အမေရိကန် ထောက်လှမ်းရေးလုပ်ငန်းတွေ ပြန်လည်ပြုပြင်ဖို့ ဆုံးဖြတ်ချက်ချမည်

ပို့စ်တင်ချိန် - 1/10/2014 07:30:00 PM

အမေရိကန်ထောက်လှမ်းရေးလုပ်ငန်းတွေနဲ့ ပတ်သက်လို့ ပြန်လည်သုံးသပ်ပြီး ပြုပြင် သင့်တာတွေကို ပြုပြင်ဖို့ သမ္မတ အိုဘားမားနဲ့ လွှတ်တော်အမတ်တွေ ဆွေးနွေးနေတာ နောက်ဆုံး ဆုံးဖြတ်ချက် ချနိုင်ဖို့ အချိန် နီးကပ်နေပြီလို့ အရာရှိတွေက ပြောပါတယ်။

ပြန်လည်သုံးသပ်တာတွေက ပြီးခါနီးပြီလို့ အိမ်ဖြူတော်ရဲ့ ပြောခွင့်ရသူ ဂျေးကာနေက သတင်းစာရှင်းလင်းပွဲမှာ ပြောပါတယ်။

ဒီလနှောင်းပိုင်းကျရင်တော့ သမ္မတအိုဘားမားဟာ အမျိုးသားလုံခြုံရေးအဖွဲ့ (အန်အက်စ်အေ)အပါအ၀င် ထောက်လှမ်းရေးလုပ်ငန်းတခုလုံး ပြုပြင်ပြောင်းရေးတွေကို ရှင်းပြဖို့ ရှိပါတယ်။

ပြီးခဲ့တဲ့နှစ် ဇွန်လတုန်းက အက်ဒ၀ပ်စနိုးဒင်းက ဖွင့်ချလိုက်တဲ့နောက်ပိုင်း အမေရိကန် ထောက်လှမ်းရေးအဖွဲ့တွေရဲ့ ကျင့်ဝတ်စောင့်ထိန်းမှုအပေါ် ပြည်သူတွေက အယုံအကြည် မဲ့နေတာ ဖြစ်ပါတယ်။

စနိုးဒင်းရဲ့ ဖွင့်ချချက်တွေထဲမှာ အရေးအကြီးဆုံးကိစ္စတရပ်ကတော့ အမေရိကန် ပြည်သူတွေရဲ့ ဖုန်းတွေနဲ့ အီးမေးလ်တွေကို အစိုးရက ကြားဖြတ်ဖောက်ထွင်းနေတယ်ဆိုတဲ့ အချက် ပါဝင်ခဲ့ပါတယ်။

ဒီလို ဖွင့်ချမှုနဲ့ ပတ်သက်လို့ အမေရိကန်အစိုးရက စနိုးဒင်းကို သတင်းပေါက်ကြားမှု အတွက် အလိုရှိနေပြီး လောလောဆယ် ရုရှားမှာ ယာယီခိုလှုံခွင့်နဲ့ ရှောင်တိမ်းနေရပါတယ်။

သမ္မတ အိုဘားမားဟာ နောက် ၁ ပတ်မှာ မိန့်ခွန်းပြောတဲ့အခါ ထောက်လှမ်းရေးလုပ်ငန်း ပြုပြင် ပြောင်းလဲရေးလုပ်ငန်းတွေကို ပြည်သူတွေကို ရှင်းပြပြီး ထောက်လှမ်းရေးအဖွဲ့တွေအပေါ် မယုံသင်္ကာဖြစ်နေတာကို ပြန်အဖက်ဆည်ဖွယ် ရှိပါတယ်။

မနှစ်နှောင်းပိုင်းက အမေရိကန် အမျိုးသားလုံခြုံရေးအဖွဲ့ (အန်အက်စ်အေ)က ဂျာမနီဝန်ကြီးချုပ် အန်ဂျလာ မာကဲလ်ရဲ့ ဆဲလ်ဖုန်းကို ကြားဖြတ် နားထောင်ခဲ့တယ်ဆိုတဲ့ သတင်းတွေ ဟိုးလေးတကျော် ဖြစ်ခဲ့တဲ့နောက် ပြုပြင်ပြောင်းလဲရေး အစီအစဉ်တွေထဲမှာ ထောက်လှမ်းရေးအဖွဲ့တွေက နိုင်ငံရပ်ခြားက ခေါင်းဆောင်တွေကို ထောက်လှမ်းတဲ့အခါ ကန့်သတ်ချက်တွေ ပါဝင်ဖွယ် ရှိပါတယ်။

ပြင်ပလွတ်လပ်တဲ့အဖွဲ့တွေကို သမ္မတအိုဘားမားကို ပြီးခဲ့တဲ့လက အကြံပြုချက်တွေထဲ မှာတော့ နိုင်ငံခြားခေါင်းဆောင်တွေကို ထောက်လှမ်းမယ်ဆိုရင် အဲဒီနိုင်ငံရဲ့ ခေါင်းဆောင်ရဲ့ ဂုဏ်သိက္ခာ၊ အမေရိကန် အမျိုးသားလုံခြုံရေးနဲ့ ပတ်သက်လို့ ဘယ်အတိုင်းအတာအထိ ပတ်သက် နေသလဲဆိုတာတွေကို အမေရိကန် ခေါင်းဆောင်တွေက စဉ်းစား ဆုံးဖြတ်သင့် တယ်လို့ အကြံပြုထားပါတယ်။
DVB Burmese