Samsung ၏ Windows Phone 8.1 ဟန်းဆက် ဓာတ်ပုံများ ပေါ်ထွက်လာ

ပို့စ်တင်ချိန် - 2/05/2014 07:19:00 PM

Samsung က မိတ်ဆက် ကြေညာထားခြင်း မရှိသည့် “Huron” Windows ဖုန်း၏ ဓာတ်ပုံများကို Evleaks က ဖော်ထုတ်ပြသခဲ့သည်။

အဆိုပါ ဓာတ်ပုံများအရ ဟန်းဆက်တွင် Verizon တံဆိပ်ပါရှိပြီး Samsung ၏ အခြားထုတ်ကုန်များ ဖြစ်သော Ativ S, Galaxy S3/S4 များနှင့် ဆင်တူမှုရှိကြောင်း တွေ့ရသည်။ ၎င်း Samsung “Huron” ဟန်းဆက်တွင် home ခလုတ်တစ်ခုသာ ပါဝင်ပြီး Microsoft အနေဖြင့်လည်း Windows Phone 8.1 ဟန်းဆက်များတွင် virtual ခလုတ်အသုံးပြုသွားရန် စီစဉ်နေကြောင်း ပြောကြားထားသည်။

Samsung အနေဖြင့် ၎င်းဟန်းဆက်သစ်တွင် hardware နှင့် virtual ခလုတ်တို့ကို ပေါင်းစပ် အသုံးပြု ဖွယ်ရှိသော်လည်း ၎င်း၏ ထွက်ရှိပြီးသား Windows ဖုန်းများတွင် hardware ခလုတ်ကိုသာ အသုံးပြုခဲ့သည်။

Samsung ၏ Huron ဟန်းဆက်တွင် ၅ လက်မ (သို့မဟုတ်) ၄.၃ လက်မ အရွယ်ရှိ 1080p display ပါဝင်လာဖွယ်ရှိနေသည်။ ထို့အပြင် Bluetooth 3.0 ကို စမ်းသပ်ထားပြီး Windows ဖုန်းကို ခြေရာခံသည့် Ad Duplex ကိုလည်း Verizon က စမ်းသပ်နေကြောင်း သိရသည်။

Ref: TheVerge