ပြည်ထောင်စု ခေါင်းဆောင် ဗိုလ်ချုပ်ရဲ့ ပဋိသန္ဓေနှစ် ၁ဝဝပြည့် မွေးနေ့

ပို့စ်တင်ချိန် - 2/13/2014 03:20:00 PM


ကျွန်တော် မြင်တွေ့မိတဲ့ သမိုင်းဝင် ဓာတ်ပုံတစ်ပုံရဲ့ ခေါ်ဆောင်ရာ နောက် အတွေးလေး လိုက်ပါ သွားမိခဲ့ပြီး ”တပည့်ပုံကို ဂုဏ်ယူ ချိတ်ဆွဲထားတဲ့ ဆရာနဲ့ ဆရာ ကတောင် အလေး ထားရ တဲ့တပည့်။ အဲ့ဒီ တစ်ခေတ်တည်း မှာ ပေါ်ခဲ့တာ တစ်ခါဆို ဆိုသလောက်ပါ ပဲ”လို့ ရေရွတ်မိ လိုက်ပါတယ်။

အဲ့ဒီခေတ် ဆိုတာက မြန်မာ့ လွတ်လပ်ရေး ကြိုးပမ်းမှု ကာလကို ရည်ညွှန်း ခြင်းပါပဲ။ မြန်မာ့ လွတ်လပ်ရေးဟာ ၁၈၂၄ခုနှစ်မှာ ပထမ အင်္ဂလိပ် -မြန်မာ စစ်ပွဲအပြီးရန္တပို စာချုပ် အရ အာသံနယ်၊ ရခိုင်နယ်၊ တနင်္သာရီနယ် တို့ကိုစတင် ဆုံးရှုံးခဲ့ရပါတယ်။ ၁၈၅၂ ခုနှစ်မှာ ဒုတိယ အင်္ဂလိပ်-မြန်မာ စစ်ပွဲ စစ်ရှုံး ကာ မြန်မာနိုင်ငံ အောက်ပိုင်း တစ်ခြမ်း လုံးကို ထပ်မံ ဆုံးရှုံးခဲ့ရပြီး နိုင်ငံရဲ့ သုံး ပုံနှစ်ပုံမက လွတ်လပ်ရေး ဆုံးရှုံးရလို့ သူ့ကျွန်ဘဝကို မြန်မာ့မြေက ညီနောင် ဖွား တိုင်းရင်းသားတွေ ရှေ့ဆင့်နောက် ဆင့် ရောက်ခဲ့ ကြရရှာပါတယ်။ အထက် မြန်မာပြည်လို့ဆိုတဲ့ မြန်မာမင်း ပိုင်နက် နယ်မြေ ကွက်ကွက်လေး ဟာလည်း ၁၈၈၅ ခုနှစ်မှာ တတိယ အင်္ဂလိပ် -မြန်မာ စစ်ပွဲကို မည် ကာမတ္တ တိုက်ခိုက် ရုံမျှနဲ့ အရှုံးပေးလက်နက် ချကာ ကိုယ့် ထီးကိုယ့်နန်း ကိုယ့်အရှင်သခင် ဘုရင်နဲ့ တကွ နောက်ဆုံး လက်ကျန်နိုင်ငံပိုင် နက် အကုန်လုံး ကို ပုံ အပ်ပေးလိုက်ရ ပြန်ပါတယ်။ လွတ်လပ်ရေး နဲ့အတူ ပေးအပ်လိုက်ရတဲ့ နယ်မြေနဲ့ နိုင်ငံ တစ်ဝန်းက သယံဇာတတွေ သာမက ပါတော်မူ လို့ဆိုကြတဲ့ နိုင်ငံအားကိုး အားထား ရာ အရှင်သခင် ဘုရင်မင်း မြတ်နဲ့ မိသားစုကို လက်ရ ဖမ်းဆီး ခေါ် ဆောင် ယူသွားပုံကို ကလေး အရွယ်နဲ့ မြင်တွေ့လိုက် ရတဲ့ ခံစားမှုကနေ နိုင်ငံ့ လွတ်လပ်ရေး ကို ပြန်လည် အရယူ လိုခဲ့သူ၊ ကိုယ့်မြေကိုယ့် နန်းကိုယ့်ကြ ငှန်းမှာ ကိုယ့် လူမျိုးခေါင်းဆောင်ကို ပြန်လည် တင်မြှောက်လိုသူ တစ်ဦးက တော့ ဖော်ပြပါ သမိုင်းဝင် ဓာတ်ပုံမှာ ပါရှိတဲ့ ပုဂ္ဂိုလ်ပဲ ဖြစ်တယ်ဆိုတာ မြန်မာ့ သမိုင်းမှာ အထင်ကရ ရေးထိုး မှတ် တမ်းတင် ခဲ့ပြီးလည်း ဖြစ်ပါတယ်။

ထို ပုဂ္ဂိုလ်ကြီးကို မြန်မာတစ်မျိုး သားလုံးက ကြည်ညို လေးစားကာ ဆရာ ကြီး သခင် ကိုယ်တော်မှိုင်း လို့ ခေါ်ဆိုကြတဲ့ နည်းတူ အဆိုပါ ပုံပါ အိမ်နံရံ ထက် မှာ တမြတ် တနိုး ချိတ်ဆွဲ ထားတဲ့ ဓာတ်ပုံ က ပုဂ္ဂိုလ် ကိုလည်း မြန်မာ တစ်မျိုးသား လုံးက ကြည်ညို လေးစားကာ မြန်မာ့ လွတ်လပ်ရေး ဖခင် ဗိုလ်ချုပ် ဦးအောင် ဆန်း လို့ခေါ် ဆိုပါ တယ်။ လွတ်လပ် ရေးဖခင်၊ လွတ်လပ်ရေး ဗိသုကာလို့ ညွှန်းဆိုလောက်တဲ့ စွမ်းဆောင်ချက် တွေကို မြန်မာနိုင်ငံ တစ်ဝန်းက တိုင်း ရင်းသား အားလုံးက တစိုက်မတ် မတ်ပြောဆို ဂုဏ်ပြုသလို နိုင်ငံတစ် ဝန်း က ကြည်ညို လေးစား ချစ်ခင်သူ တိုင်းက အခုဖော်ပြပါ သမိုင်းဝင် ဓာတ်ပုံ မှ ဗိုလ်ချုပ် ဦးအောင်ဆန်း ဓာတ်ပုံ ကို အိမ်တွေ ရုံးတွေ မှာ တလေးတစား ဂုဏ်ပြု ချိတ်ဆွဲ ထားကြရ ပါတယ်။ ဗိုလ်ချုပ် ဦးအောင်ဆန်းပုံ ကို ချိတ်ဆွဲထားခဲ့ သူမှာ ဆရာကြီးသခင် ကိုယ်တော်မှိုင်း ကိုယ်တိုင် ဖြစ်နိုင်သလို အိမ်သားတွေ က ချိတ်ဆွဲထားခြင်း လည်း ဖြစ်နိုင်ပါတယ်။ ဘယ်လိုပင် ဖြစ် ဖြစ် ဆရာကြီး သခင် ကိုယ်တော်မှိုင်း နေထိုင်ရာ အိမ်ဦးခန်းမှာ ဆရာကြီး ခွင့် မပြုဘဲ ဗိုလ်ချုပ် ဦးအောင်ဆန်း ဓာတ်ပုံ ရှိနေနိုင်မှာ မဟုတ်တာ သေချာတယ် မဟုတ်ပါလား။

ဗိုလ်ချုပ်အောင်ဆန်း ဟာ ဆရာ ကြီး သခင် ကိုယ်တော်မှိုင်း ရဲ့ တပည့် တစ်ဦး သာဖြစ်လို့  တပည့်ပုံကို တလေး တစားထား ရှိခွင့်ပြုသူ ဆရာသမားမျိုး ရဲ့ စိတ်ဓာတ် ကို မှန်းဆ မိတဲ့အခါမှာ တပ်မတော် ရဲ့  ဖခင် ကျေးဇူးရှင်ပုံ ကိုမှေး မှိန်စေလိုခဲ့သူ တို့ ခေတ် ကာလ နဲ့ အဲ့ဒီ သူတို့ စိတ်ဓာတ် ကိုလည်း သုံးသပ်မိခဲ့ပါ သေးတယ်။ ဒီနေရာ မှာတော့ ဘယ် သူမပြု မိမိမှု ဆိုသလို အခြား သူတို့ စိတ် ဓာတ်တွေကို ကျွန်တော် တို့ အာရုံပြု မနေလိုတော့ပါ။ လေးစားဖွယ် စိတ် ဓာတ် ရှိတဲ့ ဆရာကြီး သခင် ကိုယ်တော် မှိုင်းရဲ့ စိတ်ထား နဲ့ သဘာဝကို တွေးဆ ရင်း ဆရာကြီးနဲ့ ဆုံတွေ့ခဲ့ဖူးတဲ့ ဆရာ နန်းညွန့်ဆွေ ရဲ့ စာတစ်ပုဒ် ကိုတော့ မှတ်မှတ်ရရ ဖော်ညွှန်းလိုပါတယ်။

သခင် ကိုယ်တော်မှိုင်း ရာပြည့် (၁၂၃၇- ၁၃၃၇)မှာ ဆရာနန်းညွန့်ဆွေ က’နှစ်တကယ်မစေ့ဘဲ ရှစ်ဆယ် ပြည့်တုန်းက’ လို့ ခေါင်းစဉ်နဲ့ ရေးခဲ့ တာဖြစ်ပြီး ဆရာကြီး သခင် ကိုယ်တော် မှိုင်း အသက်(၈ဝ)ပြည့် မွေးနေ့ပွဲကို စာ ပေသမား လူငယ် တစ်ဦး အနေနဲ့ ပါဝင် ဆောင်ရွက် ခွင့်ရတဲ့ ဆရာ နန်းညွန့် ဆွေက ဆရာကြီး အသက်ကို (၇၉) လို့ သာ သိထား သူဖြစ်တာမို့ စိတ်ထဲရှင်း အောင် ဆရာကြီး သခင် ကိုယ်တော်မှိုင်း ကို မေးမြန်းကြည့်ရာ ဆရာကြီးက ”အိမ်း ဟုတ်သကွယ်၊ ဆရာ့ ကို မွေးဖွားခဲ့တာ (၇၉) နှစ် ရှိပြီ။ နို့ပေမဲ့ အသက် ကတော့ (၈ဝ) ရှိပြီ ဆိုရမှာပဲ” ဟုဆိုကြောင်းနဲ့  အတူ” လူဖြစ်လာတာက မမွေး ဖွားခင် အမေ့ ဝမ်းထဲမှာ ကတည်းက စပြီး လူဖြစ် ခဲ့တာပဲကွဲ့။ အဲ့ ဒါကြောင့် အသက်ကို တွက်ရင် တစ်နှစ်ပို တွက်ယူ ရတယ်။ တို့ ဘုရား ကိုယ်တော်မြတ်ကြီး ကတော့ အသက်(၁၉)နှစ် ပြည့်ရင် ပဋိ သန္ဓေရက် ကိုပါ ထည့်တွက်ပြီး အသက် (၂ဝ) လို့ ယူနိုင်တယ်၊ ပဉ္ဇင်းခံ ခွင့်ပြုတယ်ကွဲ့ ”လို့ ရှင်းပြကြောင်း ရေးသားခဲ့တဲ့ အတွက် ဆရာ နန်းညွန့်ဆွေရဲ့  ဆရာကြီး သခင် ကိုယ်တော်မှိုင်း အသက် (၈ဝ)ပြည့် က ကြုံဆုံခဲ့မှု အမှတ်တရ နဲ့ ဆရာကြီး သခင်ကိုယ်တော် မှိုင်းရာပြည့် ကာလ အမှတ်တရ ဆောင်းပါးပါ အချက်ဟာ ဒီကနေ့ ဆရာကြီး သခင်ကိုယ်တော် မှိုင်း ရဲ့ ချစ်ခင် လေးစားရတဲ့ တပည့်ကျော်၊ ကျွန်တော်တို့ မြန်မာ တစ်မျိုးသားလုံး ချစ်ခင်လေးစားရတဲ့ အသည်းကျော် ဗိုလ်ချုပ်အောင်ဆန်း ရဲ့ (၉၉)နှစ် မြောက်မွေးနေ့ အမှတ် တရမှာ တကယ့် ကို အလေး ဂရုပြုစရာ အဖြစ် ကျွန် တော် တွေးဆ မှတ်တမ်း တင်ချင်မိရ ခြင်းပါ။

၁၉၁၅ ခုနှစ်၊ ဖေဖေါ်ဝါရီ ၁၃ မှာ မွေးဖွားလို့  လာမယ့် ရှေ့နှစ် ၂ဝ၁၅ နှစ် ဖေဖော်ဝါရီ ၁၃ မှာ နှစ်တစ်ရာပြည့် မြောက်တော့မယ့် ဗိုလ်ချုပ် မွေးနေ့ ရာပြည့်ကို ကျွန်တော် တို့ မြန်မာတစ်မျိုး သားလုံး အထူး ရင်ခုန်စွာ ရှိနေတာ လွန်စွာ ကြည်နူးစရာ ဂုဏ် အင်္ဂါတစ် ရပ်ဖြစ်လို့ ဝမ်းမြောက်ရပါတယ်။ ဒီဝမ်း မြောက်မှု နဲ့အတူ ရာပြည့် အကြို ရင်ခုန် ရတဲ့ ဒီကနေ့ ၂ဝ၁၄ ခုနှစ် ဖေဖော်ဝါ ရီ ၁၃ ရက်နေ့ မှာ ကျရောက်တဲ့ ဗိုလ် ချုပ်မွေးနေ့ မှာလည်း အနှစ်သာရ ပြည့်ဝ စွာ ကျင်းပနိုင်ခဲ့သင့် တယ်လို့ တွေး ဆ မျှော်လင့် ဆန္ဒရှိမိပါတယ်။

ဗိုလ်ချုပ်ရဲ့ ဆရာဖြစ်သူ ဆရာကြီး သခင် ကိုယ်တော်မှိုင်းရဲ့ အယူအဆ အရ ဆိုအခုနှစ်ဟာ ဗိုလ်ချုပ်ရဲ့ ရာပြည့်မွေး နေ့ အခါသမယ ဖြစ်နေနိုင်တယ် မဟုတ်ပါ လား။ သေချာ တာကတော့ အခု ၂ဝ၁၄ ဖေဖော်ဝါရီ ၁၃ ဟာ လွတ်လပ်ရေး ဖခင် ဗိုလ်ချုပ်ရဲ့ ပဋိသန္ဓေ နှစ် ၁ဝဝ ပြည့် မွေးနေ့ ဆိုတာပါ။

ကိုမျိုး(မြန်မာစာ)

Popular Myanmar News Journal