ထောက်ကြန့်မှာ ပေါက်ကွဲမှုကြောင့် ကလေး ၂ ဦး ထိခိုက်ဒဏ်ရာရ

ပို့စ်တင်ချိန် - 1/23/2014 05:32:00 PM


ရန်ကုန်တိုင်းဒေသကြီး ထောက်ကြန့်မြို့နယ် ဧကရာဇ်ရပ်ကွက်မှာ မတော်တဆပေါက်ကွဲမှု တခု ဖြစ်ပွားပြီး ကလေးငယ် ၂ ဦး ဒဏ်ရာရရှိသွားတယ်လို့ ထောက်ကြန့်ရဲစခန်း တာဝန်ကျ ရဲတပ်ဖွဲ့ဝင် တဦးက ဒီဗွီဘီကို အတည်ပြုပြောပါတယ်။

ဇန်န၀ါရီ ၂၃ ရက် ဒီနေ့မနက် ၇ နာရီခွဲလောက်က မြို့နယ် စည်ပင်သာယာ အုပ်ချုပ်ရေးမှူးရုံး ၀န်ထမ်းအိမ်ယာမှာ သန့်ရှင်းရေးလုပ်သား ဦးလှဝင်း နေထိုင်တဲ့ အခန်းအနီး ၈ နှစ်အရွယ် မောင်မျိုးကို နဲ့ ၁၀ လ အရွယ် သမီးဖြစ်သူ ခိုင်သဇင်ဝင်းတို့ အမှိုက်ထဲက ပါလာတဲ့ ပစ္စည်းတခုကို ကိုင်တွယ် ဆော့ကစားနေစဉ် ပေါက်ကွဲမှု ဖြစ်ပွားခဲ့တာလို့ ဆိုပါတယ်။

ပေါက်ကွဲမှုကြောင့် မောင်မျိုးကို လက်ဝဲ လက်ကောက်ဝတ် ပြတ်သွားပြီး ကလေးငယ် ၂ ဦးစလုံး ဒဏ်ရာများနဲ့ ဆေးရုံမှာ တက်ရောက် ဆေးကုသမှု ခံယူနေရပါတယ်။

By ဒီဗွီဘီ