ပျောက်ဆုံးလေယာဉ် အစိတ်အပိုင်းတွေ့သည့် အိန္ဒိယသမုဒ္ဒရာကို တရုတ်သင်္ဘောရောက်ရှိ
ပို့စ်တင်ချိန်
-
3/26/2014 03:19:00 PM
တရုတ် ရေခဲခွဲသင်္ဘော ဇူလောင်းဟာ ပျောက်ဆုံး မလေးရှား လေယာဉ်ရဲ့ အစိတ်အပိုင်းလို့ ထင်ရတဲ့ အရာဝထ္ထု တွေ့ခဲ့တဲ့ အိန္ဒိယသမုဒ္ဒရာရေပြင်ကို ဒီနေ့ ရောက်ရှိသွားပါတယ်။
သင်္ဘောနဲ့အတူ လေယာဉ် ၆ စင်းကလည်း ရှာဖွေရေးလုပ်ငန်းတွေကို ကူညီမယ်လို့ အဲဒီ ရေပိုင်နက်မှာ ကယ်ဆယ်ရေးလုပ်ငန်းတွေကို ကူညီနေတဲ့ သြစတြေး လျ ရေကြောင်း ဌာနက ပြောပါတယ်။
ရှာဖွေရေးလေယာဉ်တွေက သံသယဖြစ်ဖွယ် အရာဝထ္ထုတွေကို တွေ့ရင် သင်္ဘောနဲ့ တခြားယာဉ်တွေကို အကြောင်းကြားပြီး သင်္ဘောက ရေပြင်က အရာဝထ္ထုကို ဆယ်ယူနိုင်ဖို့ စီစဉ်ထားပါတယ်။
တရုတ်ခရီးသည်တွေ အများစုပါဝင်တဲ့ မလေးရှားလေယာဉ် ဘိုရင်း ၇၇၇ ဟာ အိန္ဒိယသမုဒ္ဒရာထဲ ပျက်ကျသွားပြီလို့ မလေးရှားဝန်ကြီးချုပ်က ကြေညာပေမယ့် တိကျတဲ့ အချက်အလက်တွေကို သက်သေမပြနိုင်သေးတဲ့အချိန်မှာ ရှာဖွေရေးလုပ်ငန်းတွေလည်း လက်မလျှော့ကြသေးပါဘူး။
လောလောဆယ် သြစတြေးလျ၊၊ အမေရိကန်ပြည်ထောင်စု၊ ဂျပန်နဲ့ တောင်ကိုရီးယားတို့က လေယာဉ် ၁၂ စင်းလောက်က ရှာဖွေရေးလုပ်ငန်းတွေမှာ ပူးပေါင်းကူညီ ပေးနေပါတယ်။
မလေးရှားဝန်ကြီးချုပ်ကတော့ ၂ ပတ်ကျော်ကြာ ပျောက်ဆုံးနေတဲ့ MH370 လေယာဉ်ပေါ် ပါသူ ၂၃၉ ယောက်လုံး သေဆုံးသွားခဲ့ပြီလို့ ပြီးခဲ့တဲ့ မတ် ၂၄ ရက်နေ့က သတင်းစာရှင်းလင်းပွဲမှာ အသိပေးခဲ့ပါတယ်။
ဒီလို မကြေညာခင်လေးမှာပဲ တရုတ်ရှာဖွေရေး လေယာဉ် ၁ စင်းက အတော်အတန် ကြီးမားတဲ့ အရာဝထ္ထု ၂ ခုနဲ့ အဖြူရောင် အရာဝထ္ထုတော်တော်များများကို တွေ့ခဲ့ရတယ်လို့ ဆင်ဟွာသတင်းက ကြေညာခဲ့ပါတယ်။
အခု ရှာဖွေနေတဲ့နေရာဟာ သြစတြေးလျနိုင်ငံ အနောက်တောင်ပိုင်း ရေခဲထူထပ်တဲ့ အာတိတ်သမုဒ္ဒရာရဲ့ အစိတ်အပိုင်းဖြစ်ပြီး ကမ္ဘာမှာ အစွန်အဖျာအကျဆုံး ဒေသတွေထဲက တခုလည်း ဖြစ်ပါတယ်။
DVB Burmese
