ဂျက်စတင်ဘီဘာနှင့် ပြန်လည်သင့်မြတ်မှုအပေါ် ဂိုမက်ဇ်၏မိသားစုဝင်များ စိုးရိမ်လျက်ရှိ
ပို့စ်တင်ချိန်
-
3/16/2014 09:19:00 AM
နာမည်ကျော် ပေါ့ပ်ဂီတကြယ်ပွင့်များဖြစ်ကြသည့် ဆီလီနာဂိုမက်ဇ်နှင့် ဂျက်စတင်ဘီဘာတို့စုံတွဲသည် မကြာမီအချိန်ကမှ ပြန်လည်သင့်မြတ်ကြောင်း သတင်းများထွက်ပေါ်လာမှုအပေါ် ဆီလီနာဂိုမက်ဇ်၏ မိသားစုဝင်များက စိတ်မချမ်းမသာဖြစ်နေရကြောင်း ထုတ်ဖော်ပြောကြားခဲ့သည်။
ဂိုမက်ဇ်သည် မကြာသေးမီက တက္ကဆက်၌ ဂီတဖျော်ဖြေပွဲသွားရောက် ဖျော်ဖြေခဲ့ပြီး ယင်းဖျော်ဖြေပွဲကာလအတွင်းတွင် ဘီဘာနှင့်အတူ ဈေးဝယ်ထွက်ခြင်း၊ နံနက်စာအတူ စားသုံးခြင်းများရှိခဲ့သဖြင့် ၎င်းတို့အချစ်ရေးပြန်လည် အဆင်ပြေလာမှုအပေါ် ဂိုမက်ဇ်၏ မိသားစုဝင်များက စိုးရိမ်လျက်ရှိနေကြသည်။
တေးသံရှင် ဆီလီနာဂိုမက်ဇ်၏ မိသားစုဝင်များအနေဖြင့် ပြဿနာများ မကြာခဏဖန်တီးလေ့ရှိသူ လူငယ်ပေါ့ပ်ကြယ်ပွင့် ဂျက်စတင်ဘီဘာနှင့် ပတ်သက်မှုများကို တင်းကျပ်စွာ တားမြစ်ထားသည့်ကြားက ယင်းကဲ့သို့သော သတင်းများထွက်ပေါ်လာခဲ့မှုအတွက် ဂိုမက်ဇ်၏ ဖခင်က ”သူလုပ်ချင်တာတွေကို လုပ်နေတဲ့အတွက် သူ့ကိုစကားမပြောတော့ဘူး”ဟု ပြောကြောင်း ၎င်း၏မိသားစုဝင်တစ်ဦးက E!News သို့ ပြောကြားခဲ့ကြောင်း သိရသည်။
မျိုးစန္ဒာမောင်
TodayMyanmar
