လက်ရှိဖြစ်ပွားနေသော အိန္ဒိယ-မြန်မာနယ်နိမိတ်ပြဿနာနှင့်ပတ်သက်၍ တမူးခရိုင်အုပ်ချုပ်ရေးမှူးကို တွေ့ဆုံမေးမြန်းခြင်း

ပို့စ်တင်ချိန် - 1/01/2014 01:15:00 AM

တမူး၊ဒီဇင်ဘာ- ၃၀။

လက်ရှိဖြစ်ပွားနေသည့် နှစ်နိုင်ငံနယ်နိမိတ်တိုင်းတာမှု မပြီးပြတ်သေးသော အိန္ဒိယ-မြန်မာနယ်ခြားမှတ်တိုင် BP 78 အနီးတွင် အိန္ဒိယအစိုးရဘက်မှ စက်ယန္တရားများဖြင့် မတူးခြင်း၊မြေညှိခြင်းများဆောင်ရွက်နေခြင်းကြောင့် ဒီဇင်ဘာ(၂၄)ရက်နေ့က တမူးမြို့တွင် လူမှုကွန်ယက်များပူးပေါင်းကာ အိန္ဒိယအစိုးရကို ကန့်ကွက်ဆန္ဒပြရသည့်
အခြေအနေထိဖြစ်ပွားနေမှုနှင့်ပတ်သက်၍ တမူးခရိုင်အုပ်ချုပ်ရေးမှူး ဦးကျော်ဇောလင်းကို မြန်မာ့ခတ်မှ တွေ့ဆုံမေးမြန်းခဲ့သည်။

မြန်မာ့ခေတ်   – အိန္ဒိယ-မြန်မာ နှစ်နိုင်ငံနယ်နိမိတ်ပြဿနာမှာ ဘယ်လိုကြောင့် ဆန္ဒဖော်ထုတ်ပွဲတွေဖြစ်လာရတဲ့ အခြေနေထိ ရောက်လာရသလဲဆိုတာ ခရိုင်အုပ်ချုပ်ရေးမှူးရဲ့သုံးသပ်ချက်ကို သိလိုပါတယ်ခင်ဗျ။

ခရက         –   BP-78 မှတ်တိုင်နေရာဟာ နှစ်နိုင်ငံနယ်နိမိတ်တိုင်းတာမှု မပြီးပြတ်သေးတဲ့ နေရာပါ။ အဲလို မပြီးပြတ်သေးတဲ့ နေရာမှာ တစ်နိုင်ငံတည်းရဲ့ သဘောထားနှင့်မြေတူးတာတွေ
မြေပြင်တာတွေ လုပ်ခွင့်မရှိပါဘူး။ အရင်တုန်းက ဒီလိုမျိုးလုပ်လို့ကန့်ကွက်စာထွက်ပေးခဲ့ရင် ရပ်ပါတယ်။
ဒီတစ်ကြိမ်မှာတော့မရပ်ပါဘူး။ရပ်တန့်ခြင်းမရှိတာကို ပြည်သူလူထုအနေနဲ့ကလည်း
လက်မခံကြတဲ့အတွက် ဒီလိုဆန္ဒပြပွဲဖြစ်ပေါ်ရတယ်လို့
သုံးသပ်မိပါတယ်။

မြန်မာ့ခေတ်  -  အိန္ဒိယဗဟိုအစိုးရက အခုလို ခိုင်းစေပြုလုပ်မှုတွေရှိနေတာနဲ့ပတ်သက်ပြီး
ကျွန်တော်တို့မြန်မာအစိုးရအနေနဲ့ ဘယ်လိုတုန့်ပြန်ဆောင်ရွက်မှုတွေရှိပါသလဲခင်ဗျ။

ရယက        -    ကျွန်တော်တို့ စဖြစ်ကတည်းကိုက သံတမန်နည်းလမ်းအရ နိုင်ငံခြားရေးရုံးကနေ ကန့်ကွက်စာတွေထွက်တယ်ဆိုတာ ကြားသိရပါတယ်။အဲဒီအပြင် သမ္မတကြီးရဲ့မှတ်ချက်ပေါ့နော်။
နှစ်နိုင်ငံချစ်ကြည်မှု မပျက်ပြားရေးအတွက် အဖွဲ့တွေဖွဲ့ပြီးတော့မှ နှစ်နိုင်ငံဒီပြဿနာကိုဖြေရှင်းဖို့အတွက်
နိုင်ငံခြားရေးရုံးကနေဆောင်ရွက်နေတယ်ဆိုတာကိုလည်းသိရပါတယ်ခင်ဗျ။
မကြာခင်မှာလည်းနိုင်ငံတော်အဆင့်အစည်းဝေးတွေဆောင်ရွက်သွားမယ်ဆိုတာသိရပါတယ်ခင်ဗျ။
အဲဒီအခါကျရင် ဒီပြဿနာကို အပြေလည်ဆုံးဖြစ်အောင်ဖြေရှင်းသွားနိုင်မယ်လို့မျှော်
လင့်ပါတယ်ခင်ဗျ။ အိန္ဒိယ အာသံ(၉)တပ်ရင်းမှူးနဲ့လည်း တွေ့ဆုံကန့်ကွက်ခဲ့ပါတယ်။ ဒီနေ့ဆိုရင်  BP 78
မှတ်တိုင်အနီးမှာ မြေတူးတဲ့ကိစ္စနဲ့ ပတ်သက်ပြီးတော့ (၁၃)ကြိမ်မြောက် ကန့်ကွက်စာပေးပို့ ခဲ့ပါတယ်။ ဒီလိုကန့်ကွက်နေတဲ့ကြားက ဆက်လုပ်နေတယ် ဆိုတာတော့ နှစ်နိုင်ငံချစ်ကြည်မှုကို
အလေးမထားတဲ့ ပုံစံတော့ ပေါက်နေပါတယ်။ အာသံ(၉)တပ်ရင်းမှူးနဲ့ တွေ့ဆုံတဲ့ အချိန်မှာ သူ့ကိုလည်း အိန္ဒိယ ဗဟိုအစိုးရက ခိုင်းတာလို့ သိရှိရပါတယ်။ အဓိကကတော့ ဒီပြဿနာရဲ့ အရင်းမြစ်ကတော့ အိန္ဒိယဗဟိုအစိုးရက နေပြီးတော့ ခိုင်းစေမှုတွေရပ်တန့်ဖို့ အရေးတကြီး လိုအပ်နေပြီလို့မြင်ပါတယ်။ တိုင်းဒေသကြီးအစိုးရအနေနဲ့လည်း
ဒီ(၂၉)ရက်နေ့မှာ အိန္ဒိယ သံအမတ်ကြီးနှင့် ၀န်ကြီးချုပ်ဦးသာအေးတို့ တွေ့ဆုံပြီးတော့ ဒီကိစ္စကို ညှိနှိုင်း ဖြေရှင်း ဆောင်ရွက်မှုတွေ လုပ်မယ်လို့ သိရှိရပါတယ်ခင်ဗျ။ ပြည်ထောင်စု အစိုးရအနေနဲ့ရော တိုင်းဒေသကြီး အစိုးရအနေနဲ့ရော ဒါကို အရေးတကြီး အလေးအနက်ထားပြီး ဆောင်ရွက်နေတယ် ဆိုတာကိုလည်း ကြားသိရပါတယ် ခင်ဗျ။

မြန်မာ့ခေတ်  -  ကန့်ကွက်စာတွေပို့တယ်ဆိုတာက ဘယ်ကိုလိပ်မူပြီးပေးပို့တာပါလဲခင်ဗျ။

ခရက       –     အာသံ(၉)တပ်ရင်းမှူးနှင့် ချန်တွယ်ခရိုင်အုပ်ချုပ်ရေးမှူးဆီကို ပို့ပါတယ်။ ချန်တွယ်ရိုင်အုပ်ချုပ်ရေးမှူးဆီ ဘာကြောင့်ပို့ရလဲဆိုရင် ကျွန်တော်တို့ဆီမှာ BlO ဆိုတဲ့ အဖွဲ့အစည်းရှိပါတယ်။ Bolderlism Office ပေါ့နော်။ မြန်မာနိုင်ငံ အနေနှင့် အဖွဲ့ခေါင်းဆောင် အနေနဲ့ဆောင်ရွက်ရပါတယ်။ အိန္ဒိယနိုင်ငံ အနေနဲ့ ဆိုရင်တော့ ချန်တွယ်ခရိုင် အုပ်ချုပ်ရေးမှူးနဲ့ ဆောင်ရွက်ရပါတယ်။ နှစ်နိုင်ငံ ချစ်ကြည်ရေး ကိစ္စတွေကို ဒီချန်နယ်ကနေ သွားနေပါတယ်။ ဒါကြောင့် ချန်တွယ်ခရိုင် အုပ်ချုပ်ရေးမှူးကို လိပ်မူပေးရတာဖြစ်ပါတယ်။ အာသံ(၉)တပ်ရင်းမှူးကို လိပ်မူပေးရတာကတော့
အခုလက်ရှိ လုပ်နေတဲ့ လုပ်ငန်းတွေ အားလုံးကို သူကဦးဆောင်ပြီး လုပ်နေတဲ့အတွက် လိပ်မူပေးရခြင်းဖြစ်ပါတယ်။
မိတ္တူကိုတော့ မိုးရေးမှာရှိနေတဲ့  မြို့နယ်အုပ်ချုပ်ရေးမှူး၊ရဲနှင့်လ၀က တွေကိုပေးပါတယ်။

မြန်မာ့ခေတ်  -  သူတို့ဘက်မှာ အခုတပ်ရင်း(၄)ရင်းစွဲထားတယ်။ မြန်မာနိုင်ငံဘက်မှာက ခလရ(၈၇)တပ်ရင်းတ စ်ရင်းပဲရှိတယ်ဆိုတဲ့ အခြေအနေကိုရော ဘယ်လိုမြင်ပါသလဲခင်ဗျ။

ခရက        -    ကျွန်တော်တို့တမူးခရိုင်က အဖြူရောင်နယ်မြေဖြစ်ပါတယ်။ ကျွန်တော်တို့ခရိုင် တစ်ခရိုင်တည်းဆိုရင်တော့
သာမာန်အားဖြင့်ပြောရမယ်ဆိုရင် တပ်ရင်းတစ်ရင်းတည်းနဲ့ လုံခြုံရေးယူရတယ်ဆိုတာ လုံလောက်တဲ့ အနေထားရှိပါတယ်။ သူတို့ဘက်က တပ်အင်အား(၄)ရင်းရှိတယ်။ ကိုယ်တို့ဘက်က တပ်ရင်း(၁)ရင်းထဲရှိတယ်ဆိုတဲ့ ကိစ္စမှာ သူတို့ဘက်က တပ်ရင်း(၄)ရင်းယူတဲ့ ကိစ္စမှာ ခုဒီကိစ္စဖြစ်မှ ယူတာမဟုတ်ဘူး။ ဟိုး အရင်ကတည်းက ယူတာ။ ဟိုးအရင်ကတည်းက ဘာကြောင့် အဲလိုမျိုး ယူထားလဲဆိုတော့ သူတို့ဘက်မှာ သောင်းကျန်းသူတွေ အများကြီးပဲ။ အဲလို အင်န်ဆားဂျင့် နယ်မြေဖြစ်လို့ တပ်တွေများများစားစား စိုးမိုးထားရမှာမို့ ဟိုးအရင်ကတည်းက ယူထားတာပါ။

မြန်မာ့ခေတ်  -  ဒီလို နယ်နိမိတ်ပြဿနာအပေါ် ဆန္ဒပြမှုတွေကြောင့် နှစ်နိုင်ငံကုန်သွယ်မှုကို ထိခိုက်မှုဖြစ်စေနိုင်ပါသလား။ ဥပမာ – အခု နန်းဖာလုံဈေးကို ပိတ်ရတဲ့ အခြေနေမျိုးပေါ့။
ခရက        -    ခုချိန်ထိတော့ ထိခိုက်မှုမရှိသေးပါဘူး။နန်းဖာလုံဈေးပိတ်တာလည်း ယာယီမနက်ပိုင်းပဲပိတ်တာပါ။ တနေကုန်မဟုတ်ပါဘူး။ ဆန္ဒပြပွဲပြီးသွားရင် ချက်ချင်း ပြန်ဖွင့်ပေးရမှာပါ။

မြန်မာ့ခေတ်  -  ခရိုင်အုပ်ချုပ်ရေးမှူးအနေနဲ့ အများပြည်သူကို ဘာပြောချင်တာ ရှိပါသေးလဲခင်ဗျ။

ခရက        -    အာသံ(၉)ရဲ့ပြောဆိုချက်အရဆိုရင်တော့ သူတို့ဗဟိုအစိုးရ၊ အထက်ဌာနရဲ့ ခိုင်းစေချက်ကြောင့် လုပ်ရတယ် ဆိုရင်တော့ သူတို့ကအဓိက မဟုတ်ဘဲ အမိန့်ပေးတဲ့သူသာ အဓိကကျမှာပါ။ အိန္ဒိယနိုင်ငံဘက်က ဒီကိစ္စနဲ့ ပတ်သက်ပြီး ကျွန်တော်တို့ အစိုးရပိုင်းရော၊ ပြည်သူလူထုပိုင်းရော အိန္ဒိယနိုင်ငံကို ဆန့်ကျင်နေတာလည်း မဟုတ်ပါဘူး။ သူတို့နိုင်ငံကို စော်ကားတာလည်း မဟုတ်ပါဘူး။ သူတို့ BP 78 နားမှာ ဆောင်ရွက်နေတဲ့ ကိစ္စကို နှစ်နိုင်ငံ သဘောတူညီချက် မရဘဲ မလုပ်ဖို့ လှုပ်ရှားနေကြခြင်းပဲ ဖြစ်ပါတယ်။

မြန်မာ့ခေတ် –   ဟုတ်ကဲ့။ အခုလိုဖြေကြားပေးတဲ့အတွက် ခရိုင်အုပ်ချုပ်ရေးမှူးကို ကျေးဇူးတင်ပါတယ်ခင်ဗျ။
ခရက       –     ဟုတ်ကဲ့။ ကျွန်တော့်အနေနဲ့လည်း ကျေးဇူးတင်ပါတယ်ခင်ဗျ။

ကျော်သူစိုး(ကလေးမြို့)

မြန်မာ့ခေတ်