ဆေးလောက၏ စိန်ခေါ်သံ
ပို့စ်တင်ချိန်
-
2/20/2014 07:09:00 PM
(Written by: နန္ဒဝင်း (ဆေး - ၁))
အမှန်တော့ ကျွန်တော်ဒီစာကိုရေးဖို့ အတော့်ကို စဉ်းစားခဲ့ပါတယ်။ နောက်ဆုံးဆန္ဒ ဒေါသဘယာ မောဟကင်းအောင် အတတ်နိုင်ဆုံး ဆင်ခြင်ပြီး တွေးမိတဲ့အတွေးကို တင်ပြလိုက်ရပါတယ်။ ယခုနောက်ပိုင်း ကာလတွေမှာ မြန်မာပြည်အနှံ့ နေရာတော်တော်များများမှာ အခမဲ့ဆေးကုသခြင်း ဆိုတာတွေက ကျယ်ကျယ်ပြန့်ပြန့်ကို တွေ့လာရပါတယ်။ လက်ရှိအာဏာရနေတဲ့ အဖွဲ့က စီစဉ်မှု၊ အတိုက်အခံတွေက စီစဉ်မှုစတဲ့ နိုင်ငံရေးအရောင်ခံ လှုပ်ရှားမှုတွေရှိသလို ပရဟိတစင်စစ် ဆောင်ရွက်နေတဲ့ အဖွဲ့တွေလည်း ရှိကြပါတယ်။ အဓိက ၀န်ဆောင်မှုပေးနေတဲ့ ဆေးဘက်ဆိုင်ရာ ကျွမ်းကျင်ဝန်ထမ်း ဆရာဝန်တွေကို ကြည့်မိလိုက်တဲ့ အခါမှာလည်း အစိုးရအလုပ်ကို လုပ်ကိုင်ခြင်းမရှိဖူးတဲ့ သို့မဟုတ် အလုပ်က အနားယူသွားတဲ့ ဆရာဝန်ကြီးတွေနှင့် အစိုးရအလုပ်ကို မ၀င်တဲ့ သို့မဟုတ် မ၀င်ရသေးတဲ့ ဆရာဝန်လေးတွေ ဆိုပြီးတော့ အဓိကနှစ်မျိုးနှစ်စား သွားတွေ့ပြန်ပါတယ်။ လိုအပ်နေတဲ့ ပြည်သူတွေအတွက် အကျိုးရှိတာမို့ ဘယ်လိုအရောင်အသွေးပင်ရှိရှိ ခုလိုမျိုး ဆောင်ရွက်ချက်ကလေးတွေကို ကြိုဆိုပါတယ်။
ဒါပေမဲ့ နေရာတော်တော်များများမှာ တာဝန်ယူနေရတဲ့ အစိုးရ၀န်ထမ်း ဆရာဝန်တွေနှင့် ပရဟိတ အဖွဲ့အစည်းတွေရဲ့ ပွတ်တိုက်မှုတွေကလည်း ကျယ်ကျယ်လောင်လောင်ကို ကြားလာရပါတော့တယ်။ အများစုသော တာဝန်ရှိဆရာဝန်တွေဟာ လက်ရှိအာဏာရ အဖွဲ့အစည်းတွေက ဆောင်ရွက်တဲ့ ပရဟိတ ဆေးကုသမှု လုပ်ငန်းတွေကို ပွဲလှရုံသက်သက် (for show) လို့ ထင်တတ်ကြပါတယ်။ အတိုက်အခံ အဖွဲ့အစည်းတွေကလုပ်တဲ့ ပရဟိတဆေးကုသမှု လုပ်ငန်းတွေကျပြန်တော့ တစ်ခေတ်က ပုံသွင်းခံခဲ့ရတဲ့အတိုင်း မရောင်ရာဆီလူး ထိုးနှက်မှုတွေလို့ ထင်တတ်ကြပါတယ်။ ပရဟိတသက်သက် လာပြန်တော့လည်း နောက်ကနေ ဘာအရောင်တွေ လိုက်လာမလဲလို့ မယုံရဲကြပြန်ဘူး။ ဒါဟာ ခွင့်ပြုချက်တွေပေးရမယ့် တာဝန်ရှိ အစိုးရ၀န်ထမ်း ဆရာဝန်တွေဘက်က ခံစားချက်ပါ။
ပရဟိတလုပ်ကြတဲ့ ဆရာဝန်တွေဘက်က ခံစားချက်ကျပြန်တော့ အဲဒီသွားလုပ်တဲ့ နယ်ကဆရာဝန်တွေဟာ အသပြာဆရာဝန်တွေဖြစ်တယ်။ ကိုယ်ရရှိတဲ့ ရာထူးနေရာလေးကို အသုံးချနေကြသူတွေဖြစ်တယ်။ သူတို့ ပြည်သူအတွက် အလုပ်မလုပ်လို့ ငါတို့လာလုပ်ပေးရတယ်လို့ အနည်းနှင့်အများ ထင်တတ်ကြပါတယ်။ ကြားဖူးတဲ့ အဖြစ်အပျက်ကလေး တစ်ခုကို ပြန်လည်တင်ပြရရင် အငြိမ်းစားဆရာဝန်ကြီး တစ်ဦးဟာ နယ်တစ်ခုမှာ ကုသပေးအပြီး ဘေးက၀ိုင်းကူနေတဲ့ တာဝန်ကျ ဆရာဝန်လေးကိုတောင် အားမနာနိုင်ဘဲ “ခုခေတ်က ဆိုးလာတယ်ဗျ။ ဆရာဝန်တွေက ကျင့်ဝတ်နှင့် မညီတော့ဘူး။ ငွေမှငွေဆိုပြီး ငမ်းငမ်းတက်ဖြစ်နေကြတာပဲ။ ဒါ့ကြောင့် ကျုပ်တို့ပင်စင်စားတွေက မနားနိုင်တဲ့ အခမဲ့တွေ လိုက်ကုပေးနေတာ” လို့ မဏ္ဍပ်တိုင် တက်ပြလိုက်ပါတယ်။ ခံပြင်းသွားတဲ့ ဘေးကကူနေတဲ့ အစိုးရဆရာဝန်လေးက “ဆရာကြီးရယ် ဆရာကြီးတို့ခေတ်ကလည်း လူနာတွေကန်တော့တဲ့ ပါတိတ်တွေ စာအိတ်တွေနဲ့ အဆင်ပြေခဲ့တာပဲ မဟုတ်လား။ ဆရာကြီးသားသမီးတွေအားလုံး နိုင်ငံခြားပို့ထားရတဲ့အထိ အစိုးရလစာလေးနဲ့ လောက်လို့လား အရင်တုန်းက ငွေမှငွေ ငမ်းငမ်းတက် အလုပ်လုပ်ခဲ့ပြီ နေ၀င်ချိန်ကျမှ ခုလိုအခမဲ့လိုက်ကုရင်း အာပတ်ဖြေမနေပါနဲ့” လို့ ပြောတဲ့အတွက် အငြင်းတွေပွား တိုင်စာတွေတက် ဆရာကြီးလည်းသွေးတိုး၊ ဆရာလေးလည်း လူဆိုးဖြစ်သွားတယ်လို့ သိလိုက်ရပါတယ်။
အလုပ်ထဲမ၀င်သေးတဲ့ ဆရာဝန်လေးတစ်ဦးက အလှူငွေလေးတွေ လက်ခံ၊ နယ်တွေအစုံလှည့် အခမဲ့ ဆေးကုပေးပါတယ်။ နယ်တစ်နယ်ရောက်သွားတော့ ဆေးကုရုံတင်မက အဲဒီနယ်မှာရှိတဲ့ တာဝန်ကျအစိုးရ ၀န်ထမ်းဆရာဝန်တွေရဲ့ အားနည်းချက်၊ လိုအပ်ချက်တွေကို ဝေဖန်ပါတယ်။ အပြုသဘော ဖြည့်ဆည်းပေးလိုတဲ့ ရည်ရွယ်ချက်လို့ ယူဆပေးလို့ရပေမယ့် လူမှုမီဒီယာတွေထဲမှာ လိုသလိုတွေးနိုင်တဲ့ အရေးအသားမျိုးနှင့် ရေးမိလိုက်တော့ တာဝန်ကျတဲ့ ဆရာဝန်ဆီကို ရိုက်ခတ်မှုတွေ ဖြစ်စေပါတော့တယ်။ နှစ်ဦးရင်းနှီးခဲ့တဲ့ ယခင်က ဆက်ဆံရေးကို ဘယ်လိုမှ ပြန်လည်တည်ဆောက်လို့ မရတော့ပါဘူး။ အသာအယာ တွေ့ဆုံလိုက်ရင် ပြီးသွားမယ့်ကိစ္စကို မလုပ်မိကြတဲ့အတွက် အပ်နှင့်ထွင်းရမှာ ပုဆိန်နှင့်ပေါက်တဲ့ အဆင့်အထိ ရောက်ကုန်ပါတော့တယ်။ တကယ်နစ်နာတာကတော့ ကြားထဲကပြည်သူတွေပါ။
တကယ်တော့ ဘယ်လိုအဖွဲ့အစည်းကဖြစ်ဖြစ် အာဏာရ အဖွဲ့အစည်းတွေကပင်ဖြစ်စေ နယ်မြေတစ်ခုမှာ ဆေးကုသမှု ပြုလုပ်တော့မယ်ဆို ခွင့်ပြုချက်ယူကို ယူရပါတယ်။ ကျွန်တော်တို့က နယ်လှည့်စက်ပြင်မှာ မဟုတ်ပါဘူး။ တန်ဖိုးရှိလှတဲ့ လူ့အသက်တွေကို ကုသပေးမှာပါ။ မှန်ကန်တဲ့ ကုသမှုတွေ ကျင့်ဝတ်နဲ့ညီတဲ့ ကုထုံးတွေကို လိုအပ်ပါတယ်။ လူတွေကို အခမဲ့ဆိုပြီး အစမ်းသပ်ခံတွေအဖြစ် အသုံးချခံတွေအဖြစ် လုံးဝအရောက်မခံစေလိုပါဘူး။ ဒါကြောင့် ဆေးကုသမှု အဖွဲ့တစ်ခု လာတော့မယ်ဆို ကြိုတင်အချိန်ယူပြီး လာကုမယ့် ဆရာဝန်တွေရဲ့ အမည်နာမ ဘွဲ့ထူးကျွမ်းကျင်မှုတွေကို ပူးတွဲတင်ပြကာ ခွင့်ပြုမိန့်တောင်းခံဖို့ လိုကိုလိုအပ်ပါတယ်။ သက်ဆိုင်ရာ ဒေသတာဝန်ခံတွေကတစ်ဆင့် အထက်ကိုတင်ပြပြီး မှန်ကန်မှုအတွက် စိစစ်ခွင့်ပြုပေးရပါတယ်။ မစိစစ်မိခဲ့လို့ ကိုးတန်းတောင်မတတ်တဲ့ ရမ်းကုက ကလေးအထူးကု ခွဲစိတ်ဆရာဝန်ကြီး ဦးမောင်မောင်အဖြစ် အယောင်ဆောင်လာတာကို မြို့နယ်အုပ်ချုပ်ရေးမှူး ဇနီးမောင်နှံနှင့် စည်ပင်အရာရှိ ဇနီးမောင်နှံတို့က အိမ်ဦးခန်းတင် ကျွေးထားကြပါတယ်။ ကျွန်တော်ကိုယ်တိုင် သွားရောက်တွေ့ဆုံပြီး မနည်းနှင်ချရပါတယ်။ ပြည်သူတွေရဲ့ အသက်တင်မက မိဘသဖွယ်ထားရတဲ့ ဆရာကြီးရဲ့ ဂုဏ်သိက္ခာကိုပါ ကာကွယ်နိုင်ခဲ့ပါတယ်။ အမှန်အကန်တစ်ယောက်ကို ခွင့်ပြုမိန့်တင်ခိုင်းတာဟာ မလိုအပ်ဘူးလို့ ယူဆရင် ဖော်ပြခဲ့သလို အတုအယောင်တစ်ယောက်က ကျူးလွန်သွားမှာကိုလည်း ကာကွယ်နိုင်တော့မှာ မဟုတ်ပါဘူး။ နားလည်ပေးကြစေလိုပါတယ်။
တကယ်တမ်းစင်စစ် ပြောရမယ်ဆိုရင် ကျွန်တော်တို့နိုင်ငံမှာ စစ်မှန်တဲ့ ကျန်းမာရေး အာမခံစနစ်တစ်ခု ပေါ်ပေါက်မလာသေးတဲ့အတွက် ဆိုခဲ့သလို နယ်လှည့်ကုပေးနေရတဲ့ အဖွဲ့တွေ ပွတ်တိုက်မှုတွေ ဖြစ်ပေါ်စေတာပါ။ ကျန်းမာရေးအာမခံစနစ်တစ်ခု ပီပီပြင်ပြင် ပေါ်ထွက်လာရင် ဒီလိုကိစ္စတွေ လျော့ပါးလာမှာ အမှန်ပါပဲ။
ကျွန်တော့်ရဲ့ ခံယူချက်ကို တင်ပြရရင် ကျွန်တော်တို့ အစိုးရ၀န်ထမ်း ဆရာဝန်တွေကိုယ်တိုင် အားလပ်ချိန်တွေ စုစည်းစနစ်တကျ ခွဲခြမ်းသတ်မှတ်ပြီး အခမဲ့နယ်လှည့် ကုသမှုလေးတွေ ပရဟိတ လုပ်ငန်းလေးတွေကို ကိုယ်တိုင်သီးသန့်သော် လည်းကောင်း၊ စိစစ်ခွင့်ပြုလိုက်တဲ့ အဖွဲ့တွေနှင့် ပူးပေါင်း၍ လည်းကောင်း လုပ်ကိုင်ပေးလိုက်ရင် ရှဥ့်လည်းလျှောက်သာ ပျားလည်းဆွဲသာ ဖြစ်သွားတော့မှာပါပဲ။ ကျွန်တော် တာဝန်ယူထားတဲ့ မြို့ကလေးမှာဆိုရင် လပြည့်လကွယ်နေ့တိုင်း အခမဲ့ပြင်ပလူနာ ဆေးကုခန်းလေးကို ဖွင့်လှစ်ပေးပါတယ်။ အနယ်နယ်အရပ်ရပ်က အလှူရှင်များရဲ့ ပံ့ပိုးကူညီမှုနှင့် အပတ်စဉ် လူနာနှစ်ရာ ပတ်ဝန်းကျင်ကို ကုသပေးနိုင်ခဲ့ပါတယ်။ မြို့နယ်က စံပြလုပ်ပြလိုက်တဲ့အခါ အောက်ကတိုက်နယ်တွေကလည်း လိုက်လံလုပ်ကိုင် လာကြပါတယ်။ တစ်မြို့နယ်လုံးဆိုရင် တစ်လတစ်လ လူနာထောင်နှင့်ချီ အခမဲ့ ကုပေးနိုင်ခဲ့ပါတယ်။ နောက်ထပ်လည်း အလှူရှင်တွေရှာ မျက်စိအတွင်းတိမ်တွေ အခမဲ့ ခွဲပေးနိုင်ခဲ့တာ တစ်နှစ်တာကာလအတွင်း မျက်လုံးပေါင်း ငါးရာကျော်ခဲ့ပါပြီ။ အလှူရှင်တွေရှာ လည်ပင်းကြီး ဝေဒနာသည်တွေကို ရန်ကုန်အထိပို့ ခွဲစိတ်ကုသလိုရင်ခွဲ ဆေးပေးစရာရှိ ပေးနိုင်ခဲ့ပါတယ်။ နှုတ်ခမ်းကွဲ အာခေါင်ကွဲ လူနာတွေကို ခွဲစိတ်မယ့် နေရာတွေကို အခမဲ့ပို့ ဆောင်ကုသပေးခဲ့ပါတယ်။ စရိတ်ငြိမ်း စားစရာသောက်စရာ သွားစရာ အကုန်စီစဉ်ပေးခဲ့တာပါ။ အကျိုးအမြတ်ကတော့ ပြည်သူက ကျန်းမာရေးဌာနကို ပိုမိုအားကိုးလာတာပါပဲ။ ကျန်းမာရေးဌာနသည်ပင် ပရဟိတဌာန တစ်ခုဖြစ်သည်။ ကျန်းမာရေးဝန်ထမ်း အားလုံးသည်ပင် ပရဟိတလုပ်ငန်း လုပ်ကိုင်နေသူများဖြစ်သည်လို့ အချိန်တိုအတွင်း ပြည်သူတွေက လက်ခံလာတဲ့အခါ ပြည်သူတွေရဲ့အား ပြည်သူတွေကိုယ်နှိုက်ရဲ့ ထိန်းသိမ်းမှုကြောင့် မည်သို့သော ပရဟိတအဖွဲ့တွေ လာလာပွတ်တိုက်မှု နည်းလာပါတော့တယ်။ ကျွန်တော်တို့လည်း ကုသိုလ်လည်းရ ၀မ်းလည်းဝ ပြဿနာလည်း ကင်းလာပါတော့တယ်။
ကျွန်တော်ကျန်းမာရေးနဲ့ နှီးနွှယ်တဲ့ ပရဟိတအလုပ်တွေကို ပိုလုပ်နေပါတယ်။ နောင်လည်းလုပ်ဦးမှာပါ။ မည်သို့သော အရောင်ပင် ဖြစ်စေကာမူ ပြည်သူအတွက် အကျိုးရှိတယ်ဆိုရင် အခမဲ့ နယ်လှည့်ကုသပေးတဲ့ အဖွဲ့တိုင်းကို ဖိတ်ခေါ်ပါတယ်။ မျှော်မှန်းထားတာထက်ပိုအောင် ကူညီပေးမှာပါ။
ဒါပေမဲ့ စည်းမျဉ်းစည်းကမ်း အတိုင်းတော့ လိုက်နာဖို့ လိုအပ်ပါတယ်။ ပရဟိတ (အခမဲ့) ဆိုတာနဲ့ ဥပဒေစည်းကမ်းကို တရားဝင် ချိုးဖောက်ခွင့် မရပါဘူး။ ဘာလို့လဲထပ်မေးရင် ဖြေခွင့်ပြုပါ။ ကျွန်တော်တို့ဟာ အစားမထိုးနိုင်တဲ့ လူသားတွေရဲ့ အသက်နှင့် အလုပ်လုပ်ကိုင်နေကြတဲ့သူတွေ ဖြစ်နေလို့ပါပဲ။ ကျေးဇူးတင်ပါတယ်။
((ဒဂုံမြို့သစ်တောင်ပိုင်းမြို့နယ်တွင် ကာကွယ်ဆေးထိုးနှံပေးနေစဉ်))
EMG
