ပြည်သူ့မျက်ရည်ဘယ်သူတွေခြေဆေးနေသလဲ

ပို့စ်တင်ချိန် - 2/05/2014 11:33:00 AM








(လှည်းကူးမြို့နယ် သမီးကလေးကျေးရွာ အိမ်ခြေ (၄၀၀) ကျော်အား တပ်မြေဟုဆိုကာ ဖျက်စီးဖယ်ရှားခံရခြင်း) ဓါတ်ပုံ - Hot News Journal

ရန်ကုန်တိုင်းဒေသကြီး၊ လှည်း ကူးမြို့နယ်၊စာဘူးတောင်းကျေးရွာ အုပ်စု၊ သမီးကလေးကျေးရွာမှ နေအိမ်များကို ဖေဖော်ဝါရီလ ၄ ရက်နေ့ မနက် ၆ နာရီကျော် တွင် စစ်သင်တန်းကျောင်းနယ်မြေ အပိုင်ဟုဆိုကာ ဘူဒိုဇာစက်ယန်္တရား များဖြင့် အင်အားသုံးဖျက်ဆီးပြီး ဖယ်ရှားခဲ့သဖြင့်အိမ်ခြေ ၄၀၀ ကျော် ပျက်စီးဆုံးရှုံးကာ လူဦးရေ ၁၀၀၀ ခန့်အိမ်ခြေမဲ့ဖြစ်ခဲ့ကြောင်း သိရသည်။

အဆိုပါ ကျေးရွာမှာ ဖောင် ကြီးမှညောင်အင်း၊ ပဲခူးသွားလမ်း ပေါ်တွင်တည်ရှိပြီးသက်ဆိုင်ရာ သစ်တောမြေပုံ၊လ၀ကမြေပုံများ တွင် သမီးကလေးကျေးရွာအမည်  ဖြင့် တရားဝင်ပါရှိသော်လည်း အိမ်ခြေဆောက်လုပ်နေထိုင်ခွင့် မရှိဟု လှည်းကူးမြို့နယ်အုပ်ချုပ် ရေးမှူးဦးအောင်ကိုကဆိုကြောင်း၊ လွန်ခဲ့သည့် ၂လခန့်ကတည်းက ပြောင်းရွှေ့ပေးရန်နှုတ်ဖြင့်အကြိမ် ကြိမ်ပြောဆိုခဲ့ပြီး ဇန်န၀ါရီလ ၂၈ ရက်နေ့က စာဖြင့်အမိန့်ထုတ် ကြေညာခဲ့ကြောင်း၊ စစ်သင်တန်း ကျောင်းနယ်မြေဟု ဆိုသော်လည်း  စစ်သင်တန်းကျောင်းများနှင့် ၃မိုင် ခန့်ဝေးကွာကြောင်းအိမ်ဖျက်ခံရ သူဦးတင်မြင့်ကပြောသည်။

“ကျွန်တော်အသက်ငါးဆယ် ရှိပါပြီ။ဒီနေရာမှာငယ်ငယ်လေးက ထဲကနေလာတာပါ။ကျွန်တော်တို့ ရောက်စအချိန်ကတော့ဝါးတော ကြီးတွေထဲမှာဟိုတစ်စုဒီတစ်စုနေ ခဲ့ကြပြီးရာဘာစိုက် ငရှဥ့်ထောင် မျှစ်ချိုး ထင်းရှာ လုပ်ကိုင်စား သောက်နေထိုင်ခဲ့ကြတာပါ။ အခု တော့ရွာဦးကျောင်းဆရာတော်နဲ့ ရာဘာခြံရှင်ဦးကျော်ကျော်တို့ပံ့ပိုး  ကူညီခဲ့လို့ကိုယ်ထူကိုယ်ထကျောင်း၊ ကျေးရွာဆေးပေးခန်း၊ ဓမ်္မာရုံနဲ့ ရွာပိုင်မီးစက်နဲ့နေနိုင်ခဲ့ပါတယ်။ ဒီလိုလမ်းတွေဖောက်ခြံတွေခတ် ပြီးသပ်သပ်ရပ်ရပ်နဲ့ဖြစ်လာတော့ မှနေစရာအစားလည်းပြန်မပေးဘဲ ဖယ်ရှားခံရတာကတော့ အစိုးရ သိပ်လွန်သွားပြီလို့ထင်ပါတယ်””ဟု ၎င်းကဆိုသည်။

စနစ်တကျတည်ဆောက်နေ ထိုင်ပြီးကာမှ တပ်မြေဟုပြောလာ သဖြင့်တပ်မြေဟုတ်မဟုတ်စစ်ဆေး ပေးပါရန် တပ်မတော်ကာကွယ် ရေးဦးစီးချုပ်ထံ စာတင်ခဲ့ကြောင်း နှင့် တပ်မတော်အရာရှိကြီးတစ်ဦး ကတပ်မြေနှင့်လွတ်ပါတယ် ဟု ပြောခဲ့ကြောင်း၊ ၂၀၁၂ ခုနှစ်က လည်း တောင်သုံးလုံးတပ်ကရော် ဘာပင်များကို မီးရှို့ခဲ့ဖူးသေး ကြောင်း ရာဘာခြံရှင်ကိုကျော်ကျော် ၏ပြောပြချက်အရသိရသည်။

ယင်းအိမ်ခြေဖျက်သိမ်းမှုပြု လုပ်နေစဉ်အတွင်းခရီးသွားကားများ ဖြတ်သန်းခွင့်မပြုဘဲလုံခြုံ/နယ်စပ် ၀န်ကြီးဗိုလ်မှူးကြီးတင်ဝင်း ကိုယ် တိုင်ကြီးကြပ်စီစဉ်ခဲ့ကြောင်း၊ ပြည် သူများဘက်မှကူညီပေးရန်ရောက် ရှိနေသောMDCF အဖွဲ့ခေါင်း ဆောင် ကိုထင်ကျော်ကိုလည်း ၀န်ကြီးက ဟန့်တားလိုသောအမူ အရာဖြင့် ““မင်းဘာလာလုပ်တာလဲ””ဟု မေးခဲ့ကြောင်းကိုထင်ကျော်က ဆိုသည်။

“ဒီနေ့အစိုးရဟာ ပြည်သူ့ ဘ၀လုံခြုံရေးအတွက်စိတ်မချရတဲ့ အစိုးရဖြစ်နေပြီ၊ တစ်ခါလာလဲ တပ်မြေတစ်ခါလာလဲတပ်ပိုင်မြေ ဆိုပြီးသိမ်းလာခဲ့တာဧကပေါင်းသိန်း သောင်းချီနေပြီ၊ ပြည်သူ့မျက်ရည် ဘယ်သူတွေခြေဆေးနေသလဲဆို တာတော့အားလုံးသိမြင်ပြီးလောက် ပါပြီ”ဟု ကိုထင်ကျော်ကပြောကြား လိုက်သည်။        

ဇော်မြင့်
Hot News Journal