေး ကာလက ဟိန္ဒူ လူမျိုးများကို သတ်ဖြတ်ခဲ့မှုတွင် ပါဝင်ခဲ့သော ဂျာမက် အစ္စလာမ်မီပါတီ၏ အထင်ကရ ပုဂ္ဂိုလ် ပါတီခေါင်းဆောင် ကာဒေမူလာကို ဘင်္ဂလားဒေ့ရှ် ဗဟိုတရားရုံးက ဒီဇင်ဘာလ ၁၁ ရက်နေ့တွင် ကြိုးမိန့် ချမှတ်လိုက်သဖြင့် ဆူပူမှုများ ဖြစ်ပွားနေကြောင်း ဘင်္ဂလားဒေ့ရှ် သတင်းများတွင် ဖော်ပြသည်။ ဆူပူမူများ ဖြစ်ပွားမှုကြောင့် ကြိုးမိန့် ပြစ်ဒဏ်ကိုလည်း ပြန်လည် ဆိုင်းငံ့ထားကြောင်း ယင်းသတင်းများတွင် ဖော်ပြသည်။

အကြမ်းဖက်မှု များကြောင့် ကားလမ်းများ ပိတ်ထားခြင်း၊ သွားလာသော ကားများ မီးရှို့ခံနေရပြီး လုံခြုံရေး ပုလိပ်များနှင့် ဆန္ဒပြသူများကြား တိုက်ခိုက်မှု များကြောင်း ရဲများ အနာတရ ရှိခဲ့ကြောင်း ဖလောင်းချိတ်မြို့၊ နွားရုပ်တောင် ကျေးရွာမှ ဦးညီညီက ဆိုသည်။

ဘင်္ဂလားဒေ့ရ်ှရောက် ရခိုင် မျိုးနွယ်စုဝင် များကို တိုက်ခိုက်ခံရမှုများ ဆက်တိုက် ဖြစ်ပွားခဲ့သဖြင့် အဆိုပါ မျိုးနွယ်စုဝင်များ နေထိုင်သည့် ကျေးရွာများ အနီးတွင် လုံခြုံရေး တပ်ဖွဲ့များ ချထားခဲ့သော်လည်း ယခု မရှိတော့ကြောင်း ၎င်းကဆိုသည်။
“ကျွန်တော်တို့ ကျေးရွာလည်း အချိန်မရွေး တိုက်ခိုက် ခံရနိုင်တယ်” ဟု ဦးညီညီက ဆက်လက် ပြောဆိုသည်။

ဘင်္ဂလားဒေ့ရ်ှရောက် ရခိုင် မျိုးနွယ်စုဝင်များ ၂၀၁၂ ခုနှစ် အတွင်းက တိုက်ခိုက်ခံရမှု များကြောင့် ရခိုင် မျိုးနွယ်စုဝင်ပေါင်း ၁၅၀၀ ကျော် ရခိုင်ပြည်နယ် မောင်တောမြို့နယ်တွင် ပြောင်းရွှေ့ ခိုလှုံလျက် ရှိသည်။

The Voice Weekly Myanmar