ဖွဲ့စည်းပုံပြင်ရေး တရားမျှတစွာ လုပ်မည်ဟု အန်အယ်လ်ဒ်ီနှင့် ၈၈ မျိုးဆက် ပူးတွဲကြေညာ

ပို့စ်တင်ချိန် - 2/10/2014 04:34:00 PM


အမျိုးသား ပြန်လည်သင့်မြတ်ရေးကို မျက်ခြေမပြတ်စေဘဲ စစ်မှန်တဲ့ ဒီမိုကရေစီ ပြည်ထောင်စု ပေါ်ပေါက်ရေးအတွက် ဖွဲ့စည်းပုံ အခြေခံဥပဒေ ပြင်ဆင်ရေးကို ငြိမ်းချမ်း၍ တရားမျှတသော နည်းလမ်းများဖြင့် ပူးတွဲဆောင်ရွက်သွားမယ်လို့ အန်အယ်လ်ဒီနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဒီနေ့ ထုတ်ပြန်ကြေညာလိုက်ပါတယ်။

ကြေညာချက်ထဲမှာ ၁၉၈၈ ဒီမိုကရေစီအရေးတော်ပုံကစတင်ပြီး ဒီနေ့အထိ စဉ်ဆက်မပြတ် လက်တွဲ ကြိုးပမ်းလှုပ်ရှားနေကြသည့် ဒီမိုကရေစီအင်အားစုတွေ ဖြစ်ကြောင်း၊ မြန်မာနိုင်ငံမှာ စစ်မှန်တဲ့ ဒီမိုကရေစီပေါ်ပေါက်ရေးအတွက် အရေးကြီးတဲ့ အခုအသွင်ကူး ပြောင်းရေးကာလမှာ ပိုမိုပူးပေါင်းအဖြေရှာနိုင်ရေး အတွက် တွေ့ဆုံဆွေးနွေး မှုတွေ ပြုလုပ်ခဲ့ကြတယ်လို့ ဖော်ပြထားပါတယ်။

ဒီတွေ့ဆုံဆွေးနွေးမှုတွေရဲ့ ရလဒ်အဖြစ် အန်အယ်လ်ဒီနဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက အခုလို ကြေညာချက် ထုတ်ပြန်လိုက်တာလို့ ဆိုပါတယ်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့ ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းမှ ဦးမင်းကိုနိုင်၊ ဦးကိုကိုကြီး၊ ဦးပြုံးချို၊ ဦးဂျင်မီနဲ့ ဦးမြအေးတို့ ဖေဖော်ဝါရီ ၄ ရက်နေ့ ညနေပိုင်းက နိုင်ငံရေးတွေ့ဆုံ ဆွေးနွေးမှု ပြုလုပ်ခဲ့ပြီးနောက် အခုလို ပူးတွဲကြေညာချက် ထုတ်ပြန်လိုက်တာ ဖြစ်ပါတယ်။

By ဒီဗွီဘီ