စူပါမားကစ်မှာတင်ရောင်းတဲ့ ကိတ်ထဲမှာ ကြွက်သေတွေ့ရှိ
ပို့စ်တင်ချိန်
-
3/04/2014 11:09:00 PM
မွေးနေ့အတွက် ၀ယ်လိုက်တဲ့ စူပါမားကစ်ကိတ်ထဲမှာ ကြွက်မြီးနဲ့ ကြွက်ခန္ဓာအပိုင်းတွေ တွေ့ရှိရကြောင်း နယူးယောက်ပြည်နယ် လောင်းအိုင်လန် ကျွန်းမှာ နေတဲ့ မိသားစုက ပြောပါတယ်။ အန်ကယ်ဂျိုးရဲ့ ၉၆နှစ်ပြည့် မွေးနေ့ကျင်းပနေချိန်မှာ ကြောက်စရာ လန့်စရာ တွေ့ရှိခဲ့ရတာပါ။ အန်ကယ်ဂျိုး တကူးတက မှာယူထားတဲ့ အနှစ်သက်ဆုံး German Apple ကိတ်ကို King Kullen စူပါမားကစ်က ၀ယ်ယူခဲ့တာဖြစ်ပြီး ပထမဆုံးတစ်ကိုက်ကို သူစားကြည့်တော့ အရသာက တခုခုလွဲချော်နေတယ်ဆိုတာကို သိခဲ့ရပါတယ်။
“ကျွန်တော့်ကောင်မလေးရဲ့ အန်ကယ်ဟာ ချက်ချင်းပဲ နေလို့မကောင်းတော့ဘူး။ သူ့မှာ တကယ့်ကို အစာအိမ် ပြဿနာ ဖြစ်ခဲ့တယ်။ ကိတ်ကြောင့်ပဲ ဖြစ်မယ်လို့ ယူဆတယ်။ ကိတ်မုန့်ကို ကျွန်တော် လှီးလိုက်တော့ အထဲမှာ မည်းမည်း တချို့ကို မြင်ခဲ့တယ်။ အောက်ခြေက ပုံစံခွက်လို့ပဲ မည်းနေတာ။ အဲ့ဒါနဲ့ လှန်ကြည့်လိုက်တော့ ကြွက်မှီးနဲ့ ကြွက် ခန္ဓာအပိုင်းတွေ ဖြစ်ပုံရတာတွေ တွေ့ရတော့တာပါပဲ။” လို့ Neil Gold က ပြောခဲ့ပါတယ်။ ကိတ်မုန့်ထဲက ကြွက်ရဲ့အမြီးက ၅လက်မ ရှည်ပြီး ကြွက်ခေါင်း တစ်ခုကိုလည်း ရှာတွေ့တယ်လို့ သိရပါတယ်။
King Kullen စူပါမားကစ်ရဲ့ ၀ဘ်ဆိုဒ်မှာ ဖော်ပြထားတဲ့ “coustomer အကြိုက်” ဆိုတာကို ဖယ်ရှားလိုက်ပါတယ်။ ကိတ်မုန့်တွေကို မုန့်ဖိုကနေ အားလုံးဖယ်ရှားပြီးပြီဖြစ်ကြောင်း၊ ဒီအဆိုပြုချက်ကို နှံ့နှံ့စပ်စပ်စုံစမ်း စစ်ဆေးမှာဖြစ်ကြောင်း၊ မုန့်ဖိုနဲ့အနီးတစ်ဝိုက်မှာတော့ ကြွက်အသွားအလာ လုံးဝမရှိကြောင်း German Appleကိတ်ရဲ့ ပြောရေးဆိုခွင့်ရှိသူက ပြောထားပါတယ်။
Ref:news.yahoo.com
Trend Myanmar
