ချစ်သူများနေ့တွင် အမျိုးသမီးများ အတူတွေ့ချင်ဆုံး အမျိုးသားအဖြစ် ဒေးဗစ်ဘက်ခမ်း သတ်မှတ်ခံရ

ပို့စ်တင်ချိန် - 2/13/2014 07:05:00 PM



လန်ဒန်၊ ဖေဖော်ဝါရီ ၁၂

ကမ္ဘာကျော် ဘောလုံးသမားဟောင်း ဒေးဗစ်ဘက်ခမ်းဟာ ဟောလိဝုဒ်ရဲ့ နာမည်ကျော် အမျိုးသား သရုပ်ဆောင်တွေကို ကျော်ဖြတ်ပြီး ချစ်သူများနေ့မှာ အမျိုးသမီးတွေ ချိန်းအတွေ့ချင်ဆုံး အမျိုးသားအဖြစ် သတ်မှတ်ခံခဲ့ရတယ်လို့ contactmusic.com မှာ ဖော်ပြထားပါတယ်။

ဗယ်လင်တိုင်းနေ့ (ချစ်သူများနေ့) မှာ တစ်နေကုန် အတူလျှောက်လည်ပြီး ညစာ အတူစားဖို့အတွက် နာမည်ကျော် အမျိုးသားတွေထဲက ဘယ်သူ့ကို ရွေးချယ်ချင်လဲဆိုပြီး အရွယ်ရောက်ပြီးသား ဗြိတိသျှ အမျိုးသမီးတွေကို ဆန္ဒမဲ ပေးစေခဲ့ရာမှာ ဒေးဗစ်ဘက်ခမ်းက ဆန္ဒမဲ ၁၈ ရာခိုင်နှုန်းရရှိပြီး ဗြိတိသျှ အမျိုးသမီးတွေရဲ့ အိပ်မက်ထဲက ချစ်သူအဖြစ် သတ်မှတ်ခံခဲ့ရတာ ဖြစ်ပါတယ်။

ဒေးဗစ်ဘက်ခမ်းရဲ့ နောက်မှာတော့ ဟောလိဝုဒ် သရုပ်ဆောင်တွေ ဖြစ်ကြတဲ့ ဘရက်ဒလေကူးပါးက ဆန္ဒမဲ ၁၄ ရာခိုင်နှုန်းနဲ့ ဒုတိယ၊ ရိုင်ယန်ဂိုးစလင်းက ဆန္ဒမဲ ၁၃ ရာခိုင်နှုန်းနဲ့ တတိယနေရာတို့မှာ အသီးသီး ရပ်တည်နိုင်ခဲ့ကြပါတယ်။

ဗြိတိသျှ အမျိုးသားတွေ ဗယ်လင်တိုင်းနေ့မှာ ချိန်းအတွေ့ချင်ဆုံး အမျိုးသမီးဘွဲ့ကိုတော့ ရုပ်သံ အစီအစဉ် တင်ဆက်သူ ဟိုလီဝီလော့ဘီက နာမည်ကျော် အမျိုးသမီး သရုပ်ဆောင်တွေဖြစ်တဲ့ မီဂန်ဖောက်စ်၊ ကယ်လီဘရွတ်ခ်နဲ့ ဂျနီဖာ လောရင့်စ်တို့ကို ကျော်ဖြတ်ပြီး ဆွတ်ခူး သွားခဲ့ပါတယ်။

နှစ်စဉ် ဖေဖော်ဝါရီလ ၁၄ ရက်နေ့မှာ ကျရောက်လေ့ရှိတဲ့ ဗယ်လင်တိုင်းနေ့အတွက် ဗြိတိသျှ အမျိုးသား၊ အမျိုးသမီးတွေရဲ့ အိပ်မက်ထဲက ချစ်သူကို သိရှိနိုင်ဖို့ ကောက်ယူခဲ့တဲ့ အဆိုပါ စစ်တမ်းကို OnePoll လို့ အမည်ရတဲ့ ဈေးကွက် သုတေသန ကုမ္ပဏီက ကောက်ယူခဲ့တာ ဖြစ်ပါတယ်။
The Voice Weekly