နိုင်ငံ့အတွက် အကျိုးရှိမယ့်စစ်ကားမျိုးဆိုရင် သရုပ်ဆောင်အဖြစ်ရိုက်ကူးမယ့် ဒါရိုက်တာ ဝိုင်း

ပို့စ်တင်ချိန် - 3/26/2014 03:49:00 PM


သရုပ်ဆောင်လောကမှ ဒါရိုက်တာလောကသို့ အသွင် ကူးပြောင်းလာပြီး ရိုက်ကူးတီထွင်မှုပိုင်းမှာ လူငယ်များကြိုက်နှစ် သက်သည့် ဒါရိုက်တာကတော့ ဝိုင်းပဲဖြစ်ပါတယ်။ ပရိ သတ်ကပေးတဲ့ အကယ်ဒမီကို ခဏခဏရသော် လည်း နိုင်ငံတော်ကပေးတဲ့ အကယ်ဒမီကိုတော့ ခဏခဏလွဲခဲ့ရသူ လည်းဖြစ်သည်။ ဒါရိုက်တာဝိုင်းကို တပ်မတော် စစ် ကားနှင့်ပတ် သက်ပြီး ရိုက်ကူးချင်စိတ်ရှိပါသလားလို့ မေးကြည့်တော့…

” တပ်မတော်ရဲ့ အကောင်းအဆိုးဒွန်တွဲပြတဲ့ကားဆိုရင်တော့ စိတ်ဝင်စားပါတယ်။ ပေါ်လစီကားမျိုးဆိုရင်တော့ စိတ်မဝင်စားပါဘူး။ ဆိုဒ်တစ်ဆိုဒ်ထဲကိုရိုက်ပြ တာထက် စာရင် အနုပညာကိုဘယ်နေရာ မှာပဲဖြစ်ဖြစ် တပ်မတော်ရယ်မှ မဟုတ်ဘူး။ ဘယ်နေရာ ဘယ်အဖွဲ့အစည်းမဆို ကောင်းခြင်းဆိုးခြင်းနှစ်မျိုး လူတန်း စားနှစ်ရပ်ရှိတယ်။ လူ တန်းစားနှစ်ရပ်ကိုကိုယ်စားပြုတဲ့ တပ်မတော် ကားဆိုရင်တော့ စိတ်ဝင်စားပါတယ်” လို့ ဝိုင်းက ပြောပြခဲ့ ပါတယ်။

ဝေလည်းမွှေးကြွေလည်းမွှေးဇာတ်ကားကို အခုအချိန်ထိ ပရိသတ်တွေ ကြိုက်နှစ်သက်ဆဲရှိနေတာဘာကြောင့်ထင်လဲလို့ ဒါရိုက်တာဝိုင်း ကို မေးကြည့်တော့..

” ပရိသတ်ကြိုက်တယ်ဆိုရင် ဘယ်အချိန်ပဲဖြစ်ဖြစ် အောင်မြင် မှာပဲ။ ဝေလည်းမွှေးကြွေလည်းမွှေး ဇာတ်ကားက ရှင်းရှင်းပြောရရင် စစ်တပ်ကခိုင်းလို့လုပ်တာမဟုတ်ဘူး။ ကိုယ်တိုင်ကပါဝင်ချင်တဲ့ စိတ်နဲ့တပ်မှာ၂ ပတ်လောက်နေပြီးတော့ သေနတ်ပစ် တာ သွား လေ့ကျင့်တယ်။ နေပူပူထဲမှာ သေနတ်သံတစ်ချက်ပစ်ရဖို့နေ့ တစ်ဝက်ထိ အမိန့် ကို စောင့်ရတယ်။ ဒါပေမဲ့ စိတ်ပါလို့ ရိုက်ကူးရေးမှာ ပင်ပန်းတယ်လို့ မမြင်ကြဘူး။ စောင့်ကြတာပဲ။ တကယ်လို့သာ တယောက်ယောက်ကခိုင်းတာဆို ရင်တော့ ကျိန်းသေ တယ်။ တော်တော်စိတ်ညစ်မယ့် ဇာတ်ကားမျိုးပါ။ အဓိကကတော့ ဘာလုပ်လုပ်စိတ်ကအဓိကပါ” လို့ ပြောပြခဲ့ပါတယ်။

သရုပ်ဆောင်ဒါရိုက်တာဝိုင်းဘဝမှာ အကြိုက်နှစ်သက်ဆုံး စစ်ကားလို့မေးရင်ကောလို့ မေးကြည့်တော့…

” စစ်ကားတွေထဲမှာ မှတ်မှတ်ရရစိတ်ပါလက်ပါ သရုပ်ဆောင်တဲ့ ဇာတ်ကားဆိုရင် ဝေလည်းမွှေးကြွေလည်းမွှေး ဇာတ် ကား ကို တော်တော် ကြိုက်တယ်” လို့ ပြောပြခဲ့ပါ တယ်။ ခုနေမှာကော ဒါရိုက်တာဝိုင်းကို ဒါရိုက်တာအဖြစ်လည်းကောင်း၊ သရုပ်ဆောင် အဖြစ်သော်လည်းကောင်း စစ်ကားရိုက်ဖို့ ကမ်းလှမ်းလာခဲ့မယ်ဆိုရင် ဘယ်လို ဆုံးဖြတ်မှာလဲလို့မေးကြည့်တော့ ” အကယ်၍ ဒါရိုက်တာအဖြစ်လာမငှားဘဲ သရုပ်ဆောင်အနေနဲ့ လာကမ်းလှမ်းရင် ကျွန်တော်ကြိုက်တဲ့ စစ်ကားမျိုးဆို သရုပ်ဆောင်ဖို့ စဉ်းစား မယ်။ နိုင်ငံ့အတွက်လည်း အကျိုးရှိရမယ်။ ဒါရိုက်တာလည်းလုပ်၊ သရုပ်ဆောင်လည်းဆိုရင်တော့ မလုပ်ဘူး” လို့ ပြောပြခဲ့ပါတယ်။

စစ်ကားရိုက်ကူးမှုပိုင်းမှာဆင်ဆာနဲ့ပတ်သက်ပြီး လွတ် လပ်ခွင့်ပေးထားမှု အပေါ်ကိုကော ဘယ်လိုသုံး သပ်မိပါ သလဲလို့ မေးကြည့်တော့ ” လောလောဆယ် အထိပြောရရင် လွှတ်ပေးနေတုန်းကာလလို့ ပြောရမယ်လို့ နဲ့တူတယ်။ ကျန်တဲ့ဟာတွေကလည်း ဆင်ဆာလွတ်လပ်ပြီးသာ ပြောတာ ဒီဘက်မှာက ဇာတ်ကားတစ်ကားကို ငွေကြေးများစွာ စိုက်မထုတ်နိုင်တာရယ်၊ အခြေခံအဆောက် အအုံမ လုံလောက် တာရယ်၊ မူရင်း ဝတ္ထုဇာတ်လမ်းဖန်တီးတဲ့သူနည်းတာရယ် ဇာတ်ညွှန်းနည်းတာရယ် ပြဿနာတွေက အများကြီးရှိတဲ့အတွက် ဒီဆင်ဆာကမသိသာသေးဘူး။ အခု လောလောဆယ် ဒီနှစ်ထဲမှာ ကျွန်တော်သွေးတိုးစမ်းပြီး ဆင်ဆာကို ဇာတ်တင်စရာရှိတယ်” လို့ ပြောပြခဲ့ပါတယ်။

Popular Journal