ကရိုင်းမီယားဆန္ဒခံယူပွဲ တရားမ၀င်ဟု အမေရိကန်ပြော
ပို့စ်တင်ချိန်
-
3/17/2014 08:34:00 PM
ကရိုင်းမီယားဒေသကုို ခွဲထွက်ဖို့ မတ် ၁၆ ရက်နေ့က လူထုဆန္ဒခံယူတာဟာ ယူကရိန်းနိုင်ငံရဲ့ ဖွဲ့စည်းပုံအခြေခံဥပဒေကို ချိုးဖောက်နေတာမို့ တရားမဝင်ဘူးလို့ အမေရိကန် သမ္မတအိမ်ဖြူတော်က ကြေညာချက် ထုတ်ပြန်ပါတယ်။
ဒီမဲပေးမှုကို အမေရိ ကန်ပြည်ထောင်စုကရော၊ နိုင်ငံတကာ အသိုင်းအဝိုင်းကပါ ဘယ်တော့မှ အသိမှတ်ပြုမှာ မဟုတ်ဘူးလို့လည်း ဖော်ပြထားပါတယ်။
ကရိုင်းမီယားကျွန်းဆွယ်ခွဲထွက်ဖို့ ဆန္ဒမဲခံယူတာကို ရုရှားက ကျောထောက်နောက်ခံ ပေးထား တဲ့အတွက် အမေရိကန်ပြည်ထောင်စုနဲ့ ဥရောပမဟာမိတ်တွေက ရုရှားအပေါ် နောက်ထပ် အရေးယူဒဏ်ခတ်မှုတွေ လုပ်ဖို့ ပြင်ဆင်နေပြီလို့ သမ္မတ ဘာရက် အိုဘားမားက ရုရှားသမ္မတ ဗလာဒီမာ ပူတင်ကို ပြောကြားလိုက်ပါတယ်။
လူထုဆန္ဒ ကောက်ယူမှုမှာ ကနဦး ရလဒ်တွေအရ ယူကရိန်းကနေ ခွဲထွက်ပြီး ရုရှားနဲ့ ပူးပေါင်းဖုို့ မဲပေးသူ အရေအတွက်ဟာ ၉၅ ရာခုိုင်နှုန်း ရှိပြီး မဲပေးခွင့်ရသူ ၈၀ ရာခုိုင်နှုန်းကျော်တယ်လုို့ ကြေညာထားပါတယ်။
ရုရှားအစိုးရမီဒီယာကတော့ ကရိုင်းမီယားက ယူကရိန်းနဲ့ အဆက်ဖြတ်ပြီး ရုရှားနဲ့ ပူးပေါင်းဖို့ မနေ့က အပြတ်အသတ် မဲပေးခဲ့တယ်လို့ ကြေညာပါတယ်။
ယူကရိန်းအစိုးရကတော့ ရုရှားဟာ ကရိုင်းမီယားဒေသရှိရာ ပင်လယ်နက်ကျွန်းဆွယ်ကို တပ်တွေ လွှတ်ခဲ့တယ်လို့ စွပ်စွဲပြီး ခွဲထွက်ရေးခေါင်းဆောင်တွေဟာ သူတို့ ခြေထောက်အောက်က မြေကို မီးရှို့လိမ့်မယ်လို့ သတိပေးခဲ့ကြောင်း ဆိုပါတယ်။
ဒီလုပ်ရပ်ကို ဆန့်ကျင်သူတွေကတော့ ဒီမဲပေးမှုကို သပိတ်မှောက်မယ်လို့ ပြောခဲ့ပြီး လူထုဆန္ဒခံယူပွဲ မဲရေတွက်မှုအပြီးမှာတော့ ရုရှားအစိုးရဘက်ယိမ်းတဲ့ ကရိုင်းမီယားဝန်ကြီးချုပ် ဆာဂီအခ်စီနော့ဗ်ကတော့ ရုရှားအလံတွေ၊ ရုရှားအမျိုးသားသီချင်းတို့နဲ့ အတူ ကရိုင်းမီယားမြို့တော် ဆင်မ်ဖာရိုပိုရဲ့ လီနင်ရင်ပြင်က စင်ပေါ်တက်လာခဲ့ပါတယ်။
အနောက်နိုင်ငံ အစိုးရတွေနဲ့ ယူကရိန်းအစိုးရ ခေါင်းဆောင်တွေကတော့ ဒီ လူထုဆန္ဒခံယူပွဲကို အယောင်ဆောင်အဖြစ် လူသိရှင်ကြား ရှုတ်ချခဲ့ကြပါတယ်။
DVB Burmese
