နိုင်ငံခြားဖြစ်အဖျော်ယမကာဈေးနှုန်း ယခင်ပုံမှန်အတိုင်း ပြန်ဖြစ်

ပို့စ်တင်ချိန် - 1/10/2014 10:45:00 PM


ဖမ်းဆီးမှုများကြောင့် တစ်လခန့် ဈေးကွက်တုံ့ဆိုင်းခဲ့မှုကြောင့် မြင့်တက်ခဲ့သော နိုင်ငံခြားဖြစ်အဖျော် ယမကာဈေးနှုန်းများသည် ယခုအခါတွင် ယခင်ပုံမှန်ဈေးနှုန်းများသို့ ပြန်လည်ကျဆင်းနေပြီဖြစ်သည်ဟု ဆိုင်ရှင်များကပြောကြားသည်။

Mobile Team (တရားမ၀င်ကုန်သွယ်မှုတားဆီးရေးအဖွဲ့) ၏ ဖမ်းဆီးမှုများကြောင့် နိုင်ငံခြားဖြစ် အဖျော် ယမကာများကို ရောင်းချမှုရပ်နားထားခဲ့ရာမှ City Mart စူပါမားကတ်နှင့် အခြားဆိုင်အချို့တွင် ပြန် လည်ရောင်းချလာပြီဖြစ်ခြင်းကြောင့် ဈေးနှုန်းများ ပုံမှန်ဈေးနှုန်းများပြန်ဖြစ်လာခြင်းဖြစ်သည်ဟု ယင်း တို့က ဆိုသည်။

လမ်းမတော်မြို့နယ်ရှိအဖျော်ယမကာ ရောင်းချသည့် အမည်မဖော်လိုသည့် စတိုးဆိုင်ရှင်တစ်ဦးက “အဲ့ဒီအချိန်တုန်းကတော့ (အဖမ်းအဆီးများပြုလုပ်စဉ်က)ဈေးကွက်ထဲမှာ နိုင်ငံခြားအရက်တွေ ရှားပါး ကုန်တာက ဟုတ်ပါတယ်။ ဈေးကတော့ တစ်ဆိုင်နဲ့ တစ်ဆိုင်မတူပါဘူး။ ဒီဘက်မှာတော့ ဈေးတွေ နှစ်ဆလောက်ဖြစ်ကုန်တာတော့ မရှိပါဘူး။ တစ်ထောင်၊ နှစ်ထောင်လောက်တက်သွားတာတော့ရှိနိုင် ပါတယ်၊ အခုကတော့ ပုံမှန်ဈေးတွေပါပဲ” ဟု ပြောသည်။

City Mart Holding Co.,ltd ၏ပြောရေးဆိုခွင့်ရှိသူ ဒေါ်မေဇင်စိုးထက်က City Mart ဆိုင်ခွဲများတွင် ဇန်န၀ါရီလဆန်းမှ စတင်ကာ နိုင်ငံခြားဖြစ် အဖျော်ယမကာများကို အရေအတွက်အနည်းငယ်ဖြင့် ပြန် လည်ရောင်းချနေပြီဟု မဇ္ဈိမသို့ ပြောကြားထားသည်။

တာမွေမြို့နယ်တွင်နေထိုင်သည့် နိုင်ငံခြားဖြစ်ယမကာသုံးစွဲသူတစ်ဦးက “ဟိုတစ်လလောက်ကအခြေ အနေတွေကြောင့်တော့ ဆိုင်တွေက သိပ်မတင်ကြဘူး။ မရောင်းကြတာတော့မဟုတ်ဘူး။ ရောင်းတဲ့ ဆိုင်လဲ ရောင်းကြတယ်။ ဈေးတက်တုန်းကတော့ တစ်ပုလင်းကို နှစ်ထောင်၊ သုံးထောင်လောက်တက် သွားတယ်။ အခုတော့ ဆိုင်တော်တော်များများ ပြန်ရောင်းနေကြတာပဲ။ အခုတော့ ဈေးကပုံမှန်ဖြစ်နေ ပြီ” ဟု ပြောသည်။

လက်ရှိဈေးကွက်အတွင်း၌ နိုင်ငံခြားဖြစ်ယမကာများဖြစ်သည့်Red Label ၀ ဒသမ ၇ လီတာတစ်လုံး လျှင် ၁၂၀၀၀ ကျပ်၊Black Label  ၀ ဒသမ ၇ တစ်လုံး လီတာလျှင် ၂၃၀၀၀ ကျပ်၊Chivas ၀ ဒသမ ၇ လီတာတစ်လုံးလျှင် ၂၅၀၀၀ ကျပ်၊Jack Daniel ၀ ဒသမ ၇ လီတာ တစ်လုံးလျှင် ၂၀၀၀၀ ကျပ်၊Jim Beam ၀ ဒသမ ၇ တစ်လုံးလီတာလျှင် ၁၀၀၀၀ ကျော်၊Single Malt ၀ ဒဿမ ၇ လီတာ တစ်လုံးလျှင် ၃၀၀၀၀ ကျပ် ၀န်းကျင်ခန့် ဈေးရှိနေသည်။
Mizzima Burmese