နိုင်ငံခြားသား သီးသန့် ရထားခရီးစဉ်များ ငှားရမ်းပြေးဆွဲပေးမည်

ပို့စ်တင်ချိန် - 1/16/2014 06:51:00 PM


မန္တလေးတိုင်းဒေသကြီးသို့ လာရောက်လည်ပတ်သော နိုင်ငံခြားသား ခရီးသွား ဧည့်သည်များအတွက် ခရီးသွား ကုမ္ပဏီများမှ တစ်ဆင့် သီးသန့် မီးရထားတွဲဖြင့် ခရီးစဉ်များ ငှားရမ်းပြေးဆွဲ ပေးသွားမည်ဖြစ်ကြောင်း မန္တလေးတိုင်းဒေသကြီး မြန်မာ့မီးရထား၊ တိုင်း(၃)မှ သွားလာရေး/တိုင်း မန်နေဂျာ ဦးကျော်စိုးလင်းထံမှ သိရသည်။ ယင်းကဲ့သို့ နိုင်ငံခြားသားများအတွက် သီးသန့်ခရီးစဉ်များ ပြေးဆွဲရေးအတွက် နိုင်ငံခြားခရီးသွား ကုမ္ပဏီများကို ငှားရမ်းသွားမည်ဖြစ်ရာ ခရီးသွားကုမ္ပဏီများက တောင်းဆိုသည့် ခရီးစဉ်အလိုက် လက်မှတ်ခကို ဒေါ်လာဖြင့် ကောက်ခံသွားမည်ဖြစ်ကြောင်း ၎င်းက ရှင်းပြသည်။ “နိုင်ငံခြားသား ခရီးသည်တွေအတွက် သီးသန့်ခရီးစဉ်တွေ ပြေးဆွဲပေးမယ့် ရထားတွဲကလည်း မရှိသေးဘူး။ နိုင်ငံခြားသားတွေဘက်ကနေ ခရီးသွား ကုမ္ပဏီတွေကို ဘယ်မြို့တွေတော့ သွားချင်တယ်ဆိုပြီး တောင်းဆိုထားတာတွေ ရှိတယ်။ ပြီးတော့ နိုင်ငံခြား ဝင်ငွေရရှိဖို့ အတွက်လည်း ပါတာပေါ့” ဟု ဦးကျော်စိုးလင်းက ဆိုသည်။ နိုင်ငံခြားသားခရီးသည် အများစုသည် မီးရထား ခရီးစဉ်တွင် နဘား-ကသာ နှင့် ရွှေညောင်-ဟဲဟိုး ခရီးစဉ်များကို နှစ်သက်လေ့ ရှိသည့်အတွက် ယင်းခရီးစဉ်များကို အဓိက ပြေးဆွဲပေးသွားမည် ဖြစ်သည့်အပြင် မန္တလေး-ပုဂံ ခရီးစဉ်များကိုလည်း ပြေးဆွဲပေးသွားမည် ဖြစ်ကြောင်း ၎င်းက ထပ်လောင်း ပြောကြားသည်။ “နိုင်ငံခြားသား ခရီးသည်တွေကတော့ လေယာဉ်နဲ့ သွားကြတာ များတယ်။ ရထားနဲ့ သွားတာက ကားနဲ့သွားတာထက် မြန်တယ်ဆိုရင်တော့ ကောင်းတာပေါ့။ ဒါပေမဲ့ ခရီးစဉ် ဈေးနှုန်းလေးတွေ သိရရင် ပိုကောင်းတာပေါ့” ဟု Wai Thar Li Travels မှ တာဝန်ရှိသူတစ်ဦးက ဆိုသည်။ အဆိုပါ ပြေးဆွဲပေးမည့် အထူးရထားတွဲဆိုင်းကို ဂျပန်နိုင်ငံမှ မှာယူတင်သွင်းထားခြင်း ဖြစ်ပြီး မြစ်ငယ်စက်ရုံ၌ ပြုပြင်ထားသည့် လေအေးပေးစက်ပါ အထူးတွဲဆိုင်း (အိပ်စင်+စားသောက်တွဲ+အထက်တန်း(ထိုင်ခုံ)တွဲ+အစည်းအဝေးသုံးတွဲ) ဖြစ်ကာ ခရီးသွားကုမ္ပဏီများက စတင်ကမ်းလှမ်းလာသည့် အချိန်မှစကာ ခရီးစဉ်များကို ပြေးဆွဲပေးသွားမည်ဖြစ်ကြောင်း ၂၀၁၄ ခုနှစ် ဇန်နဝါရီ ၁၆ ရက်နေ့ထုတ် The Voice သတင်းစာတွင် ဖော်ပြထားပါသည်။ "
khit lu nge