၂၀၁၄ နှစ်ဆန်းပိုင်းအတွင်း ပြည်တွင်း၌ အွန်လိုင်းရှော့ပင်း စီးပွားရေးလုပ်ငန်းများ အများအပြား ထွက်ပေါ်လာ

ပို့စ်တင်ချိန် - 1/22/2014 02:00:00 PM

အင်တာနက်စာ မျက်နှာများပေါ်မှ ဈေးဝယ်ယူနိုင်သည့် အွန်လိုင်းစီးပွားရေးလုပ်ငန်းများ ၂၀၁၄ နှစ်ဆန်းပိုင်း အတွင်း၌ပင် အများအပြားထပ်မံ ပေါ်ပေါက်လာနေကြောင်း အဆိုပါလုပ်ငန်း လုပ်ကိုင်နေသူများထံမှ စုံစမ်းသိရ သည်။

အွန်လိုင်းပေါ်မှ ဈေးဝယ်သည့် ဓလေ့သည် ရန်ကုန်၊ မန္တလေးကဲ့သို့ မြို့ကြီးများတွင် တဖြည်းဖြည်း ကျယ်ပြန့်လာသောကြောင့် အဆိုပါ စီးပွားရေးလုပ်ငန်းကို လုပ်ကိုင်လိုသူများ တဖြည်းဖြည်းချင်း များပြား လာရခြင်းဖြစ်ကြောင်း သိရသည်။

အွန်လိုင်းပေါ်မှ ဈေးဝယ်သည့် ၀န်ဆောင်မှုစနစ်သည် ၀ယ်ယူသူများအတွက် အချိန်ကုန်သက်သာခြင်း၊ အွန်လိုင်းပေါ်၌ပင် စိတ်ကြိုက်ဈေးဝယ် ထွက်နိုင်ခြင်း စသည်တို့ကြောင့် အွန်လိုင်းရှော့ပင်း စီးပွားရေးကို လုပ်ကိုင်လိုသူများက မျက်စိကျလာကြခြင်းဟု အထက်ပါ လုပ်ငန်း လုပ်ကိုင်နေသူတချို့က ပြောသည်။

“ဆိုင်ခန်းမရှိလည်းပဲ ကျွန်မတို့ အွန်လိုင်းကနေ ကိုယ့်ရဲ့ကုန်ပစ္စည်းတွေကို ရောင်းချလို့ရတယ်။ ၀ယ်ယူသူတွေ၊ စိတ်ဝင်စားသူတွေဘက်ကလည်း လွတ်လွတ်လပ်လပ် စိတ်ကြိုက်ဈေးဝယ်ထွက်နိုင်တယ်။ ကျွန်မတို့ဘက်ကတော့ အမြတ်ကို အနည်းငယ်ပိုတင်ရပါတယ်။ ရောင်းသူနဲ့ဝယ်သူ နှစ်ဖက်အဆင်ပြေတဲ့ ဒီလိုစီးပွားရေးလုပ်ငန်းမျိုး မြန်မာနိုင်ငံမှ တဖြည်းဖြည်းချင်း ကျယ်ပြန့်လာတော့မယ်လို့ ထင်ပါတယ်” ဟု အဆိုပါ လုပ်ငန်းကို လုပ်ကိုင်နေသူ အမျိုးသမီးတစ်ဦးက ဆိုသည်။

ပြည်တွင်း၌ အွန်လိုင်းရှော့ပင်း စီးပွားရေး လုပ်ကိုင်သူများ များပြားလာသော်လည်း ထိုလုပ်ငန်းလုပ် ကိုင်သူများအနေဖြင့် အဓိကကျသည့် အင်တာနက်မြန်နှုန်းများမှာ ကောင်းမွန်ခြင်းမရှိသည့်အတွက် လုပ်ငန်းပိုင်းဆိုင်ရာ လုပ်ကိုင်မှုများတွင် အခက်အခဲတချို့နှင့် ကြုံတွေ့ကြရသည်ဟုလည်း သိရသည်။

ယခုကဲ့သို့ အွန်လိုင်းပေါ်မှ ကြိုက်နှစ်သက်ရာ ကုန်ပစ္စည်းများကို မှာယူပြီး ငွေပေးချေနိုင်သည့် အိမ်တိုင်ရာရောက် ၀န်ဆောင်မှုစနစ်ကို လုပ်ကိုင်သူအများစုမှာ တရုတ်၊ ဟောင်ကောင်၊ ကိုရီးယား၊ အမေရိကန် အစရှိသည့် နိုင်ငံများမှ အ၀တ်အထည်နှင့် လူသုံးကုန်များကို ပြည်တွင်းမှတစ်ဆင့်မှာယူကာ ရောင်းချနေကြခြင်းဖြစ်သည်။

“မနှစ်ကထက် အွန်လိုင်းရှော့ပင်းလုပ်ငန်းတွေ သိသိသာသာ များလာတယ်။ ကျွန်မတို့လို လူငယ်တွေကတော့ ဒီလိုလုပ်ငန်းတွေကို နှစ်သက်ပါတယ်။ ကိုယ်တိုင်လည်း ၀ယ်ယူဖြစ်တယ်။ အားသာချက်က အပြင်ထွက်စရာ မလို မပင်ပန်းဘူး။ အားနည်းချက်ကတော့ အွန်လိုင်းမှာ ရောင်းတဲ့ပစ္စည်းတချို့ရဲ့ အရောင်တွေ ဒီဇိုင်းတွေက လက်ထဲ ရောက်တဲ့အခါ အနည်းငယ်ကွဲလွဲတာနဲ့ ဈေးနည်းနည်းများတာပါပဲ” ဟု အွန်လိုင်းပေါ်မှ ကုန်ပစ္စည်းများ ၀ယ်ယူဖူးသူ ရန်ကုန်မြို့နေ အမျိုးသမီးတစ်ဦးက ပြောသည်။

အဆိုပါ အွန်လိုင်းရှော့ပင်း လုပ်ငန်းကို လုပ်ကိုင်ကြသူအများစုမှာ လူငယ်နှင့် သက်လတ်ပိုင်းများဖြစ်ကြပြီး ၎င်းတို့အနေဖြင့် ထိုလုပ်ငန်းကို ကိုယ်ပိုင်စီးပွားရေး တစ်ခုအဖြစ် အတည်တကျလုပ် ကိုင်လာကြခြင်းဖြစ်ကြောင်း မကြာသေးမီကမှ လုပ်ငန်းစတင် လုပ်ကိုင်နေသူ လူငယ်တချို့ကပြောသည်။

နိုင်ငံတကာတွင် အွန်လိုင်းပေါ်မှ ဈေးဝယ်ယူနိုင်သည့် စီးပွားရေးလုပ်ငန်း ဖွံ့ဖြိုးမှုသည် မြန်မာနိုင်ငံထက် အဖက်ဖက်မှ ဖွံ့ဖြိုးနေပြီဖြစ်ပြီး မိုဘိုင်းဖုန်းများမှသာ ငွေပေးချေခြင်း ပြုလုပ်နိုင်သည့် စနစ်များဖြင့် လုပ်ငန်းများ လုပ်ကိုင်နေကြခြင်း ဖြစ်သည်။

မြန်မာနိုင်ငံ၏ ၀န်ဆောင်မှုညံ့ဖျင်းသော အင်တာနက်စနစ်ကြောင့် မိုဘိုင်းဖုန်းများပေါ်မှ ငွေပေးချေနိုင်သည့် စနစ်များမရှိသေးပေ။ ထို့ကြောင့် လက်ရှိအွန်လိုင်းပေါ်မှ ဈေးရောင်းချခြင်းနှင့် ၀ယ်ယူခြင်းကို ပြုလုပ်နိုင်သည့် လုပ်ငန်းတွင် ၀ယ်ယူသူများက ပစ္စည်းလက်ခံရရှိမှ ငွေပေးချေသည့်စနစ်နှင့် ရောင်းချသူများဘက်က ဘဏ်မှ တစ်ဆင့်မှာယူသော ပစ္စည်းတန်ဖိုးကို ဦးစွာတောင်းခံသည့်စနစ်များဖြင့် လည်ပတ်လုပ်ကိုင်နေကြရသည်။

ယုဇနကိုကို
Internet Journal