အားကစားကွင်းအနုကြမ်းစီးသူ ဘောလုံးလောကဖျက်ဆီးသူပင်

ပို့စ်တင်ချိန် - 1/16/2014 01:34:00 PM


၂၀၁၃ ဆီးဂိမ်းအုပ်စုအဆင့်မှ ထွက်ခဲ့ရပြီးနောက်တွင် အစဉ်အလာထုံးစံများအတိုင်း လက်သည်တရားခံများ ရှာဖွေခဲ့ကြသည်။

Head To Head စနစ်ကိုမသိသည့် ကိုရီးယားနည်းပြပတ်ဆောင်ဟွာ။ အငြင်းပွားစရာ ဆုံးဖြတ်ချက်များချခဲ့သည့် ဗီယက်နမ်ဒိုင်လူကြီး။ အပိုင်ဂိုးသွင်းခွင့်များ လွဲချော်ခဲ့သည့် အသင်းခေါင်းဆောင် ကျော်ဇေယျာဝင်း။ လစာသိန်းပေါင်းများစွာ ယူနေသော်လည်း တိုးတက်မလာသည့် ကစားသမားများ စသည်စသည်ဖြင့် ၎င်းတို့သည် အစဉ်လိုက်အတိုင်း မြို့မေတ္တာခံယူခဲ့ရသည်။

မြန်မာဘောလုံးကျဆုံးမှုမှာ အထက်ပါပုဂ္ဂိုလ်များ၏လက်ချက်ကြောင့်ချည်းပဲလားဆိုသည်မှာ စဉ်းစားစရာဖြစ်သည်။ အဘယ်ကြောင့်ဆိုသော် မြန်မာအသင်း နိုင်ငံတကာပြိုင်ပွဲများတွင် နာလန်မထူနိုင်အောင် ရှုံးရသည်မှာ ယခုတစ်ကြိမ်တည်းမဟုတ်ဘဲ ဆယ်စုနှစ်ပေါင်းများစွာ ကြာမြင့်ခဲ့သောကြောင့်ဖြစ်သည်။

မှတ်တမ်းများအရတော့ တရားခံအဖြစ် တံဆိပ်ကပ်ခံရသူများအားလုံးသည် သူတို့နယ်ပယ်အသီးသီးတွင် ခပ်ညံ့ညံ့လူများတော့မဟုတ်။

နည်းပြပတ်ဆောင်ဟွာဆိုလျှင် ဘောလုံးသမားဘ၀တွင် တောင်ကိုရီးယား၏ အကောင်းဆုံးတိုက်စစ်မှူးတစ်ဦးအဖြစ် သတ်မှတ်ခံခဲ့ရပြီး နည်းပြဘ၀တွင်လည်း သူ့နိုင်ငံတွင် လူရိုသေရှင်ရိုသေပုဂ္ဂိုလ်ဖြစ်သည်။

အင်ဒိုနှင့်ပွဲမှ ဗီယက်နမ်ဒိုင်ဆိုလည်း ကမ္ဘာ့ဘောလုံးအဖွဲ့ချုပ်၏ အသိအမှတ်ပြုဒိုင်တစ်ဦးဖြစ်ပြီး လွန်ခဲ့သည့်သုံးနှစ်က ဗီယက်နမ်ပြည်တွင်းတွင် အထူးချွန်ဆုံးဒိုင်လူကြီးအဖြစ်ပင် သတ်မှတ်ခံထားရသေးသည်။

ကျော်ဇေယျာဝင်းဆိုလျှင်လည်း မလေးရှားက ကလပ်ပီရက်အသင်းက တစ်လကျပ်သိန်း ၅၀ နီးပါးဖြင့် ကြေးစားသွားကစားနေသူဖြစ်သည်။ ကျန်သည့် ကစားသမားများဆိုလျှင်လည်း လတ်တလော မြန်မာနိုင်ငံ၌ အကောင်းဆုံးကစားသမားများဖြစ်သည်။

ဒါဆိုလျှင် မည်သည့်အရာက မြန်မာဘောလုံးလောကကို ယခုလောက်အချိန်အထိ နိမ့်ကျစေခဲ့ပါသနည်း။

7Day မှ မေးမြန်းခဲ့သည့် မြန်မာဘောလုံးလောကတွင် နှစ်ရှည်လများ ကျင်လည်ခဲ့ကြသော ဘောလုံးသမားဟောင်းများနှင့် နည်းပြငါးဦးခန့်ကတော့ အားကိုးလောက်သည့် မျိုးဆက်သစ်ကစားသမားများ ထွက်ပေါ်မလာခြင်းက မြန်မာ့ဘောလုံးလောက နေ၀င်ချိန်ကို ရောက်စေခဲ့ကြောင်း ထောက်ပြသည်။

ဘောလုံးကို အရူးအမူးအားပေးသည့် မြန်မာနိုင်ငံတွင် အံ့အားသင့်စရာကောင်းသည်မှာ လူငယ်များဘောလုံးကစားရန် နေရာမရှိခြင်းပင်ဖြစ်သည်။ ထိုအချက်က တစ်ချိန်က အာရှထိပ်သီးမြန်မာ့ဘောလုံးလောကကို ကန်တိုင်းရှုံးအသင်းဖြစ်စေခဲ့သည့် အဓိကအချက်များအနက် တစ်ခုဖြစ်ကြောင်း 7Day မှ တွေ့ဆုံမေးမြန်းခဲ့သည့် ဘောလုံးသမားဟောင်းနှင့် နည်းပြများကပြောသည်။

ရန်ကုန်မြို့ထက် အနည်းငယ်သာကြီးသည့် စင်ကာပူကျွန်းနိုင်ငံလေးတွင် လူငယ်များအတွက် အဆင့်မီဘောလုံးကစားကွင်း တစ်ဒါဇင်ထက်မနည်းရှိသော်လည်း ရန်ကုန်တွင် ပြောပလောက်သည့် အားကစားကွင်းမရှိ။ ရှိသည့် သုဝဏ္ဏနှင့် အောင်ဆန်းအားကစားကွင်းများသည်လည်း လူငယ်ဘောလုံးသမားများထက် အာဏာရှင်ဗိုလ်ချုပ်ဟောင်းများ၏ သားမြေးဖြစ်သူများလောက်ကိုသာ လိုလိုချင်ချင်လက်ခံကစားခဲ့သည်။

MNL သည် မြန်မာ့ဘောလုံးလောကအတွက်ဟု ကြွေးကျော်ခဲ့သော်လည်း လက်တွေ့တွင် MNL သည် MNL အတွက်သာ ဖြစ်ခဲ့ရသည်။

မြန်မာ့ဘောလုံးလောက ပြန်လည်ဦးမော့ရန်ဟုဆိုကာ တပ်မတော်အစိုးရအရာရှိကြီးများနှင့် သူတို့ယုံကြည်ရသည့် စီးပွားရေးလုပ်ငန်းရှင်ကြီးများက ဆုကြေးစားစနစ်ဖြစ်သည့် Myanmar National League ကို ၂၀၀၉ တွင် စတင်တည်ထောင်ခဲ့သည်။

MNL ကြောင့် လူငယ်များဘောလုံးကစားခြင်းသည် အသက်မွေးဝမ်းကျောင်းဟု ထင်မြင်လာခဲ့ကြသည်။ သို့သော်လည်း MNL အစပြုသည့်အချိန်တွင် လူငယ်ကစားသမားအများစု ယှဉ်ပြိုင်နေသည့် အောက်ခြေအမှတ်ပေးပြိုင်ပွဲများကို ဖျက်သိမ်းလိုက်သည်။ လူငယ်အများအပြားသည်လည်း ဘောလုံးကစားခွင့် ဆုံးရှုံးခဲ့ကြသည်။

ကစားကွင်းအချို့ကို MNL အသင်း၏ လေ့ကျင့်ရေးကွင်းအဖြစ် သတ်မှတ်ခဲ့ပြီး မူလကစားနေသည့် လူငယ်များကို ဖယ်ရှားပစ်လိုက်ကြသည်။ ကွင်းအချို့မှာတော့ အိမ်ရာစီမံကိန်းများ၊ ကွင်းဘေးပတ်လည်ဝိုင်းရံထားသည့် ဘီယာဆိုင်နှင့် အနှိပ်ခန်းများအကြား တိမ်မြုပ်ပျောက်ကွက်သွားခဲ့သည်။

MNL အသင်းများ၏ လေ့ကျင့်ရေးကွင်းအဖြစ် ဈေးချောင်ချောင်ဖြင့်ရထားသည့် ပြည်သူပိုင်ကွင်းများတွင် ကစားချင်သူများအတွက်တော့ မိနစ် ၉၀ အတွက် ငွေ ၁၅၀၀၀ ကျသင့်သည်။

မြန်မာ့ဘောလုံးလောက တိုးတက်ရေးဟု ကြွေးကြော်နေသည့် MNL မှ ပိုင်ရှင်အချို့သည်လည်း ဘောလုံးကွင်းအကြောင်းပြ၍ မြေသိမ်းသည်ဟုဆိုကာ လွှတ်တော်တွင် အတိုင်ခံရမှုများလည်းရှိသည်။ ပြီးခဲ့သည့်နှစ်က စီးပွားကူးသန်းဝန်ကြီး၏ မိသားစုဝင်များပိုင်ဆိုင်သည့် ဇေယျာရွှေမြေဘောလုံးအသင်းသည် မုံရွာတွင် မြေများသိမ်းယူခဲ့ကြောင်း လွှတ်တော်တွင်အတိုင်ခံခဲ့ရသည်။

အစိုးရက မြန်မာဘောလုံးလောကတိုးတက်ရေးအတွက် နယ်ပယ်အစုံမှလူငယ်များ ကစားနိုင်သည့် ဘောလုံးကွင်းများ တည်ဆောက်ပေးခြင်းထက် “မြန်မာ့အားကစား ကမ္ဘာကိုလွှမ်းရမည်” တေးသီချင်းကို ဆောင်းတွင်းနံနက်အရုဏ်တက်ချိန်တိုင်း ရပ်ကွက်ထဲလှည့်ဖွင့်ရန်သာ ပိုမိုအားသန်ခဲ့သည်။

အသစ်ဆောက်လုပ်ရန် စိတ်ကူးထက် ရှိရင်းစွဲဘောလုံးကွင်းများ၊ အားကစားကွင်းများကို အိမ်ရာများအဖြစ် အကောင်အထည်ဖော်ရန်သာ စိတ်ဝင်စားခဲ့ကြောင်း အားကစားကွင်းများ ပျောက်ဆုံးသွားမှုကို လေ့လာသုတေသနပြုနေသည့် ရှေ့နေဦးအေးမင်းကပြောသည်။

ပြီးခဲ့သည့် ၂၅ နှစ်တာကာလအတွင်း စစ်အစိုးရက ရန်ကုန်တစ်မြို့တည်းတွင်ပင် ဘောလုံးကွင်းနှင့် အားကစားကွင်းရှစ်ကွင်းထက်မနည်းကို အဆောက်အအုံများဆောက်လုပ်ကာ အသွင်ပြောင်းလိုက်ကြောင်း ပန်းဥယျာဉ်နှင့်အားကစားကွင်းများ အဆောက်အအုံဆောက်လုပ်ခြင်းမှ ကာကွယ်ရေးကော်မတီ (ယာယီ)၏ အထွေထွေအတွင်းရေးမှူးလည်းဖြစ်သူ ဦးအေးမင်းကပြောသည်။

စစ်အစိုးရကိုဆက်ခံခဲ့သည့် သမ္မတဦးသိန်းစိန်လက်ထက်တွင်တော့ တစ်ချိန်က ဈေးများ၊ ဘီယာဆိုင်များ၊ လူနေအဆောက်အအုံများအဖြစ် အသွင်ပြောင်းခံရသည့် ဘောလုံးကွင်းများကို ယခင်အစိုးရနှင့်မတူသည့် ပြုပြင်ပြောင်းလဲမှုများ ပြုလုပ်ခဲ့သည်။

အစိုးရသစ်၏မူဝါဒအသစ်က ဘောလုံးကွင်း၊ အားကစားကွင်းများဖြစ်အောင် ပြန်လုပ်ပေးခြင်းမျိုးတော့မဟုတ်၊ အထပ်မြင့်ကွန်ဒိုများ၊ ဈေးဆိုင်ခန်းများ၊ စက်သုံးဆီဆိုင်များအဖြစ် အသွင်ပြောင်းလဲကာ သူတို့နှင့်နီးစပ်သည့် သန်းကြွယ်သူဌေးကြီးများထံ လက်ဆင့်ကမ်းခြင်းပင်ဖြစ်သည်။

“သူတို့လုပ်ပုံက အရမ်းယဉ်တယ်။ သိမ်ဖြူကွင်းလိုကွင်းမျိုးကို နှစ် ၂၀ လောက် ကားမောင်းကွင်းဆိုပြီးလုပ်တယ်။ နောက်တော့ လူတွေမေ့လောက်ပြီဆိုမှ အခုပုဂ္ဂလိကကို ရောင်းစားဖို့လုပ်တယ်”ဟု သိမ်ဖြူအားကစားကွင်းမြေနေရာများကို ပုဂ္ဂလိကသို့ လွှဲပြောင်းရန်စီစဉ်နေခြင်းကို အပြင်းအထန်ကန့်ကွက်ခဲ့သည့် ဦးအေးမင်းကဆိုသည်။

ပြီးခဲ့သည့်ရက်ပိုင်းအတွင်းက ရန်ကုန်မြို့ရှိ အားကစားကွင်းနှစ်ဒါဇင်ထက်မနည်းကို 7Day မှ လိုက်လံလေ့လာရာတွင် စနစ်တကျဘောလုံးကစားရန် လုံလောက်သည့်အခြေအနေမရှိဘဲ ယိုယွင်းပျက်ဆီးမှုများ ဖြစ်ပေါ်ခဲ့သည်။ ဆိုင်ခန်းများ ပတ်လည်ဝိုင်းနေသည့် အားကစားကွင်းများသည် နွားခြေရာများ၊ ချုံပုတ်များ၊ မြေနီခဲများ၊ တယ်လီဖုန်းတာဝါတိုင်များနှင့်သာ ဖုံးလွှမ်းနေခဲ့သည်။

အားကစားကွင်းအချို့တွင် “ဘောလုံးမကန်ရ”၊ “စကိတ်မစီးရ”၊ “ကြက်တောင်မကစားရ”၊ စသည့်ဆိုင်းဘုတ်များ နေရာယူထားခဲ့သည်။ အားကစားကွင်းများတွင် အားကစားမလုပ်ရန် တားမြစ်မှုများရှိနေသော်လည်း လေ့လာခဲ့သည့် ပန်းခြံတိုင်းနီးပါးတွင် အရက်နှင့်ဘီယာဆိုင်များ တရားဝင်ဖွင့်လှစ်ခွင့်ရနေသည်။

ပန်းခြံအတွင်း ၀င်ရောက်အပန်းဖြေရန်အတွက် အချိန်ကန့်သတ်ထားပြီး အစစ်အဆေးအမေးအမြန်းများရှိသော်လည်း ပန်းခြံများအတွင်း ဖွင့်လှစ်ထားသည့် အရက်နှင့်ဘီယာဆိုင်များတွင် အသက်(၁၈)နှစ်မပြည့်သေးသူများကို ညလုံးပေါက်ကြိုဆိုနေသည်။

တစ်ချိန်က အာရှထိပ်သီး မြန်မာ့ဘောလုံးလောကကျဆုံးခြင်းက အဓိကတရားခံများက ပတ်ဆောင်ဟွာ။ ဗီယက်နမ်ဒိုင်လူကြီး။ ကျော်ဇေယျာဝင်းနှင့် မြန်မာကစားသမားများ ဟုတ်၊ မဟုတ်ဆိုသည်က လာမည့်ရက်ပိုင်းအတွင်း အဖြေပေါ်မည်ဖြစ်သည်။

မြန်မာ့မျိုးဆက်သစ်များသည် အိုမန်နိုင်ငံတွင် အာရှယူ- ၂၂ ပြိုင်ပွဲကို ယှဉ်ပြိုင်ခဲ့ပြီဖြစ်သည်။ ထိုပွဲတွင် နည်းပြက ပတ်ဆောင်ဟွာလည်းမဟုတ်၊ ကျော်ဇေယျာဝင်းလည်း မပါတော့၊ ဗီယက်နမ်ဒိုင်နှင့်လည်း ဆုံချင်မှဆုံတော့မည်။

ဒီတစ်ကြိမ်လည်း ထပ်မံအရေးနိမ့်ပြန်ပြီဆိုတော့ မြန်မာ့ဘောလုံးကျဆုံးခြင်း၏ အဓိကလက်သည်တရားခံများစာရင်းတွင် လူငယ်များဘောလုံးကန်ရန်၊ အားကစားလုပ်ရန် ပိတ်ပင်ခဲ့သူများကို ထည့်သွင်းစဉ်းစားရန် လိုအပ်မည်ဖြစ်သည်။

ရေးသားသူ- ထွန်းခိုင်
7Day News Journal