မြန်မာပြည်မြောက်ပိုင်း သျှမ်းနီလူငယ်တစ်ဦး၏ သဘောထားအမြင်

ပို့စ်တင်ချိန် - 12/28/2013 02:40:00 PM


မြန်မာနိုင်ငံတွင် လက်ရှိ ပြည်နယ် ၇ ခု၊ တိုင်း ၇ ခုရှိသည် ဆိုတာတော့ အားလုံးသိပေလိမ့်မည်။ သို့သော် တစ်ပြည်နယ်ထဲတွင် တစ်တိုင်းထဲတွင် ဘယ်လူမျိုးများ ရှိသည်ကိုမူ လူတိုင်းမသိကြသည်မှာ အမှန်ပင်ဖြစ်သည်။ မြန်မာနုိုင်ငံလွတ်လပ်ရေး ရသည့် (1948)မှသည် ယခုချိန်အထိ လူမျိုးတစ်မျိုးချင်းစီ၏ အမည်အဓိပ္ပါယ် သမိုင်း ယဉ်ကျေးမှုဓလေ့ရိုးရာကို ပြည်ထောင်စုအစိုးရမှစပြီး အောက်ခြေ ပြာတာအထိ အားလုံးမသိကြသည်မှာကား မဟာဖြစ်ရေးမူကြောင့် ဝမ်းနည်းစရာ အမှန်ပင်ဖြစ်သည်။ ကျောင်းစာမှာလည်းဖေါ်ပြခြင်းမရှိ၊ စာအုပ်စာပေလည်းထုတ်ဝေခွင့်ပေးခြင်းလည်းမရှိပေ၊ ဒုို့ဘာသောကြောင့် အဘယ်မှာ ပြည်ထောင်စု ဆိုနိုင်ပါသနည်း။
ယခုလက်ရှိကချင်ပြည်နယ်တွင် ကချင်သာနေသည်ဟု မြေပြန့်မှ သွေးချင်းတို့က အတိတ်ကောက်လွဲနေတုန်းပင်။ ရောက်အောင်လည်းမသွား လေ့လည်းမလေ့လာ.. မဟာ့မဟာဒီမိုကရေစီများက သျှမ်းမျိုးနွယ်စုများ ဆန္ဒပြသည်ကို အပိုအလုပ် သွေးကွဲအောင်ပြုသည် အစိုးရနောက်လိုက် စသညသ်စသည် အမနာပါးမနာ ပြောနေကြသည်မှာ ပထဝီဝင်နိုင်ငံရေး အတော်သိကြပါကလားဟု အံ့သြပါ၏။ ယနေ့ကချင်ပြည်နယ်တွင် သျှမ်းများနေထိုင်လာသည်မှာ မြန်မာနုိုင်ငံဟုမပေါ်ပေါက်ခင် ကချင်လူမျိုး ထုိုဒေသကုို မရောက်လာမှီ BC-364မတိုင်မီ ကပင်ဖြစ်သည်။ ရေကြည်ရာ မျက်နုရာပြောင်း တောင်ယာခုတ် လူခေါင်းဖြတ် ကာ နေခဲ့သည်မဟုတ်။ အတည်တကျ မြို့ရွာ ဥယဉ်ခြံများနှင့်အတူ လက်နက် နိုင်ငံငယ်များ အဖြစ်တည်ထောင်နေခဲ့ခြင်းဖြစ်သည်။

'တိုင်လူမျိုးတာကွမ်းနှင့် ကော်ကျန်ပိမင်းနိုင်ငံ သုတေသန ပြုချက် စာတမ်း'တွင် ရှုပါလေ။ နောက် နန်ချိုအင်ပါယာ ခေတ် မိုင်းမော အင်ပါယာခေတ် တွင်လည်း တကယ့်ယဉ်ကျေးမှုမြင့်မာသော နိုင်ငံငယ်များ အဖြစ် တည်ရှိနေပြီဖြစ်သည်။ တိုင်းခမ်းတီ သမိုင်းသုတေသနစာတမ်း တွင်လည်း အသိအလင်းရေးသား ဖေါ်ပြထားပါသည်။ သိကျခုိုင်မှာသော သက်သေအထောက်များကတော့ ယနေ့လက်ရှိ မြို့ရွာ အမည်များကုို အဓိပ္ပါယ်ဖွင့်ပါဦးဆုို့။ သျှမ်းနီတုို့တည်ထောင်ပြီး သျှမ်းနီ စော်ဘွားတုို့အုပ်ချုပ်လာသော မင်းဆက်များလည်းရှိသည်။
ယနေ့တုိုင်လည်း သျှမ်းနီများနေထုိုင်နေပါသည်။

ဝိုင်းမော်-ဝိင်းမာဝ်= မြို့သစ်
မိုးကောင်း-မိူင်းကောင်= စည်တော်မြို့
မိုးညှင်း=မိူင်းယန်း= ဗျိုင်းမြို့
တနိုင်း/မိူင်းခွန်း - တရုတ်ပြည် မိုင်းခွမ်ဒေသကို အမှတ်ရ၍ တည်သောမြို့ ဗန်းမော်-မန်မော်= အိုးမြို့
မိုးမောက်- မိူင်းမောက်= နှင်းပွင့်မြို့
မန်စီ -မန်စေ့- ဈေးမြို့
ပူတာအို-ပူတာဝ်- အဖိုးမျှော်မြို့
နောင်မွန်း- နောင်မွမ်း =ပိန်းပင်ပေါသော အင်းဒေသ
ကဲ ဘယ်မလဲ ကချင်နာမည်။ နောက်မှတည်လျှင်တော့ မပြောတတ်ချေ။

ကချင်လူမျိုးကုိုစောကားနေတာမဟုတ်ပါ သမုိုင်းမှန်ကုိုရေးသား တင်ပြတာပါ ကချင်ပြည်နယ်လုို့ဖြစ်လာမှ ဌာနေလူမျိုးများက နေရာရွေ့ပေးရမည်ဆုိုလျှင် တရားပါသလား ပြည်ထောင်စုလုို့ခေါ်နုိုင်ပါသလား.. နှစ်၁၀၀သက်တမ်းရှိ ကချင်မြို့ကို ဆွဲထုတ်၍ ပြစမ်းပါဦး။ ကျန်တာမပြောပါနှင့် AD-225တွင် ခမ်းတီးလုံဒေသကို ခမ်းတီးသျှမ်းများက တည်ထောင်ပြီးနေလေပြီ။ သျှမ်းမြို့ သျှမ်းရွာ သျှမ်းဒေသ များသာဖြစ်ပေသည်။ ကဲ ဒါဆိုဘာလို့ သျှမ်းပြည်နယ်ထဲပါမလာရတာလဲ။

အားမနာတမ်းဆိုရလျှင် လွှတ်လပ်ရေးယူသည့် ဖဆပလ အစိုးရသည် သျှမ်းများအပေါ်မရိုးသားခဲ့သောကြောင့်ဟု ပြောပါရစေ။ ပင်လုံစာချုပ် ချုပ်ဆိုရာတွင် ကချင်ပြည်နယ်အဖြစ် ဗိုလ်ချုပ်အောင်ဆန်းက အတည်ပြုမပေးခဲ့ပေ။ ပင်လုံစစ်တမ်း လေ့လာနုိုင်ပါသည်။ ၁၉၄၇ အက်ဥပဒေသည် တရားခြင်းမရှိခဲ့ပေ။ သျှမ်းဒေသကြီးကို ပိုင်းစိပ်ခွဲခြမ်းကာ လုပ်ချင်သလို လုပ်ခဲ့သည်ဟု ပြောလိုသည်။ ချန်ထွန်ဥပဒေလည်း ထူးမခြားနားပါပေ။

အချို့သျှမ်းဒေသသည် ကချင်ပြည်နယ်တွင်းသို့လည်းကောင်း အချို့မှာ စစ်ကိုင်းတိုင်းသို့လည်းကောင်း ခွဲဝေကာထဲ့ခဲ့သည်မှာ ဖဆပလ ပင်ဖြစ်ပေသည်။ စစ်ကိုင်းတိုင်းတွင်လည်း ကလေးစော်ဘွားနယ် သောင်သွပ်စော်ဘွားနယ် ခမ်းတီးစော်ဘွားနယ် ဝန်းသိုစော်ဘွားနယ်ဟူ၍ ရှိခဲ့သည်ကို မသိကျေးကျွန်ပြုခဲ့သည်။ ယခင်ကဤသို့ပြုခဲ့သော အမှားများကြောင့် သျှမ်းများ၏ ဒုက္ခသည် လူမသိသူမသိဘဝရောက်ချင်တိုင်း ရောက်ခဲ့ရသည်။ KIAတို့၏ ဆိုးမွေ တပ်မတော်၏ ဆိုးမွေ ဤနှစ်ထွေမှာ မြေဂရမ်ပျောက် သျှမ်းတို့၏ ရာသက်ပန် ဒုက္ခများ ဖြစ်ခဲ့သည်။

KIAတပ်ထဲ အတင်းအဓမ္မခွဲသွင်းခြင်းခံရသည်။ မဝင်လျှင် သေပေတော့။ မူးယစ်ဆေးဝါးလုပ်သည်ဟု မတရားပြဿနာရှာကာ KIAက သတ်သည်။ (စပေါ့လူသတ်ပွဲ နှင့် ဥရုမြစ်ရိုးဒေသ) ရွာဖျက်ခံရ ရွာပြောင်းခံရသည်။ မုဒိန်းကျင့်ခံရသည်မှာလည်း နွေဦး၏ အကျည်းတန်ရက်ဆိုးများ ဖြစ်ခဲ့သည်။ ဆက်ကြေးတောင်းခြင်း မှာတော့ ရိုးနေပေပြီ။ KIAကို မထောက်ခံလျှင် ကချင်ပြည်နယ်မနေနှင့်ဟုအပြောခံရသည်မှာလည်း အကြိမ်ရေများလှပြီ။

စစ်ကြောင်းလာလျှင် သျှမ်းရွာတွင်းမှ ကာဘာယူကာတိုက်သည်။သျှမ်းရွာနား မိုင်းထောင်သည်။ စစ်တပ်ဘာလုပ်ပါသနည်း။ဟုတ်ကဲ့ သျှမ်းများကို KIAအားပေးဆိုကာ ဖမ်းသည်။သတ်သည်။ကင်းစောင့်ခိုင်းသည်။ စေတနာဆိုးကောင်းတော့မသိ ပြည်သူ့စစ်ဖွဲ့ပေးသည်။ထိုသျှမ်းပြည်သူ့စစ်ဘဝသည် KIAနှင့် တပ်မတော် ငြိမ်းချမ်းရေးယူသောအခါ သေဒဏ်ကျလူတန်းစားဖြစ်လာခဲ့ပေသည်။ KIAဖမ်းသွားလျှင် မမျှော်ပါလေနှင့် အမျှသာဝေပါတော့။ကံကောင်းမှ အလောင်းပြန်တွေ့မည်။

လက်နက်ကိုင်ပြဿနာများကြားတွင် ဒေသ ပျောက် သျှမ်းတို့မှာ ဘာတတ်နိုင်ပါမည်နည်း။ ပြုသမျှနုနေရပေတော့သည်။ လုပ်သမျှခံနေရပေတော့သည်။ ကချင်စစ်တွင် ကချင်သာဒုက္ခသည် စာရင်းပေါက်သည်။ ဘယ်မှာလဲ သျှမ်းဒုက္ခသည်။ မီဒီယာ တန်ခိုးကား မျက်နှာရှိရာ ကြီးပါလေစွ။ တစ်မျက်နှာပင်မပြခဲ့။ ဝိုင်းဖိ ဝိုင်းဖုံးပေးသလားတော့ မပြောတတ်ပေ။ ဒုက္ခသည်စခန်းတွင် သျှမ်းမရှိ။ သျှမ်းများသည် ဒုက္ခသည်စာရင်းပင် ပေါက်ခွင့်မရရှာပေ။

ကဲ ခုလုံးဝမကျေနပ်နိုင်လို့ ဆန္ဒပြပြန်တော့ ပြောကြပြန်ပြီ။ သြောဘာသံပြုကြသည်။တိုင်းရင်းသားစည်းလုံးမှုကို ဖျက်သတဲ့။ ဦးနုစကားကိုငှါးသုံးပါရစေ။ 'သြော် လက်စသတ်တော့ ဒီလိုကိုး' ခွင့်တူညီမျှ ဝါဒ ဖြူစင်နိုင်ကြပါစေ

ဆေခမ်းဖ မန်းတက္ကသိုလ်
__________________________________________________
ကျုပ်နူပ်တုို့ သျှမ်းနီများသည် KIA မှမဟုတ် မည်သည့်လက်နက်ကုိုမဆုို သျှမ်းနီလူထုအပေါ် နုိုင်ထက်စီးနင်း လူ့အခွင့်များချိုးဖေါက်လာရင် လုိုအပ်သလုို ကမ္ဘာသိ မြန်မာနုိုင်ငံသားသိစေရန် လုပ်ဆောင်သွားမည်ဖြစ်သည်။ ( သျှမ်းနီလူငယ်ကွန်ယက်) ဒီ၂၁ ၁၉၁၃..

သျှမ်းနီလူငယ်ကွန်ယက်