ဒေါ်အောင်ဆန်းစုကြည်ရဲ့ ချင်းပြည်နယ်ခရီးစဉ် ပထမနေ့
ပို့စ်တင်ချိန်
-
1/07/2014 08:30:00 AM
8oe55+(C+(Cus+(Custom).jpg)
ချင်းပြည်နယ် ခရီးစဉ်ထွက်နေတဲ့ NLD ခေါင်းဆောင် ဒေါ်အောင်ဆန်းစုကြည် ဒီကနေ့ စစ်ကိုင်းတိုင်း ကလေးမြို့ကို ရောက်လာရာမှာ ရာထောင်ချီတဲ့ဒေသခံတွေက ကြိုဆိုနေပါတယ်။
မြန်မာပြည်ရဲ့ ဖွံ့ဖြိုးမှုအနည်းဆုံးဒေသလို့ဆိုနိုင်တဲ့ ချင်းပြည်နယ်ကို ယခင်ကလည်း ဒေါ်အောင်ဆန်းစုကြည် ရောက်ခဲ့ပါတယ်။
ဒီတကြိမ်ကတော့ ဆယ်နှစ်အတွင်း သူ့ရဲ့ ချင်းပြည်နယ် ပထမဆုံးခရီးစဉ်ပါပဲ။
ခရီးစဉ် ရည်ရွယ်ချက်က ၂၀၀၈ အခြေခံဥပဒေ ပြင်ဆင်ရေးနဲ့ပတ်သက်ပြီး လူထုသဘောထား ရယူရေးဖြစ်ပါတယ်။
ကလေးမြို့ တည်းခိုတဲ့နေရာ အပေါ်ထပ် ၀ရံတာကနေ ဒေသခံတွေကို စကားပြောခဲ့ပါတယ်။
ပြည်သူတွေကို ဘာလုပ် ဘာလုပ်ဆိုပြီး ဖိအားမပေးချင်ဘူး၊ အခြေခံဥပဒေ ပြင်ဆင်ဖို့ ဘာကြောင့် လိုအပ်တယ် ဆိုတာကို ပြည်သူတွေ နားလည်ဖို့ အင်မတန် အရေးကြီးပါတယ်၊
ကျမ ဒီကို ရောက်လာခြင်းကလည်း ဒီကိစ္စအတွက်ပါပဲ လို့ သူက ဒေသခံတွေနဲ့ တွေ့ဆုံရာမှာ ပြောလိုက်ပါတယ်။
မနက်ဖြန် ဒေါ်အောင်ဆန်းစုကြည်ရဲ့ အစီအစဉ်က... စာသင်ကျောင်းတခုမှာ ဘာသာရေးဆိုင်ရာ အခမ်းအနားတခု တက်ဖို့၊ ဒေသခံ NLD တွေနဲ့ တွေ့ဆုံဖို့ပါပဲ။
ပြီးရင် ချင်းတောင်ကို တက်ပါမယ်။
ခရီးစဉ်အတွင်း တီးတိန်၊ ဖလမ်း၊ ဟားခါးမြို့တွေမှာ ဒေသခံတို့နဲ့ တွေ့ပါလိမ့်မယ်။
နောက်ခံအချက်အလက်တချို့အကြောင်း နည်းနည်း ပြောရရင်... ၂၀၁၃ ချင်းပြည်နယ်ကအပြန် ခရီးစဉ်မှာတော့ ဒေါ်အောင်ဆန်းစုကြည်နဲ့ သူ့ကို ထောက်ခံသူတွေ အတိုက်ခိုက်ခံရပါတယ်။
အဲဒီတိုက်ခိုက်မှုက ဒီပဲယင်းလုပ်ကြံမှုလို့ ထင်ရှားပါတယ်။
အာဏာပိုင်တို့ကတော့ အဲဒီတိုက်ခိုက်မှုဟာ သူ့ကို မလိုလားတဲ့ဒေသခံတွေနဲ့ဖြစ်တဲ့ ပဋိပက္ခပါလို့ ဆိုခဲ့ပါတယ်။
