ယာဉ်ထိန်းရဲလက်နှင့် ထိန်းချုပ်သော မီးပွိုင့်များကိစ္စ (အယ်ဒီတာထံ ပေးစာ)
ပို့စ်တင်ချိန်
-
12/07/2013 03:55:00 PM
သို့
အယ်ဒီတာရှင့်
ကျွန်မက ကုမ္ပဏီဝန်ထမ်းတစ်ဦးပါ။ မိုးကောင်း၊ ရန်ကင်းလမ်းနားမှာနေပြီး အလုပ်က မြို့ထဲမှာမို့ အခုလို ကားလမ်းတွေကျပ်၊ ယာဉ်တွေကျပ်တဲ့ အတွက် ရုံးကို အရင်ထက်ပိုစောပြီး ထွက်တတ်ပါတယ်။ အခုဂျာနယ်ကို စာရေးပို့ရတာက တိုင်ကြားတယ်၊ အရေးယူပေးဖို့ ဆိုတာမျိုးထက် နားမလည်တဲ့ အရာတစ်ခုကို ရှင်းရှင်းလင်းလင်း သိရဖို့ မေးမြန်းရတာဆို ပိုမှန်ပါလိမ့်မယ်။ ကျွန်မတို့လာတဲ့ လမ်းတစ်လျှောက်မှာ ဖြတ်ရတဲ့ မီးပွိုင့်ပေါင်းက မနည်းပါဘူး။ တစ်ခါတလေ မီးပွိုင့်ကို မမြင်ရခင်လောက်က တည်းက ကားပိတ်ပြီး အဲဒီပွိုင့်ကိုဖြတ်ရဖို့ ကားပေါ်မှာ ချွေးတဒီးဒီးကျ အောင်စောင့်ရပါတယ်။
ခု ပြောပြချင်တာလည်း အဲဒီမီးပွိုင့်တွေ ကိစ္စပါ။ တချို့မီးပွိုင့်တွေက အဝါ၊ အစိမ်း၊ အနီ အရောင်သုံးရောင်သာပါပေမယ့် တချို့က ကားသွားဖို့သတ်မှတ်ပေးတဲ့ ကားရပ်ဖို့ အချိန်ပြစနစ်လေးပါပါရှိတာ တွေ့ပါတယ်။ အဲဒီ စနစ်လေးပါတဲ့ မီးပွိုင့်မျိုးတွေကို ကျွန်မတို့ ပိုနှစ်သက်ပါတယ်။ ဘာလို့လဲဆိုတော့ ဘယ်အချိန်ပြန်ပြီး မီးစိမ်းမလဲဆိုတာ မှန်းဆပြီးတော့မျှော်ရတာ မဟုတ်ဘဲ စက္ကန့်လျော့သွားတာကို ကြည့် နေနိုင်လို့ပါပဲ။ ဒါပေမဲ့ ခုအဲဒီလိုမဟုတ်တော့ပါဘူး။ မီးစိမ်းပြတဲ့ စက္ကန့် တွေလည်း မမှန်တော့သလို မီးနီပြပြီး ရပ်ခိုင်းတဲ့ စက္ကန့်တွေကလည်း မှားယွင်းနေပါတယ်။
တချို့ပွိုင့်တွေမှာ မီးနီပြလိုက်ပြီး စက္ကန့် ၆ဝ ဆိုတာ ပေါ်နေပေမယ့် တကယ်တမ်း မီးနီစပြတဲ့ ချိန်ကစလို့ အဲဒီနံပါတ်က မတက်ပါဘူး။ အဲဒီ စက္ကန့် ၆ဝ မှာပဲ ၁ မိနစ် ၂ မိနစ်လောက် ရပ်နေပါသေးတယ်။ တော်တော်လေးကြာမှ အဲဒီစက္ကန့်က စတက်ပါတယ်။ အဲဒီတော့ မီးနီကြောင့်ရပ်နေရတဲ့ ယာဉ်ကြောက သတ်မှတ်တဲ့ မီးနီချိန်ထက်ပို ပြီး ကြာမြင့်စွာရပ်နေရပါတယ်။ မီးပွိုင့်တွေက မီးစိမ်းရင် ခဏလေးဖြစ်ဖြစ် နေပြီး မီးနီရင်တော့ တမေ့တမောကြီး ဖြစ်ဖြစ်နေသလိုပဲ ခံစားလာရပါ တယ်။ လမ်းဆုံက ယာဉ်ထိန်းရဲ ရုံးလေးတွေထဲ ကြည့်ရင်လည်း ယာဉ်ထိန်းတွေရှိတာကိုလည်း တွေ့နေရပါတယ်။ ဒါပေမဲ့ အဲဒီလို မီးပွိုင့်မှာတပ်ထားတဲ့ မိနစ်စနစ်ကြီး ကြန့်ကြာ ပြီးမှ စတင်ရေတွက်တာကို သူတို့ မသိတာလားဆိုတာ သိချင်ပါတယ်။
ကျွန်မတို့ ပြည်သူ၊ ပြည်သားတွေက တစ်နေ့တစ်နေ့ ကားပေါ်မှာတင် နာရီပေါင်းများစွာ အချိန် ကုန်နေကြရပါ တယ်။ ကားတွေများပြီး လမ်းတွေကျပ်၊ ယာဉ်တွေကျပ် ဖြစ်နေတဲ့အပေါ် ဘာမှ ထပ်ပြီးစောဒက မတက်လိုတော့သော်လည်း အဲဒီလို မီးပွိုင့်တွေ မှာ လိုတာ ထက်ပိုပြီး ကားတွေ မီးနီရပ်နေကြရတာကိုတော့ သက်ဆိုင် ရာက ကြည့်ရှုကြပ်မတ်ပေးပါလို့ အယ်ဒီတာကတစ်ဆင့် တောင်းဆိုပါရစေ။
မသန္တာ (ရန်ကင်း)
Popular Myanmar News Journal
