လွတ်လပ်စွာတရားစီရင်ရေးကို အနှောက်အယှက်ပြုကြသူများ
ပို့စ်တင်ချိန်
-
2/07/2014 08:27:00 AM
မြန်မာနိုင်ငံ၊ မြို့နယ်အသီးသီးတွင် ဖွင့်လှစ်လျက်ရှိသော မြန်မာနိုင်ငံရဲတပ်ဖွဲ့၊ ရဲစခန်းများသည် မိမိတို့ရဲစခန်းလုပ်ငန်း ဆောင်တာ များကို အသီးသီးလုပ်ကိုင်ရာတွင် မြို့နယ်ဒေသခံများထဲမှ တစ်ဦးသို့မဟုတ် သုံးလေးဦးခန့်မှ ရဲစခန်း၏ လုပ်ငန်းများကို မျက်စေ့ဒေါက်ထောက်ကြည့်၍ အမျိုးမျိုးပြဿနာရှာလေ့/ တိုင်ကြားလေ့ ရှိကြ ပါသည်။
နိုင်ငံတော်အကြီးအကဲ သမ္မတကြီးမှ အစ အထက်ဌာနအသီးသီးဆီသို့ တိုင်စာတစ်မျိုး၊ ပစ်စာတစ်ဖုံ၊ ဖုန်းနှင့်တစ်သွယ် တိုင်ကြားလေ့ရှိပါသည်။ ထိုသို့ပြုလုပ်လေ့ရှိကြသည်မှာလည်း နစ်နာသူကိုယ်တိုင်မဟုတ်ဘဲ တစ်ဦးတစ်ယောက်မှနေ၍ ဒိုင်ခံတိုင်လေ့ရှိကြပါသည်။ အစောပိုင်းတွင်တော့ မှန်မှန်ကန်ကန်တိုင်ကြား သည်လည်း ရှိခဲ့သော်လည်း နောက်ပိုင်းတွင် အထက်လူကြီးများမှ တိုင်ကြားခံရသူ ရဲတပ်ဖွဲ့ဝင်များအား အမျိုးမျိုးအရေးယူလျက်ရှိသဖြင့် နောက်ပိုင်းတွင်တော့ မှန်မှန်မမှန်မှန် ၎င်းတို့နှင့် ဆက်ဆံရေး အဆင်မပြေသော ရဲတပ်ဖွဲ့ဝင်များအား တိုင်ကြားကြပါသည်။ တိုင်ကြားခံရသူရဲတပ်ဖွဲ့ဝင်ကား တိုင်ကြားချက် မှန်မှန် မမှန်မှန် ရဲစည်းကမ်းထိန်းသိမ်းရေးဥပဒေများဖြင့် အရေးယူခံရပါသည်။ အတိုင်ခံရလျင်ပင် အထက်လူကြီးများမှ စုံစမ်းစစ်ဆေးခြင်းမပြုတော့ပဲ တိုင်ကြားခံရသူရဲတပ်ဖွဲ့ဝင်များအား အရေးယူပါ တော့သည်။ စုံစမ်းစစ်ဆေးစေသော်လည်း စစ်ဆေးသူရဲတပ်ဖွဲ့ဝင်များမှ ၎င်းတို့ဘက်ပြန်ပတ်မည်စိုးသဖြင့် တိုင်ကြားခံရသူအား တိုင်ကြားချက်မှားသော်လည်း မှန်သယောင်ပြုကာ အရေးယူရန် မှတ်ချက်ပြု တင်ပြကြပါသည်။
သို့အတွက်ကြောင့် တိုင်ကြားသူအရပ်သားမှာ ရဲတပ်ဖွဲ့ဝင်များထက်ပင် အရေးပါအရာရောက်အာဏာ ရှိနေသည့်အပြင် ရဲတပ်ဖွဲ့ဝင်များမှ ၎င်းအရပ်သားအား မိမိအထက်လူကြီးတစ်ဦးပမာ ရိုသေစွာ ဆက်ဆံရလေ့ရှိပါသည်။ အဆိုပါ အရပ်သားစိတ်မညိုညင်အောင် နေကြရပါသည်။ အနှီအရပ်သားကလည်း အရပ်ထဲတွင် ၎င်းကို ရဲများမှ ကြောက်နေရကြောင်း၊ ၎င်းလုပ်သဖြင့် ရဲဘယ်နှစ်ယောက် ပြုတ်သွားပြီ၊ ထောင်ကျသွားပြီစဖြင့် ၀ါကြွားလေ့ရှိပါသည်။ အချို့ဆိုလျှင် တိုင်ကြားလေ့ရှိသူအရပ်သားများအား မတိုင်စေရန် လိုင်းကြေးသဘောမျိုးပင် ပေးနေရလေ့ရှိပါသည်။
ယနေ့မြန်မာနိုင်ငံရဲတပ်ဖွဲ့၊ ရဲစခန်းများသည် လောင်းကစားသမားဒိုင်စသော ဒုစရိုက်သမားများနှင့် ကင်းကင်း ရှင်းရှင်းနေသော စခန်း တစ်ခုမှ မရှိပါ။ ငြင်းချက်ထုတ်ပါက အဆိုပါစခန်း ဘယ်ပိုက်ဆံနဲ့ အလုပ်လုပ် သလည်းဟု မေးရုံသာရှိသည်။ မြန်မာနိုင်ငံရဲတပ်ဖွဲ့မှ ထုတ်ပေးခြင်းမရှိသော ရဲစခန်းလုပ်ငန်းသုံးငွေများသည် မည်သည့်နေရာများမှ လာသနည်း။ ရှင်းပါသည်။ ဒုစရိုက်လုပ်ငန်းအမျိုးမျိုးမှ စီးဆင်းလာသော ငွေကြေးများသည် မြန်မာနိုင်ငံရဲတပ်ဖွဲ့တစ်ခုလုံးတွင်ပျံ့နှံ့နေပါသည်။ ပြည်ထဲရေးဝန်ကြီး၊ ရဲချုပ်၊ တိုင်း/ပြည်နယ်ရဲတပ်ဖွဲ့မှူး တို့သည် လာဘ်လာဘ မယူစေရန်၊ ဒုစရိုက်သမားများနှင့် ကင်းကင်းရှင်းရှင်းနေရန် စာအမျိုးမျိုး ထုတ်ဆင့်ညွှန်ကြားလေ့ရှိသော်လည်း အနယ်နယ်အရပ်ရပ် စခန်းအသီးသီးမှ ၎င်းတို့အိမ်သို့ ပေးပို့လာသော ဂါရ၀အမည်ခံ လက်ဆောင်အမျိုးမျိုးကို ငြင်းပယ်လိုက်သည် ဟူသော ဖြစ်ရပ်မျိုး တစ်စွန်းတစ်စ ပင်မကြားမိခဲ့ဖူးပါ။ ရဲစခန်းများ စစ်ဆေးရာတွင်လည်း ရဲစခန်းသာယာလှပရေး သုံးစွဲရသော ငွေကြေး၊ ဧည့်ခံစရိတ်တို့အား ပြန်လည် ထုတ်ပေးခြင်းမျိုးမရှိသည့်အပြင် အဆိုပါစစ်ဆေးသူ အထက်လူကြီးပြန်သွားပါက ဂါရ၀စာအိတ်မပါပါက အနှီစခန်းမှူးအိပ်ယာလိပ်ပြင် ရမည်ဖြစ်ပေသည်။ ထိုကဲ့သို့သော ရဲစခန်းကုန်ကျစရိတ် အမျိုးမျိုးကို မြန်မာနိုင်ငံရဲတပ်ဖွဲ့မှ ထုတ်မပေးသဖြင့် ရဲစခန်းအသီးသီးသည် ဒုစရိုက်သမားများနှင့် မချစ်သော် လည်း အောင့်ကာနမ်းနေရကာ လောင်းကစားလောကကြီး အဓွန့်ရှည်နေစေပါသည်။ ဆီကိုင်သောသူ ဆီပေ၏ ဆိုသောစကားလို ဒုစရိုက်သမားများထံမှ ရရှိငွေများမှာ ရဲစခန်းကုန်ကျစရိတ်ထက်ပင် အများကြီးပိုပါသည်။ ပိုငွေသည်ကား အိမ်သူသက်ထားဇနီးမယားနှင့် အထက်မြို့နယ်မှူး၊ ခရိုင်မှူး၊ တိုင်းတပ်ဖွဲ့မှူး၊ ရဲချုပ်၊ ၀န်ကြီးအဆင့်အဆင့်အတွက် ဂါရ၀ကြေးပင်ဖြစ်ပေသည်။
ယင်းကဲ့သို့သော ဒုစရိုက်သမားများနှင့် ပေါင်းသင်းနေကြသော ရဲတပ်ဖွဲ့ဝင်များ၏ အားနည်းချက်ကို သိရှိနေသော အရပ်သားများမှ ၎င်းတို့နှင့် အဆင်မပြေသော ရဲတပ်ဖွဲ့ဝင်များအား ဟုတ်ဟုတ် မဟုတ်ဟုတ်တိုင်ကြားလေ့ရှိပါသည်။ ရဲလုပ်ထုံးလုပ်နည်းနှင့်အညီ ဆောင်ရွက်ခဲ့သော်လည်း တိုင်ကြားခံရပါက အဆိုပါရဲတပ်ဖွဲ့ဝင်အား စစ်ဆေးအရေးယူပါတော့သည်။ အတိုင်ခံရသည်ကပင် အပြစ်တစ်ခုဖြစ်နေပါသည်။ မဟုတ်မမှန်လီဆည်တိုင်ကြားသော အရပ်သားအား အရေးယူခြင်းမပြုဘဲ တိုင်ကြားခံ ရဲတပ်ဖွဲ့ဝင်များအား အရေးယူသည်မှာ ယနေ့ခေတ်စားနေသော ဒီမိုကရေစီ လူ့အခွင့်အရေးကို အင်မတန်ချိုးဖောက်ခံနေရခြင်း ဖြစ်ပါသည်။
မိမိတို့အနေအစားပျက်မည်စိုးသဖြင့် တိုင်ကြားလေ့ရှိသူအရပ်သားအား အလိုက်အထိုက်ဆက်ဆံ နေရသော ရဲတပ်ဖွဲ့ဝင်များကား မိမိတို့အထက်လူကြီးလည်းကြောက်ရ၊ အရပ်သားလည်းကြောက်ရနှင့် ကျီးလန့်စာစားနေရသော ဘ၀ကို ကြုံတွေ့နေရပါသည်။
ဆန္ဒာဂတိ၊ ဒေါသဂတိ၊ ဘယာဂတိ၊ မောဟဂတိ ဟူသော အဂတိတရားလေးပါးကို လွတ်လပ်စွာ တရားစီရင်ရေးအတွက်သာမက တရားဥပဒေစိုးမိုးရေးအတွက် ကင်းရှင်းသင့်ပါသည်။ သို့သော်လည်း ဟုတ်ဟုတ်မဟုတ်ဟုတ် တိုင်ကြားလေ့ရှိသော သူများနှင့် မှန်မှန် မမှန်မှန် မင်းသာခံဟု သတ်မှတ်သော အထက်လူကြီးများကြောင့် ရဲတပ်ဖွဲ့ဝင်အများစုမှာ ဘယာဂတိဟူသော အဂတိတရားကို ချိုးဖောက်နေရလေတော့သည်။
BY THIT HTOO LWIN
