ချင်းပြည်နယ်တွင် လူမျိုး(၅၃)မျိုးရှိသည်ဟုသတ်မှတ်ခြင်းကို လက်မခံနိုင်ကြောင်း ဇိုမီးဒီမိုကရေစီအဖွဲ့ချုပ်မှ ကြေငြာချက်ထုတ်ပြန်

ပို့စ်တင်ချိန် - 1/26/2014 08:12:00 PM

ကလေး၊ ဇန္န၀ါရီ ၂၆။

ပြည်လုံးကျွတ်သန်းကောင်စာရင်းကောက်ယူမည့်စာရင်းတွင် ချင်းပြည်နယ်၌ ချင်းလူမျိုး(၅၃)မျိုးရှိသည်ဟု သတ်မှတ်ထားခြင်းကို လက်မခံနိုင်ကြောင်း ဇိုမီးဒီမိုကရေစီအဖွဲ့ချုပ်မှ ဇန္န၀ါရီလ၊ (၂၄)ရက်နေ့ ရက်စွဲဖြင့် ကြေငြာချက်ထုတ်ပြန်သည်ဟုသိရသည်။
“ချင်းလူမျိုးစုထဲမှာ၊ ချင်းပြည်နယ်မှာ တစ်ခါမှမရှိတဲ့ အိန္ဒိယနိုင်ငံ၊ မဏိပူရ်ပြည်နယ်ထဲက ကသည်းကိုလည်းချင်းလူမျိုး စာရင်းမှာ ထည့်ထားတာတွေ့တယ်။ အဲဒါကိုကြည့်ခြင်းအားဖြင့် သူတို့လုပ်တာ မှားယွင်းတယ်ဆိုတာ ပေါ်လွင်နေတယ်။ ချင်းပြည်နယ်မှာ အလွန်ဆုံးရှိရင်(၆)မျိုးလောက်ပဲ ရှိမယ်လို့ သိထားတယ်။ ဥပမာ-မြောက်ပိုင်းမှာဇိုမီးရှိမယ်၊ ဖလမ်းနယ်မှာ လိုင်ဇိုရှိမယ်၊ ဟားခါးနှင့်ထန်တလန်ဖက်မှာ လိုင်လူမျိုးရှိမယ်၊ ပလက်ဝတ၀ိုက်မှာတော့ ခူမီး၊ မဒါ၊ ချိုး ဒီလောက်ပဲ ရှိမယ်။ တချို့ မြို့ရွာနာမည်တွေကို လူမျိုး လုပ်ထားတယ်။ ဥပမာ-တီးတိန်ဟာမြို့နာမယ်။ ဒါကို တီးတိန်လူမျိုးဆိုပြီး လုပ်ထားတယ်။ ရန်ကုန်မှာနေလို့ ရန်ကုန်လူမျိုးလို့ မရှိရဘူး။ ရန်ကုန်သားပဲရှိရမှာပေါ့”ဟု ဇိုမီးဒီမိုကရေစီ အဖွဲ့ချုပ် အတွင်းရေးမှူး ဦးဂင်ကမ်းလျန်း ကပြောသည်။

သန်းကောင်စာရင်းတွင်ဖော်ပြထားသည့် တိုင်းရင်းသား(၁၃၅)မျိုးတွင် ဇိုမီးလူမျိုးအမည်ဖြင့် ကုတ်နံပါတ် မရရှိကြောင်း၊ (၁၃၅)မျိုးတွင် မပါဝင်သည့် တိုင်းရင်းသားများ အနေဖြင့် မိမိ၏မူလလူမျိုးအမည်ကို ရေးခွင့်ရှိကြောင်း၊ အခြားဆိုသည့်ကုတ်နံပါတ်(၉၁၄)နေရာတွင် ဇိုမီးလူမျိုးအမည်ကို ရေးသွင်းနိုင်သည်ဟု ချင်းပြည်နယ် ၀န်ကြီးက ပြောကြောင်း သိရသည်။

ဇိုမီးဒီမိုကရေစီအဖွဲ့ချုပ်ပါတီ အနေဖြင့် ၂၀၁၄ခုနှစ်တွင် ပြည်လုံးကျွတ် သန်းကောင်စာရင်း ကောက်ယူခြင်းကို လှိုက်လှိုက်လှဲလှဲ ကြိုဆိုကြောင်း၊ သို့ရာတွင် မြန်မာနိုင်ငံ၌ တိုင်းရင်းသားလူမျိုး(၁၃၅)မျိုးကို အခြေခံ၍သန်းကောင်စာရင်း ကောက်ယူခြင်း၊ ချင်းပြည်နယ်တွင် လူမျိုး(၅၃)မျိုးရှိသည်ဟု သတ်မှတ်ခြင်းများကို လုံးဝ လက်မခံနိုင်ကြောင်း၊ ဤကဲ့သို့ သတ်မှတ်ခြင်းကြောင့် တိုင်းရင်းသား လူမျိုးစုများအတွင်း စိတ်ဝမ်းကွဲမည်ကို စိုးရိမ်မိကြောင်း၊ လူမျိုးစာရင်းကောက်ယူရာတွင် မည်သည့်အဖွဲ့အစည်း၊ မည်သူမည်ဝါမှ ကောက်ယူခြင်းကို မသိရှိရကြောင်း၊ မည်သည့်အထောက်အထားများကို အခြေခံသတ်မှတ်၍ ကောက်ယူခြင်းထားသည်ကို မတွေ့ရကြောင်း၊တိုင်းရင်းသားစည်းလုံးညီညွတ်ရေးကိုရှေးရှုသောအားဖြင့် စနစ်တကျ လေ့လာ သုံးသပ်ပြီးမှ ပြည်ထောင်စု မြန်မာနိုင်ငံတော်တွင် မှီတင်းနေထိုင်လျက်ရှိသော ဌာနေတိုင်းရင်းသား လူမျိုးများ၏ မူလလူမျိုး၏ အမည်မှန်ကို
ဖော်ပြသတ်မှတ်ပေးနိုင်ရန် နိုင်ငံတော်အစိုးရအား တိုက်တွန်းကြောင်း ကြေငြာချက်တွင် ဖော်ပြထားသည်။

ယခုလိုဆွေးနွေးပွဲကို ဇန္န၀ါရီ(၁၇)ရက်နေ့က ရန်ကုန်မြို့၊ စမ်းချောင်းမြို့နယ်တွင်းရှိ (TBYC)တွင်လည်း ပြုလုပ်ခဲ့ပြီးဖြစ်ကြောင်း၊ ဇန္န၀ါရီ(၂၄)နေ့တွင် ကလေးမြို့၊ ဂါလိလဲဘုရားကျောင်း၌ ခရစ္စယာန် ဂိုဏ်းပေါင်းစုံနှင့် သတ်မှတ်ထားသည့် မျိုးနွယ်စု(၁၀)စုမှ ခေါင်းဆောင်များအပါဝင် အင်အား(၅၀၀)ခန့်ဖြင့် တွေ့ဆုံ ဆွေးနွေးခဲ့ကြောင်း၊ ထုတ်ပြန်ထားသည့်သန်းကောင်စာရင်းပါ ချင်းလူမျိုးရေးရာတို့ကို ရှင်းလင်းပြခဲ့ပြီး ဇိုမီးဒီမိုကရေစီအဖွဲ့ချုပ်၏ အထူး ကြေငြာချက်ကို ထုတ်ပြန်ခဲ့ကြောင်း သိရသည်။

ကျော်သူစိုး(ကလေးမြို့)
The Myanma Age