အစိုးရ ရုံးချုပ်အား ထိုင်ဝမ် ကျောင်းသားများ ရုတ်တရက် ဝင်ရောက် တိုက်ခိုက်မှုဖြစ်ပွား

ပို့စ်တင်ချိန် - 3/24/2014 07:35:00 PM


မတ်လ ၂၄။

တရုတ်နှင့် စီးပွားရေး သဘောတူညီမှုကြောင့် အစိုးရ ရုံးချုပ်အား ဝင်ရောက် သိမ်းပိုက်ထားသည့် ရာပေါင်းများစွာသော ကျောင်းသားများနှင့် ထိုင်ဝမ် ရဲတပ်ဖွဲ့တို့အကြား တိုက်ခိုက်မှုများ ဖြစ်ပွားခဲ့သည်။

တနင်္လာနေ့ နံနက်ပိုင်းတွင် ရဲတပ်ဖွဲ့မှ မီးသတ်ပိုက်များဖြင့် ထိုး၍ လူစုခွဲခဲ့ကြပြီး ကျောင်းသားများကို တစ်ယောက်ပြီး တစ်ယောက် ဆွဲထုတ်ကာ အဆောက်အအုံကို ရှင်းလင်းခဲ့ကြသည်။

လူပေါင်း ၆၀ နီးပါး ဖမ်းဆီးထိန်းသိမ်း ခံခဲ့ရပြီး လူပေါင်း ၁၀၀ ကျော် ဒဏ်ရာ ရရှိခဲ့ကြသည်ဟု သတင်းများက ဆိုသည်။

တရုတ်နှင့် စီးပွားရေး သဘောတူညီမှုသည် ထိုင်ဝမ်၏ စီးပွားရေးကို ထိခိုက်စေနိုင်မည် ဖြစ်ပြီး ဘေဂျင်းမှ ဖိအားဒဏ်ကိုလည်း ခံစားရမည် ဖြစ်ကြောင်း ဆန္ဒပြသူများမှ ပြောဆိုခဲ့ကြသည်။

ပြီးခဲ့သော အပတ်ကလည်း အခြား ကျောင်းသားများ အဖွဲ့နှင့် တက်ကြွလှုပ်ရှားသူများမှ ထိုင်ဝမ် ပါလီမန်ကို ဝင်ရောက် စီးနင်းခဲ့ကြသေးသည်။

ကျောင်းသားများ အနေဖြင့် ကုန်သွယ်ရေး သဘောတူညီမှုများ အပါအဝင် တရုတ်နှင့် ပတ်သက်သော အနာဂတ် ဆွေးနွေးညှိနှိုင်းမှု အားလုံးကို ပိုမိုပြီး စေ့စပ်သေချာစွာ စစ်ဆေးလိုကြကြောင်း တိုင်ပေရှိ BBC သတင်းထောက် စင်ဒီဆုမှ ပြောကြားခဲ့သည်။

၎င်းတို့ အနေဖြင့် နှစ်ဖက်စလုံးမှ ပိုမိုပြီး လွတ်လပ်စွာ ရင်းနှီးမြုပ်နှံနိုင်မည့် ယခု ကုန်သွယ်ရေး သဘောတူညီချက်ကိုလည်း ပယ်ဖျက်စေလိုကြခြင်း ဖြစ်သည်။

အဆောက်အအုံတွင်းသို့ ဝင်ရောက်လာသော ဆန္ဒပြသူများကို ရဲတပ်ဖွဲ့မှ ဖမ်းဆီးထားခဲ့ကြသည်။

စီးပွားရေးကို ပိုမိုဖွံ့ဖြိုးတိုးတက်စေပြီး အလုပ်အကိုင် အခွင့်အလမ်းများကို ဖြစ်ပေါ်စေမည့် တရုတ်နှင့် သဘောတူညီချက်ကို

အတည်ပြုသွားရန် ဆုံးဖြတ်ထားကြောင်း အစိုးရဖြစ်သည့် ကူမင်တန်ပါတီမှ ပြောဆိုခဲ့သည်။

ထိုင်ဝမ်သည် ဆယ်စုနှစ် ခြောက်ခုခန့် ကိုယ်ပိုင် အုပ်ချုပ်ခဲ့သော်လည်း တရုတ်နိုင်ငံမှ ၎င်း၏ အစိတ်အပိုင်း အဖြစ်

သက်မှတ်ထားသည်။

၂၀၁၃ ဇွန်လက လက်မှတ် ရေးထိုးထားသော်လည်း ပါလီမန်မှ အတည်မပြုရသေးသည့် ကုန်သွယ်ရေး သဘောတူညီချက်ကို

ပြန်လည် လေ့လာဆန်းစစ်ပြီးကြောင်း ပါလီမန်မှ ဖွဲ့စည်းခဲ့သည့် ပူးပေါင်းကော်မတီ၏ ထုတ်ပြန်မှု ထွက်ပေါ်လာပြီးနောက် ပြီးခဲ့သော

အပတ် အစောပိုင်းတွင် ဆန္ဒပြမှုများ စတင်ခဲ့ခြင်း ဖြစ်သည်။

ပြီးခဲ့သော အင်္ဂါနေ့က ဥပဒေပြု လွှတ်တော်အတွင်းသို့ ကျောင်းသားများ ဝင်ရောက်ခဲ့ကြပြီး ပရိဘောဂ ပစ္စည်းများကို အတားအဆီး

များအဖြစ် အသုံးပြုကာ ရဲတပ်ဖွဲ့၏ အားထုတ်မှုကို တွန်းလှန်ခဲ့ကြသည်။

သောကြာနေ့တွင် ကျောင်းသားများကို ထောက်ခံ၍ လူထောင်ပေါင်းများစွာ စုဝေးခဲ့ကြပြီး အတိုက်အခံ တိုးတက်သော ဒီမိုက်ကရက်တစ် ပါတီမှလည်း ၎င်းတို့အား ကျောထောက်နောက်ခံ ပေးခဲ့သည်။

သမ္မတ မာယင်ဂျူးမှ ပါလီမန်ကို ဝင်ရောက်သိမ်းပိုက်ခြင်းသည် ဥပဒေကို ချိုးဖောက်ခြင်း ဖြစ်ကြောင်း ပြောဆိုခဲ့ပြီး တရုတ်နှင့် ကုန်သွယ်ရေး သဘောတူညီချက်သည် ထိုင်ဝမ်၏ အနာဂတ် စီးပွားရေး အတွက် သက်သက်သာ ဖြစ်ကြေင်း တနင်္ဂနွေနေ့တွင်

ပြောဆိုခဲ့သည်။

တနင်္ဂနွေနှောင်းပိုင်းတွင် ဆန္ဒပြသူ အချို့မှ ဆန္ဒပြမှု ထိန်းသိမ်းရေး ရဲတပ်ဖွဲ့ကို ကျော်ဖြတ်ပြီး အစိုးရ ရုံးချုပ်သို့ ဝင်ရောက်ခဲ့ကြ၍ သံဆူးကြိုးများကို ဖယ်ရှားပြီး ဒုတိယအထပ်ရှိ ရုံးခန်းများသို့ လှေကားများကို အသုံးပြု ဝင်ရောက်ခဲ့ကြသည်။

ရဲတပ်ဖွဲ့များမှ အခြေအနေကို ထိန်းသိမ်းရန် ကြိုးစားရာမှ အကြမ်းဖက်မှုများ ဖြစ်ပွားခဲ့သည်။ တရုတ်သည် ထိုင်ဝမ်၏ အကြီးဆုံး ကုန်သွယ်မှု နိုင်ငံဖြစ်ပြီး

လတ်တလော နှစ်များအတွင်း နှစ်ဖက်ဆက်ဆံရေးမှာ ပိုမိုတိုးတက်လာခဲ့ပြီး ကုန်သွယ်ရေးနှင့် ရင်းနှီးမြှုပ်နှံမှု သဘောတူညီချက်များကို လက်မှတ်ရေးထိုးခဲ့ကြသည်။

ယခုနှစ် အစောပိုင်းတွင် နှစ်ဖက်စလုံးမှ အစိုးရ အချင်းချင်း ဆွေးနွေးမှု စတင်ခဲ့သည်။ ပြီးခဲ့သော ကာလများတွင် အစိုးရ အချင်းချင်း ဆွေးနွေးမှု မရှိခဲ့ဘဲ အစိုးရ အသိအမှတ်ပြု အဖွဲ့အစည်းများမှသာ ပြောဆိုခဲ့ကြခြင်း ဖြစ်သည်။

သို့ရာတွင် အချို့သော သူများမှ တရုတ်နှင့် ကြီးမားသော စီးပွားရေး ဆက်ဆံမှုသည် ထိုင်ဝမ်ကို ပိုမို ခြိမ်းခြောက်လာနိုင်ကြောင်း စိုးရိမ်ပူပန်လျက် ရှိကြသည်။

REF: BBC

Credit:  The Myanma Age