မလေးရှား လေယာဉ်သတင်း တိကျစွာ မထုတ်ပြန်ပါက အစာအငတ်ခံ ဆန္ဒပြမည်ဟု ခြိမ်းခြောက်

ပို့စ်တင်ချိန် - 3/19/2014 01:39:00 PM



19.3.2014

ပျောက်ဆုံးသွားသော မလေးရှားလေယာဉ်MH-370 နှင့် ပတ်သက်သည့် သတင်းများကို မလေးရှား အာဏာပိုင်များက တိကျစွာ မထုတ်ပြန်ပေးပါက အစာအငတ်ခံ ဆန္ဒပြမည်ဟု လေယာဉ်ပေါ်တွင် ပါသွားသည့် တရုတ်နိုင်ငံသားများ၏ ဆွေမျိုးများက ခြိမ်းခြောက်လိုက်ကြောင်း BBC သတင်းတွင် ဖော်ပြထားသည်။

မလေးရှား လေကြောင်းလိုင်းနှင့် တရုတ် မိသားစုဝင်များ ဘေဂျင်းမြို့တော်တွင် တွေ့ဆုံရာတွင် ဆွေမျိုးများက ယင်းကဲ့သို့ ပြောကြားလိုက်ခြင်း ဖြစ်သည်။

လေယာဉ်အမှတ် MH-370 ပေါ်တွင် လူပေါင်း ၂၃၀ ဦး လိုက်ပါသွားပြီး မတ်လ ၈ ရက်နေ့မှ စတင်ပျောက်ဆုံးသွားခြင်း ဖြစ်ကာ ၂ ဒသမ ၂၄ သန်း စတုရန်းရေမိုင် ကျယ်ဝန်းသည့် ဧရိယာ တစ်ခုလုံးတွင် ရှာဖွေနေကြသည်။

အဆိုပါ လေယာဉ်ပေါ်တွင် တရုတ်နိုင်ငံသား ၁၅၃ ဦး လိုက်ပါသွားပြီး မလေးရှား အာဏာပိုင်များ၏ ရှာဖွေ လုပ်ဆောင်ချက်များကို တရုတ်မီဒီယာများကလည်း ဝေဖန် ပြစ်တင်လျက်ရှိသည်။

ထို့အပြင် မလေးရှား အာဏာပိုင်များက အချို့သော သတင်းများကို လျှို့ဝှက်ထားသည်ဟု လေယာဉ်ပေါ်တွင် လိုက်ပါသွားသည့် တရုတ်နိုင်ငံသားများ၏ ဆွေမျိုးများက စွပ်စွဲထားပြီး သတင်းများကို ပြည့်ပြည့်စုံစုံ ထုတ်ပြန်ပေးရန် တောင်းဆိုလျက် ရှိသည်။

မလေးရှား လေကြောင်းလိုင်း အရာရှိများနှင့် တွေ့ဆုံပြီးနောက် ဆွေမျိုးများက အစာအငတ်ခံ ဆန္ဒပြမည်ဟု မဲခွဲဆုံးဖြတ်လိုက်ကြပြီး အမှန်တရားကိုသာ အလိုရှိကြောင်း တောင်းဆိုလိုက်သည်။

“ခရီးသည်တွေကို နိုင်ငံရေးသားကောင် မဖြစ်စေပါနဲ့” ဟု ဆွေမျိုးတစ်ဦးက ပြောကြားလိုက်သည်။

သို့သော်လည်း မိသားစုဝင်များအတွက် တတ်နိုင်သမျှ အရာများကို လုပ်ဆောင် ပေးနေကြောင်း မလေးရှား လေကြောင်းလိုင်း CEO အာမတ်ဂျော်အာရီက ပြောကြားသည်။

လေယာဉ်ပျံမှာ ရည်ရွယ်ချက်ရှိရှိ လမ်းကြောင်း ပြောင်းလဲခံလိုက်ရပြီး မလက္ကာရေလက်ကြား တောင်ဘက် သို့မဟုတ် မြောက်ဘက် လမ်းကြောင်းအတိုင်း ပျံသန်းသွားနိုင်ကြောင်း၊ အကြမ်းဖက်မှုနှင့် ပတ်သက်မှု မရှိကြောင်း မလေးရှား အာဏာပိုင်များက ပြောကြားသည်။

အဆိုပါ လေယာဉ် ရှာဖွေရေးတွင် နိုင်ငံပေါင်း ၂၅ နိုင်ငံက ပူးပေါင်း ဆောင်ရွက်နေပြီး တရုတ်နိုင်ငံကလည်း ဂြိုဟ်တုပေါင်း ၂၁ လုံး အသုံးပြုကာ ရှာဖွေရေးတွင် ပါဝင်နေကြောင်း ထုတ်ပြန်သည်။

Voice