မြန်မာစကား ပြောကြရအောင်
ပို့စ်တင်ချိန်
-
3/04/2014 11:48:00 AM
March 3, 2014
Written by: ဒေါက်တာခင်မောင်ညို
၂၀၁၂ခုနှစ် နိုဝင်ဘာလအတွင်းက ရန်ကုန်တက္ကသိုလ်၌ အမေရိကန်သမ္မတ အိုဘားမား မိန့်ခွန်းမပြောကြားမီ မြန်မာဘာသာစကားဖြင့် နှုတ်ဆက်နေစဉ်
"ဆရာညိုရာ မြန်မာစကား ပြောကြရအောင်ဗျာ"
"ကိုဘသစ်က ဆရာဂုဏ်ထူးသိန်းနိုင်တို့ရဲ့ မြန်မာစာချစ်မြတ်နိုးသူ အသင်းကလူတွေနဲ့ တွေ့လာပြီထင်တယ်"
"မဟုတ်ပါဘူး"
"ဒါဆိုရင် မြန်မာစာပြန့်အသင်းဆီ ရောက်ခဲ့ပြီနဲ့တူတယ်"
"မဟုတ်ပါဘူးဗျာ။ ကျွန်တော်က မြန်မာစကားကို ပြောဖို့အတွက်ကို ပြောချင်နေတာ"
"ဒါဆိုရင် ခင်ဗျားက မြန်မာစကားပြော ကျူရှင်ဖွင့်တော့မယ်နဲ့တူတယ်"
ကိုဘသစ် အားရပါးရ ရယ်လေသည်။
"ကမ္ဘာကြီးမှာ ဘာသာစကားပေါင်း ၆၀၀၀ ကျော်ရှိတယ်။ အဲဒီအထဲက ၂၀၀၀ ကျော်ဟာ ပျောက်ကွယ်သွားဖို့ အန္တရာယ်ရှိနေတယ် လို့ဆိုတယ်"
"ကျွန်တော်တို့ မြန်မာစကားရောပါလား"
"မပါသေးဘူးထင်တယ်။ ဒါပေမဲ့ ဖေဖော်ဝါရီလ ၂၁ ရက်ဟာ ကမ္ဘာ့မိခင်ဘာသာ စကားနေ့ဆိုပြီး ကုလသမဂ္ဂက သတ်မှတ်ခဲ့တယ်။ အဲဒီနေ့မှာ ဘီဘီစီသတင်းဌာနက ဘင်္ဂလားဒေ့ရှ် အမျိုးသမီး ကဗျာဆရာမ တစ်ယောက်ကို အင်တာဗျူးလုပ်တယ်။ ဒီအမျိုးသမီး ပြောသွားတဲ့အချက် နှစ်ခုကတော့ မှတ်သားထားသင့်တယ်။ ပထမအချက်က သူတို့ဘင်္ဂလားဒေ့ရ်ှနိုင်ငံနဲ့ ပါကစ္စတန်တို့ဟာ တစ်ချိန်က နိုင်ငံတစ်ခုတည်းပါပဲတဲ့။ အရှေ့ပါကစ္စတန်နဲ့ အနောက်ပါကစ္စတန်ပါ။ ဒါပေမဲ့ သူတို့ရဲ့ ဘာသာစကားတွေဟာ မတူဘူး။ ပါကစ္စတန်က ဘင်္ဂါလီလိုပြောတယ်။ အနောက်ပါကစ္စတန်က အူရဒူကို အဓိကပြောတယ်။ ဒါကြောင့် နောက်ဆုံးစစ်တွေဖြစ်ပြီး ကွဲတာပါတဲ့။ ပြီးတော့ ဘင်္ဂါလီဆိုတာ တဂိုးကသုံးခဲ့တဲ့ ဘာသာစကားပါ။ သူတို့ဒါကို မပျောက်ကွယ်အောင် ထိန်းသိမ်းရမယ်တဲ့"
"ဒါပေမဲ့ ရာဘင်ဒြာနတ်တဂိုး နိုဘဲလ်ဆုရတာဟာ အင်္ဂလိပ်လိုရေးတဲ့ စာတွေကြောင့် မဟုတ်လား"
"မှန်ပါတယ်။ သူ့ကဗျာတွေကို လူတွေက အင်္ဂလိပ်လို ဘာသာပြန်တာ သူမကြိုက်ဘူး။ ဒါကြောင့်သူဟာ သူ့ကဗျာတွေကို ကိုယ်တိုင်ဘာသာ ပြန်ခဲ့တာပါပဲ။ ဒါတောင် စာပေဝေဖန်ရေး သမားတွေက ဘင်္ဂါလီလိုရေး ထားတာတွေဟာ ပိုပြီးကောင်းသတဲ့"
"ဟုတ်မှာပေါ့ဗျာ။ ကိုယ့်ဘာသာ ကိုယ့်စာဆိုတာ ကိုယ့်မိခင်စကားပေါ့။ အနှစ်အသားဟာ အဲဒီမှာပါတာပဲ"
"ဒါကိုပြောတာပေါ့။ မြန်မာစကားပြောရအောင် ဆိုတာပါ။ ခုမကြာသေးမီက ဆရာမျိုးမြတ်သူနဲ့ ကိုချို (ရန်ကုန်တက္ကသိုလ် မြန်မာစာဆရာဟောင်း၊ ဦးအေးချိုခေတ္တ သြစတြေးလျ)တို့ မန္တလေး FM က FM Talk အစီအစဉ်မှာ မြန်မာစာ၊ မြန်မာစကားနှင့် မြန်မာမှုအကြောင်း ဆွေးနွေးသွားကြသေးတယ်။ အဲဒီမှာ ဆွေးနွေးထားတာတွေက စိတ်ဝင်စားစရာ အင်မတန်ကောင်းတယ်။ စိတ်မချမ်းသာစရာ ကောင်းတာက အင်္ဂလိပ်လိုသင်တဲ့ ကျောင်းတွေမှာ သားသမီးတွေကိုထားတဲ့ အချို့မိဘတွေက သူတို့ကလေးတွေ အိမ်ရောက်ရင် အင်္ဂလိပ်လိုပြောတာကို ဂုဏ်ယူကြသတဲ့"
အမေရိကန် သမ္မတအိုဘားမားတောင် သူ့မိခင်စကား အင်္ဂလိပ်စကားတတ်ပေမယ့် မြန်မာစကားဆိုလို့ မင်္ဂလာပါဆိုတဲ့ စကားတစ်ခွန်းလောက်ပဲတတ်တယ်။ သူ့ကိုဘယ်သူမှ အထင်မသေးပါဘူး။ ဘာသာပြန်တွေ အများကြီးရှိတယ်။ သမ္မတကြီးဦးသိန်းစိန်လည်း အမေရိကန် ပြည်ထောင်စု သွားတဲ့အခါ မြန်မာလိုပဲပြောပေါ့...
"ဒါကတော့ အင်္ဂလိပ်စကားကိုပဲ ပြောတဲ့ကျောင်းမှာ ထားတာကိုး"
"ဒါပေမဲ့ မြန်မာပြည်မှာဆိုတော့ မြန်မာစာကိုတော့ သင်သင့်တယ်။ အဲဒီကိုယ်ပိုင် ကျောင်းပေါ့လေ။ အလွတ်ပညာသင် ကျောင်းတွေမှာ မြန်မာစာသင်တာကို မိဘတွေက မကြိုက်ဘူး။ မြန်မာစာသင်တဲ့အချိန်မှာ ကလေးတွေကို အပြင်ထွက်ကစား ခိုင်းပါလားလို့တောင် မိဘတွေက ပြောကြတယ်တဲ့"
"သူတို့ကလေးတွေဟာ အင်္ဂလိပ်လိုတတ်မှ အလုပ်ကောင်းကောင်းရမယ်လို့ ယူဆကြလို့ ဖြစ်မှာပေါ့။ ဒီလိုကျောင်းတွေမှာ သူတို့မြန်မာစာ သင်ရတာကို ဂုဏ်ငယ်တယ် ထင်ကြမှာပဲ"
"ကျွန်တော့်သူငယ်ချင်းတွေ အမေရိကန် ပြည်ထောင်စုမှာ သွားနေတဲ့အချိန်က အတွေ့အကြုံကို ပြောပြတယ်။ သူတို့ကလေးတွေ ဟိုမှာကျောင်းနေရတော့ အင်္ဂလိပ်လို အတော်တတ်ကြတယ်။ သူတို့အိမ်ပြန် လာတဲ့အခါ မိဘတွေက သူတို့နဲ့ အင်္ဂလိပ်လိုပဲ ပြောတယ်တဲ့။ ဒါပေမဲ့ တစ်ရက်မှာ ဆရာမက အိမ်ကိုလိုက်လာတယ်။ ရှင်တို့ကလေးတွေကို အိမ်မှာမြန်မာလို ပြောကြပါ။ အင်္ဂလိပ်လို မပြောပါနဲ့။ သူတို့ဆီက အင်္ဂလိပ်စကားကိုလည်း သင်ယူသလို မလုပ်ကြတယ်။ သူတို့ကံကောင်းတယ်။ အိမ်မှာ မြန်မာစကားပြောတော့ သူတို့ ဘာသာစကားနှစ်ခု တတ်တာပေါ့။ ဒါဟာ အင်မတန်ရတောင့်ရခဲ အခွင့်အရေးပဲလို့ မှာတယ်"
"သူတို့အိမ်မှာ မြန်မာစကားပြောကြရင် အင်္ဂလိပ်ဘာသာမှာ အားမနည်းသွားဘူးလား"
"သာသာစကားတိုင်းမှာ အတွေးအခေါ်တွေပါတယ်။ မြန်မာစကားပြောဖို့ အရေးကြီးတယ်။ ဘာသာစကားကို အချိန်ရရင်ရသလို လေ့လာသင့်တယ်။ ကျွန်တော်သိသလောက်တော့ ဒေါက်တာသန်းမြင့်ဦးလို ဦးသန့်ရဲ့မြေးဟာ အမေရိကန်မှာနေ အမေရိကန်မှာ ကြီးတာပဲ။ အင်္ဂလိပ်စာအုပ်တွေရေးတယ်။ အင်္ဂလိပ်လို အပြောကောင်းသလို မြန်မာလိုလည်း အပြောကောင်းတယ်။ သူတို့က လူငယ်တွေကို မြန်မာလို ပြောဖို့တော့လိုတယ်"
"ဒါပေမဲ့ ကျွန်တော်တွေ့တော့ မြန်မာပြည်က အချို့ခေါင်းဆောင်တွေဟာ အင်္ဂလိပ်လို မိန့်ခွန်းတွေ ပြောတတ်ကြတယ်"
"ဟုတ်ပါတယ်။ တစ်လောက ဧရာဝတီ စာပေပွဲတော်မှာဆိုရင် ဒေါ်အောင်ဆန်းစုကြည်က စာပေဆွေးနွေးပွဲအတွက် စကားပြောတယ်။ နှစ်ကြိမ်စလုံး အင်္ဂလိပ်လိုပဲပြောတယ်"
"သူက အင်္ဂလိပ်လို ကျွမ်းကျင်တာကိုး"
"ဟုတ်ပါတယ်။ လာနားထောင်တဲ့ မန္တလေးက လူငယ်စာရေးဆရာတွေက မြန်မာလိုပြောရင် ကောင်းမှာပဲလို့ ဆိုကြတယ်"
"ဒါက အပြည်ပြည်ဆိုင်ရာ စာပေပွဲကိုး"
"လူငယ်အများစုဟာ အင်္ဂလိပ်လိုမကျွမ်းကျင်ဘူး။ တော်ရုံကျွမ်းကျင်ရုံနဲ့ သူတို့အပြည့်အ၀ မရဘူး"
"လုံးစေ့ပတ်စေ့မသိဘူးပေါ့ ဟုတ်လား"
"ဟုတ်ပါတယ်။ ဂျပန်တို့ တရုတ်တို့ဆိုရင် သူတို့စကားနဲ့သူတို့ ပြောလေ့ရှိတယ်။ နိုင်ငံတော်တော်များများက ခေါင်းဆောင်တွေတော့ ကိုယ့်နိုင်ငံမှာ ဒါမှမဟုတ် ကုလသမဂ္ဂမှာ ကိုယ့်မိခင်စကားနဲ့ ကိုယ်ပြောတာပဲ။ မကြာသေးမီက တော်ဝင်နှင်းဆီမှာ မြန်မာတော်ဝင်သစ်ခွပွဲမှာ အားလုံးအင်္ဂလိပ်လိုပဲ ပြောတယ်"
"နိုင်ငံခြားသားတွေပါနေလို့ ဖြစ်မှာပေါ့"
"ဟုတ်ပါတယ်။ ဒါပေမဲ့စောစောကပြောသလို လူငယ်တွေမှာ အပြည့်အ၀မရဘူး။ ကျွန်တော်က ဒါနဲ့ပတ်သက်ပြီး အမျိုးသား ဒီမိုကရေစီအဖွဲ့ချုပ်နာယက ဦးတင်ဦးကို ဆွေးနွေးကြည့်တယ်"
"သူဘယ်ဘာသာစကားနဲ့ပြောလဲ"
"အင်္ဂလိပ်လိုပါ။ ဒါပေမဲ့ သူ့ကိုဆွေးနွေးတော့ သူက မြန်မာလိုပြောတာ ပိုသင့်တော်တယ်လို့ဆိုတယ်။ ဘာကြောင့်လဲဆိုတော့ လာရောက်နားထောင်တဲ့ မီဒီယာတွေ လူငယ်တွေအနေနဲ့ အပြည့်အ၀နားလည်ဖို့ လိုတယ်တဲ့"
"ခင်ဗျားအပြည့်အ၀ကို ခဏခဏပြောနေတယ်။ ဘာကိုဆိုလိုတာလဲ"
"အပြည့်အ၀ဆိုတာ Integrity ပါပဲ။ ဥပမာ လူတစ်ယောက်ဟာ ကျွန်တော်စက်ဘီးကို အပြည့်အ၀မစီးတတ်ဘူး ဆိုတာမျိုးဆိုရင် ပြဿနာတတ်တော့တာပေါ့။ သူဘယ်ကွေ့လို့ မတတ်ဘူး။ သူဘရိတ် မဖမ်းတတ်ဘူးဆိုရင် သူ့မှာ Integrity မရှိဘူး။ သူစက်ဘီးစီးတဲ့ပညာကို ရာခိုင်နှုန်း ၈၀ ကျော်တတ်တယ်လို့ ဆိုနိုင်တယ်။ ဒါပေမဲ့ သူလမ်းမကြီးကို ထွက်စီးလို့မရဘူး။ ဒီအတိုင်းပဲ အင်မတန်ကြီးတဲ့ သင်္ဘောကြီးမှာ အပေါက်သေးသေးလေးရှိလို့ မရဘူး။ အဲဒါ Integrity ပါပဲ"
"ခင်ဗျားဆိုလိုတာ သဘောပေါက်ပြီ။ ခေါင်းဆောင်တွေဟာ မြန်မာလိုပြောသင့်တယ်ပေါ့ ဟုတ်လား"
"ဟုတ်ပါတယ်။ ဒီလိုပြောမှ သူတို့လည်း ထိထိရောက်ရောက် ပြောနိုင်လာမယ်။ ဒေါ်အောင်ဆန်းစုကြည်လို လူတွေအတွက်တော့ ခြွင်းချက်ပေါ့လေ။ ဒါပေမဲ့ မြန်မာလူငယ်တွေ အတွက်တော့ မြန်မာလိုပြောတာပိုပြီး သဘောပေါက်မယ်လို့ ဆိုနိုင်တယ်"
"နိုင်ငံခြားသားတွေ အထင်မသေးဘူးလား"
"အထင်မသေးပါဘူး။ အမေရိကန် သမ္မတအိုဘားမားတောင် သူ့မိခင်စကား အင်္ဂလိပ်စကားတတ်ပေမယ့် မြန်မာစကားဆိုလို့ မင်္ဂလာပါဆိုတဲ့ စကားတစ်ခွန်းလောက်ပဲတတ်တယ်။ သူ့ကိုဘယ်သူမှ အထင်မသေးပါဘူး။ ဘာသာပြန်တွေ အများကြီးရှိတယ်။ သမ္မတကြီးဦးသိန်းစိန်လည်း အမေရိကန် ပြည်ထောင်စု သွားတဲ့အခါ မြန်မာလိုပဲပြောပေါ့။ စောစောက ကျွန်တော်နဲ့တွေ့ခဲ့တဲ့ အမျိုးသားဒီမိုကရေစီ အဖွဲ့ချုပ်နာယက ဦးတင်ဦးက သူတပ်မှာ ကာကွယ်ရေးဦးစီးချုပ် လုပ်ခဲ့တယ်။ သူအင်္ဂလိပ်စကားကို ကျွမ်းကျင်စွာ ပြောတတ်တယ်။ ဒါပေမဲ့ နိုင်ငံခြားသားတွေနဲ့ ဆွေးနွေးတဲ့အခါ ဘာသာပြန်နဲ့ပဲ ဆွေးနွေးရတယ်တဲ့။
တပ်မှာအဲဒါကို စည်းမျဉ်းထုတ်ပြန်ထားသတဲ့"
"ဘာအဓိပ္ပာယ်လဲ"
"မြန်မာစကား ပြောကြဖို့ပေါ့ဗျာ။ ဒါမှ Integrity ဆိုတဲ့ အပြည့်အ၀ သိရှိနားလည်မယ်။ ခင်ဗျားလည်း သိပါတယ်။ ဘယ်ဟာမှ တစ်ပိုင်းတစ်စလောက်ပဲသိရင် အဆင်မပြေဘူးဆိုတာ"
ကိုဘသစ်စကားကို ကျွန်တော်သဘောကျပါသည်။ သို့သော် သဘောမတူသူများလည်း ရှိကြပေမည်။ ကျွန်တော့်ထံ အကြံပြု ဆွေးနွေးနိုင်ပါသည်။
