၂၀၁၅ အလွန် ကာချူပ် ကြီး ဘယ်ရွေ့မလဲ - အပိုင်း(၂)

ပို့စ်တင်ချိန် - 3/10/2014 02:02:00 PM


ရန်ကုန်တိုင်းမ် ဂျာနယ် ၊ အတွဲ (၁၀) အမှတ် (၁၀)

''တပ်မတော်နဲ့ အရပ်ဘက် နိုင်ငံရေး အင်အား စုတို့ရဲ့ အဓိက ကွာဟတဲ့ ပြဿနာပဲ။ ဘာလို့လဲ ဆိုတော့ တစ်ချိန်လုံးသူက ရန်သူကို လှည့်စားဖို့၊ လက်ဦးမှုယူဖို့၊ တိုက်ဖို့ဆိုပြီး လေ့ကျင့် သင်ကြားထားတဲ့ ပုဂ္ဂိုလ်တွေဟာ နိုင်ငံရေးမှာ ပါဝင်ပတ်သက်လာတဲ့ အခါကျတော့ သူတို့ရဲ့ နိုင်ငံရေး သဘောထား၊ အယူအဆ၊ ဆုံးဖြတ်ချက်ကို မှန်မှန် ကန်ကန်သိဖို့ဆိုတာ ထိတွေ့ဆက်ဆံမှုများလာမှသာ အကဲ ခတ်နိုင်လိမ့်မယ်''ဟု ဆိုသည်။

ကာချုပ်အရွေ့သည် မြန်မာ့နိုင်ငံရေးနှင့် စစ်တပ်အတွင်း ဘယ်လိုပြောင်းလဲစေမလဲ

၂ဝ၁၅ခုနှစ်လွန် မြန်မာ့နိုင်ငံရေးအခင်းအကျင်းသစ် တွင် ကာချုပ်ကြီးပဲဖြစ်စေ၊အခြားမည်သူပင် ပါဝင်သည် ဖြစ်စေ၊ နံပါတ်(၁)နေရာမှ အရေးပါနေသော ၂ဝဝ၈ဖွဲ့စည်းပုံအခြေခံဥပဒေပြင်ဆင်ရေးကို မလုပ်နိုင်သေးသရွေ့ ကောင်းမွန်သောနိုင်ငံရေးအခင်းအကျင်းသစ်တစ်ခုဖြစ် လာဖွယ်မရှိဟု နိုင်ငံရေးအကျဉ်းသားဟောင်းများအဖွဲ့မှ ဦးရဲအောင်က ဆိုသည်။

''ဒါကိုလုပ်နိုင်မှ ဒီမိုကရက်တစ်လူ့အဖွဲ့အစည်းကို ဖြစ်စေမှာပါ။ မပြောင်းလဲနိုင်ဘူးဆိုရင်တော့ ဘယ်သူပဲ ပါဝင်လာ၊ ပါဝင်လာ၊ ဒီဘောင်ထဲကနေ လှုပ်ရှားနေရတာ ဖြစ်လို့ ဒီမူဘောင်အတိုင်းပဲ သွားနေဦးမှာပဲ။ ဘာမှအပြောင်း အလဲ သိပ်ရှိမှာမဟုတ်ပါဘူး''ဟု ဦးရဲအောင်က ယူဆ သည်။ ဦးကိုကိုကြီးကလည်း ထိုကဲ့သို့ပဲမြင်ပါသည်။

''သူတာဝန်ယူပြီးတဲ့အချိန်မှပဲသိမှာဗျ။ ပြောကြ စတမ်းဆိုရင်တော့ ဒုတိယသမ္မတတစ်ယောက်အနေနဲ့ တစ်ခုလုံးကိုပြောင်းလဲပြစ်ဖို့ သိပ်မလွယ်ဘူးထင်တယ်''ဟု မြန်မာ့နိုင်ငံရေးလေ့လာသူ စာရေးဆရာဦးကျော်ဝင်းက ရန်ကုန်တိုင်းမ်ကို ဖုန်းဖြင့်ပြောသည်။
ကာချုပ်ကြီးမင်းအောင်လှိုင်အနေဖြင့် တပ်မတော်မှ အငြိမ်းစားယူသွားရင်ဖြင့် တပ်မတော်အတွင်း အပြောင်း အလဲများ များစွာဖြစ်လာနိုင်မည့်အကြောင်းကို အမျိုးမျိုး တွက်ဆမှုတွေ ရှိနေပါသည်။ သို့သော်ဦးရဲအောင်၏ သဘောအရတော့ မြန်မာ့တပ်မတော်သည် သိပ်ပြီးပြောင်း လဲသွားမည်ကို မမြင်မိဟုဆိုပါသည်။ ''မြန်မာ့တပ်မတော် ဟာ တပ်ထဲမှာ သဘောထားကွဲလွဲမှုတွေ ရှိတယ်ဆိုပေမယ့် တစ်ဦးချင်းအနေနဲ့ ကွဲလွဲချင်ကွဲလွဲမယ်။ ဥပမာ-ဦးခင်ညွန့် ကိစ္စမျိုး။ ဒါပေမဲ့ တပ်မတော်တစ်ခုလုံးက ဘက်တစ်ဖက် မှာရှိပြီး ကွဲလွဲတာမျိုးတော့မတွေ့ရဘူး''ဟု ဦးရဲအောင်က မှတ်ချက်ပေးသည်။

တပ်မတော်၏ ယေဘုယျသဘောကတော့ တပ်ခွဲ မှူးကျရင် ဒုတပ်ခွဲမှူးတက်လာမည်၊ အထက်အောက် သူ့ ဘာသာစီစဉ်ထားပြီးသားဖြစ်သည်။ အလားတူ တပ်မ တော်ကာကွယ်ရေးဦးစီးချုပ်ပြောင်းရင်လည်း နောက်ထပ် တစ်ယောက်က လျာထားပြီးသားဖြစ်ပါလိမ့်မည်။ သို့သော် နောက်တက်လာမည့် ပုဂ္ဂိုလ်သည် သဘောထားပျော့ ပျောင်းသူ၊ စိတ်ရှည်သူမျိုးဖြစ်လျှင် ပုံစံတစ်မျိုးဖြစ်သည်။ ထိုနှင့် ဆန့်ကျင်ဘက် စိတ်လိုက်မာန်ပါလုပ်တတ်၊ ဒေါသ ကြီးသူမျိုးတက်လာရင်တော့ ထစ်ခနဲရှိ လက်ပါတတ်ပြီး တားဆီးရခက်ခဲနိုင်သည်။

ထိုသို့လူကိုအခြေခံသော ပြောင်းလဲမှုအပြင် မူဝါဒ ပိုင်းဆိုင်ရာတွင်လည်း ပြဿနာသည်။ ''ဘယ်သူတက် တက်၊ ဘယ်လောက်သဘောကောင်းတဲ့သူပဲဖြစ်ဖြစ် ရှိနေ တဲ့မူဘောင်ထဲကကိုတော့ ကျော်လို့မရဘူး''ဟု ဦးကိုကိုကြီး ကယူဆသည်။

တပ်မတော်သည် နိုင်ငံတော်လုံခြုံရေးအတွက်၊ နိုင်ငံ တော်တည်ငြိမ်ရေးအတွက် စစ်တပ်သာအဓိကပင်မကျော ရိုးဖြစ်ရမည်ဆိုပြီးတော့ စစ်တပ်သာအဓိက၊ စစ်တပ်သာ အခြေခံဆိုသော အယူအဆမျိုးဖြင့် တည်ဆောက်ထားသည်။
''အဲဒါကြီးကို တော်တော်ပြောင်းယူရလိမ့်မယ်။ နိုင်ငံ တော်လုံခြုံရေးဟာ စစ်တပ်တစ်ခုတည်း တာဝန်ရှိတာမ ဟုတ်ဘူး။ နိုင်ငံသားတိုင်း တစ်ဦးချင်းစီမှာ တာဝန်ရှိတယ်။ တကယ်လို့ စစ်တပ်နဲ့မလုံလောက်လို့ လိုအပ်လာပြီဆိုရင် နိုင်ငံသားတွေအားလုံးက လုံခြုံရေးတာဝန်ကို ဝင်ယူကြ မှာပဲ''ဟု ဦးကိုကိုကြီးက ပြောသည်။

''စစ်တပ်မှစစ်တပ်ဆိုတဲ့အယူအဆကြီး၊ တိုင်းပြည်ချောက်ထဲကျဖို့လက်တစ်လုံးအလိုမှာ အမြဲတမ်းကယ် တင်ခဲ့ရတဲ့ စစ်တပ်ကြီးဆိုတာမျိုး အယူအဆကြီးနဲ့ စစ် တပ်ကိုတည်ဆောက်ထားတာကတော့ ရေရှည်မှာ ဆွေးနွေးယူရမယ့်ကိစ္စတစ်ခုပဲ''ဟု ¤င်းက ဆက်ပြောသည်။ ထိုအချက်ကိုအမှန်ဟု လက်ခံနေသရွေ့တော့ တပ်မတော် တွင်လည်း မည်သူတက်လာသည်ဖြစ်စေ အဆိုပါမူဘောင် တွင် ပိတ်မိနေဦးမည် ဟု ဦးကိုကိုကြီးက ဆိုသည်။

လက်ရှိဖြစ်ပေါ်နေသော အပြောင်းအလဲ အားလုံးသည် ယခင်စစ်အစိုးရကနေ စနစ်တကျချထား ပေးခဲ့သည့် ပုံစံခွက်ဖြင့်သာ သွားနေခြင်းဖြစ်သည်ဟု ဦးကိုကိုကြီးက သူ့ယုံကြည်ချက်ကို ယခုလိုပဲပြောပါသည်။
''ဘယ်သူက သမ္မတအဖြစ်၊ ဘယ်သူက လွှတ်တော် ဥက္ကဋ္ဌအဖြစ်၊ ဘယ်သူက ကာကွယ်ရေးဦးစီးချုပ်အဖြစ်၊ ဘယ်သူက ရွေးကောက်ပွဲကော်မရှင်ဥက္ကဋ္ဌအဖြစ် အစရှိ သဖြင့် အားလုံးကို ဖြန့်ပြီးစီမံခဲ့တာ''။
ဆိုတော့ လက်ရှိပုဂ္ဂိုလ်များအနေဖြင့် ဘယ်လောက် ပင် ပြုပြင်ပြောင်းလဲချင်သည်ဟု ပြောသည်ဖြစ်စေ အကန့် အသတ်များရှိသည်။ အထူးသဖြင့် စစ်တပ်ကနေ အရပ် ဘက်ကို ပြောင်းလိုက်သည်ဆိုသော်လည်း သူတို့၏အထက် အောက် စီးဆင်းမှုပုံစံများ၊ တစ်ယောက်ကိုတစ်ယောက် ငဲ့ကွက်ရသည့် ပုံစံများသည် ယခင်စစ်အစိုးရ၏ ပုံစံအတိုင်း ပဲဖြစ်သည်။ ယင်းသို့ ပြောင်းလဲမှုများရှိခဲ့သော်လည်း ယခင်စစ်အစိုးရ၏ ပုံစံခွက်သည် အရေးပါသောနိုင်ငံရေး ခေါင်းဆောင်များ၊ အင်အားစုများ၊ တိုင်းရင်းသားခေါင်း ဆောင်များ၏ သဘောဆန္ဒကိုတော့ မထင်ဟပ်ခဲ့ဟု ဦးကို ကိုကြီးက သုံးသပ်သည်။

''ပြည်သူတွေယုံကြည်ကိုးစားတဲ့၊ ပြည်သူတွေနဲ့ တစ်သားတည်းဖြစ်တဲ့ တပ်မတော်ဖြစ်ဖို့ဆိုရင် အရင်က တစ်ဖက်သတ်လုပ်ထားတဲ့ကိစ္စကို တဖြည်းဖြည်းနဲ့ ပြောင်း ယူရမယ်။ ပြည်သူတွေနဲ့ ပူးပေါင်းလာတဲ့ဘက်ကို တဖြည်း ဖြည်းချင်းပြောင်းယူမှသာ သူတို့ရည်မှန်းတဲ့ ပြည်သူ့တပ် မတော်ဆိုတာဖြစ်လာမှာပါ''ဟု ဦးကိုကိုကြီးက ဆိုသည်။

ဘယ်သူတွေ အကြီးအကဲလုပ်ကြမလဲ

ပြည်သူလူထုဆန္ဒရှိလျှင် သမ္မတဦးသိန်းစိန်က ဆက်လုပ်ဖို့စဉ်းစားမည်ဟု ဆိုသည်။ အတိုက်အခံခေါင်း ဆောင်ဒေါ်အောင်ဆန်းစုကြည်ကလည်း တိုင်းပြည်ကို အမှန်တကယ်ပြောင်းဖို့ဆိုရင် အာဏာရှိဖို့လိုအပ်သည်။

သူကိုယ်တိုင်လည်း သမ္မတဖြစ်ချင်သည်ဟု အတိအလင်း ထုတ်ပြောခဲ့ပြီးဖြစ်သည်။ လက်ရှိပြည်သူ့လွှတ်တော်ဥက္ကဋ္ဌ သူရဦးရွှေမန်းကလည်း သမ္မတဖြစ်ချင်ကြောင်း ပြောထား ပြီးဖြစ်သည်။ ယခုအခါ ကာကွယ်ရေးဦးစီးချုပ်မင်းအောင် လှိုင်သည်လည်း သမ္မတသို့မဟုတ် ဒုသမ္မတတစ်ယောက်ဖြစ် လာနိုင်သည်ဟု နိုင်ငံရေးလောကအသိုင်းအဝိုင်းတွင် ထင်ကြေးပေးမှုများရှိလာသည်။ သို့သော် ဗိုလ်ချုပ်မှူးကြီး မင်းအောင်လှိုင်ကတော့ တရားဝင်ထုတ်ပြောခြင်း မရှိ သေးပါ။
သူရဦးရွှေမန်းကတော့ လွှတ်တော်ထဲတွင် အားကောင်း မောင်းသန်ပြုပြင်ပြောင်းလဲချင်သည့်ပုံစံမျိုးကို အပေါ်ယံ ကြည့်လျှင် မြင်တွေ့ရသည်။ သို့သော် အတွင်းပိုင်းအနှစ် သာရကိုကြည့်ရင်တော့ ''သူလဲ မပြောင်းသေးပါဘူး။ တ ကယ်ကို အရေးကြီးတဲ့ ဥပဒေမျိုးတွေကိုတော့ သူလဲမပြ ဋ္ဌာန်းနိုင်သေးဘူး။ ဥပဒေပြဋ္ဌာန်းရတာက လွှတ်တော်က ပြဋ္ဌာန်းရတာလေ။ အခြေခံဥပဒေနဲ့ မညီတဲ့ဥပဒေတွေပြ ဋ္ဌာန်းခဲ့ရင်လဲ လွှတ်တော်က ကန့်ကွက်တာမျိုး၊ ဆွေးနွေးတာ မျိုးမမြင်တွေ့ရဘူး''ဟု နိုင်ငံရေးအကျဉ်းသားဟောင်းများ အဖွဲ့မှ ဦးရဲအောင်ကပြောသည်။
လက်ရှိနိုင်ငံတကာ၏ မြင်ကွင်းတွင်မူ ဦးသိန်းစိန် အစိုးရဖြင့် ပြသနေခြင်းသည် ကောင်းမွန်သည့်အနေ အထားတွင် ရှိနေသည်။

၂ဝ၁၅ခုနှစ် ရွေးကောက်ပွဲ ကာလလွန်တွင် ဦးသိန်းစိန်ဆက်ရှိဖို့မရှိဖို့ဆိုတာကတော့ သူ့ကျန်းမာရေးအခြေအနေပေါ်တွင် မူတည်နေသည်။
''လောလောဆယ်တော့ အားလုံးကမြင်နေကြတာ တော့ ဦးသိန်းစိန်ပဲ သမ္မတဖြစ်လိမ့်မယ်လို့ မြင်နေကြပါ တယ်။ နီးလဲနီးစပ်ပါတယ်။ အခြေခံဥပဒေပြောင်းလဲ သွားရင်တော့ တစ်မျိုးတစ်ဖုံပြောင်းလဲသွားနိုင်ပါသေး တယ်''ဟု ဦးရဲအောင်က ဆိုသည်။
အထက်တွင် သတင်းစာဆရာ ဘာတေးလင်တ်နာ ဆိုထားသည့်အတိုင်း သူရဦးရွှေမန်းကိုယ်တိုင်က ဗိုလ် ချုပ်မှူးကြီးမင်းအောင်လှိုင်ကို ဒုသမ္မတတစ်ဦးဖြစ်လာ လိမ့်မည်ဟု ယုံကြည်နေခြင်းသည် ဗိုလ်ချုပ်မှူးကြီးမင်း အောင်လှိုင်အတွက် သမ္မတသို့မဟုတ် ဒုသမ္မတဖြစ်နိုင် သည်ဆိုသောသတင်းများကို ပိုပြီးအသက်ဝင်စေပါသည်။

ကာချုပ်နှင့် ပြည်တွင်းငြိမ်းချမ်းရေးဖြစ်စဉ်

လက်ရှိတပ်မတော်၏ အကြီးအကဲဖြစ်သူ ဗိုလ်ချုပ် မှူးကြီးမင်းအောင်လှိုင်တစ်ယောက် မြန်မာ့နိုင်ငံရေးအ ခင်းအကျင်းထဲသို့ ဝင်ရောက်ခဲ့ရင်တောင် အစိုးရဖော် ဆောင်နေသည့် ပြည်တွင်းငြိမ်းချမ်းရေးအခြေအနေကို ပြောင်းလဲစေမည့် သက်ရောက်မှုများမရှိနိုင်ဟု နိုင်ငံရေး အကျဉ်းသားဟောင်းများအဖွဲ့မှ ဦးရဲအောင်က ဆိုသည်။

''အပေါ်စီးက ကစားနေတဲ့သူတွေဟာ ငြိမ်းချမ်းရေး ကို ဘယ်လောက်အထိလိုချင်လဲဆိုတဲ့ အပေါ်မှာပဲ မူတည် ပါတယ်။ တိုင်းရင်းသားတွေအတွက် ဘယ်လောက်အထိ အခွင့်အရေးပေးမလဲ၊ သူတို့ကိုယ်သူတို့ တိုင်းရင်းသား တွေယုံကြည်အောင် ဘယ်လောက် အထိပြောင်းလဲပေး မလဲဆိုတဲ့အချက်တွေပေါ်မှာပဲ မူတည်နေပါလိမ့်မယ်''ဟု ¤င်းက ဟောကိန်းထုတ်သည်။
ပြည်တွင်းငြိမ်းချမ်းရေးလုပ်ငန်းစဉ်နှင့်ပတ်သက်ပြီး တစ်ဖက်နှင့်တစ်ဖက် ပွင့်ပွင့်လင်းလင်းဖြင့် အနိမ့်ဆုံးတူ ညီမှုများကို ရှာဖွေသင့်ကြောင်းကို ၈၈မျိုးဆက်ကျောင်း သားခေါင်းဆောင်ဦးကိုကိုကြီးက ယခုလိုတိုက်တွန်းသည်။

''ဘာကိုစိုးရိမ်သလဲ ပွင့်ပွင့်လင်းလင်းပြော၊ စစ် တပ်ဘက်က ဘာကိုစိုးရိမ်လို့ ထိန်းချုပ်ထားရတာဖြစ်တယ်။ ဘာကို စိုးရိမ်လို့ ဒါကိုတော့ မလိုက်လျောနိုင်ဘူးဆိုတာ ကို မျှဝေဖို့လိုတယ်''။
သို့မှသာ သဘောမတူခြင်းသည် ပြဿနာမဟုတ် တော့ဘဲ ''သြော်...ဒါကြောင့် သူမလိုက်လျောနိုင်တာပဲ ဆိုပြီး တစ်ယောက်ကို တစ်ယောက်နားလည်မှုတွေ ပထမအဆင့်မှာရလာလိမ့်မယ်''ဟု သူကယူဆသည်။ ထို့ ကြောင့် တိုင်းရင်းသားနှင့် ပြဿနာများ၊ ငြိမ်းချမ်းရေးလုပ် ငန်းစဉ်တွင် နှစ်ဖက်စလုံးသည် ယခင်တွေးပုံခေါ်ပုံများကို ပြန်လည်သုံးသပ်ဖို့လိုသည်ဟု ဦးကိုကိုကြီးက တိုက်တွန်းသည်။

၂ဝ၁၅လွန်ကာလမြန်မာ့နိုင်ငံရေး အခင်းအကျင်းသစ် ဘာဖြစ်မလဲ

အဆိုပါမေးခွန်းသည် ၂ဝ၁၅ခုနှစ်မတိုင်ခင် ၂ဝ၁၄ နှင့်၂ဝ၁၅အကြား ရွေးကောက်ပွဲမတိုင်ခင်မှာ ဘာတွေဖြစ် မလဲဆိုတဲ့အပေါ်တွင် မူတည်နေသည်ဟု မြန်မာ့နိုင်ငံရေး လေ့လာသူစာရေးဆရာဦးကျော်ဝင်းကဆိုသည်။ ''ပွင့်ပွင့် လင်းလင်းပြောရရင် ကျွန်တော်တို့တိုင်းပြည်မှာ ယဉ်ကျေးမှု နှစ်ခုက ထိပ်တိုက်ဖြစ်နေတယ်။ တစ်ခုကတော့ အခုမှ မွေးမြူယူရတဲ့ ယဉ်ကျေးမှုအသစ်။ ဆန့်ကျင်ဘက်အရာ တွေ ကြားထဲမှာ စေ့စပ်ညှိနှိုင်းအဖြေရှာတဲ့ ယဉ်ကျေးမှု အသစ်ပေါ့။ အစဉ်အလာစွဲကိုင်နေတဲ့ ယဉ်ကျေးမှုကျတော့ ဆန့်ကျင်ဘက်ဆိုရင် ထိပ်တိုက်ရင်ဆိုင်ပြီး အပြန်အလှန် ဖယ်ထုတ်ဖို့ကြိုးစားတဲ့ ယဉ်ကျေးမှုတစ်ခု။ ဒီနှစ်ခု ဘယ် ဟာ အပေါ်စီးရသွားမလဲဆိုတာပဲ။ ထိပ်တိုက်ရင်ဆိုင်မှုက အပေါ်စီးရသွားရင် ကျွန်တော်တို့က ၂ဝ၁၅ရွေးကောက် ပွဲမတိုင်မီ ဖြစ်ချင်သလိုဖြစ်သွားနိုင်တယ်။ စောစောက ပြောတဲ့ စေ့စပ်ညှိနှိုင်းမှု၊ ဒီမိုကရေစီ၊ ဒီမိုကရက်တစ် ယဉ် ကျေးမှုက အပေါ်စီးရသွားရင်တော့ အခြေအနေကောင်း မှာပဲ''ဟု ဆရာကျော်ဝင်းက ရွေးကောက်ပွဲမတိုင်မီ ကာလ ကို ဟောကိန်းထုတ်သည်။

''အစဉ်အလာစွဲကိုင်နေတဲ့ ယဉ်ကျေးမှုကြီး အပေါ် စီးရနေသရွေ့ မြန်မာပြည်ဘယ်တော့မှ အဆင်ပြေမှာမ ဟုတ်ဘူး။ ကောင်းမှာမဟုတ်ဘူး။ အပြန်အလှန် စေ့စပ်ညှိ နှိုင်းတဲ့ယဉ်ကျေးမှုထွန်းကားမှ အနာဂတ်ကတော့ ကောင်း မှာ''ဟု သူက ယုံကြည်နေသည်။

၂ဝ၁၅ခုနှစ်အလွန် နိုင်ငံရေးအခင်းအကျင်းသည် ယေဘုယျအားဖြင့် ၂ဝ၁ဝရွေးကောက်ပွဲထက်တော့ အပြောင်းအလဲရှိနိုင်သည်ဟု ဦးကိုကိုကြီးက တွက်ဆ သည်။ ''ကြံ့ခိုင်ရေးအနေနဲ့ အရင်က ၂ဝ၁ဝရလဒ်မျိုး မျှော် လင့်လို့မရနိုင်ဘူး။ အင်န်အယ်လ်ဒီလဲ ရာခိုင်နှုန်းတော်တော် များများ နေရနိုင်တယ်လို့မြင်တယ်။ နောက် တိုင်းရင်းသား ဒေသတွေက တိုင်းရင်းသားပါတီတွေရဲ့ အခန်းကကလဲ ဒီထက်ပိုပြီးတက်လာလိမ့်မယ်။ ဒါက သမားရိုးကျခန့်မှန်း ပုံစံပဲ''ဟု သူကဆိုသည်။

သို့သော်ရွေးကောက်ပွဲမတိုင်ခင်ကာလများတွင် အန္တရာယ်ရှိသော ထောင်ချောက်များကို စနစ်တကျလုပ် နေသည့် အရိပ်အယောင်များကို သူက မြင်တွေ့နေရသည်။ ပြီးခဲ့သည့် လူမျိုးရေး၊ ဘာသာရေးပုံသဏ္ဌာန်ဆန်သည့် အဓိကရုဏ်းများ၊ လှုပ်ရှားမှုများတွင် လုံခြုံရေးရဲ ဝန်ထမ်း များရှိနေပါလျက်နှင့် အထက်အမိန့်မရဟုဆိုကာ လက်ပိုက် ကြည့်နေသည့်အဖြစ်မျိုးသည် တရားဥပဒေစိုးမိုးရေးအရ ထိထိရောက်ရောက် ကိုင်တွယ်သင့်သည်ဟု ဦးကိုကိုကြီး က ယခုလိုထောက်ပြသည်။

''ဆန္ဒပြတာတို့၊ သပိတ်ဖြိုခွဲတဲ့အချိန်တွေ တုန်း ကဆိုရင် သိပ်မြန်တာပဲ။ ဒီကိစ္စတွေကျမှ ဘာဖြစ်လို့မထိန်း နိုင်ရတာလဲ။ ဒါဟာပုံသဏ္ဌာန်မမှန်ဘူး။ ဘယ်သူပဲလုပ် လုပ်၊ ရာဇဝတ်မှုသည်ရာဇဝတ်မှုပဲ''။ ဆိုလိုသည်က လာ မည့်ရွေးကောက်ပွဲကို ချောချောမောမောမဖြစ်အောင်လို့ ယင်းသို့ အဓိကရုဏ်းများ၊ လှုပ်ရှားမှုများကိုတော့ သတိပြု ရှောင်ရှားဖို့လိုသည်ဟု ဆိုသည်။ အာဏာရှင်စနစ်မှ ဒီမို ကရေစီစနစ်သို့ ကူးပြောင်းလိုသော နိုင်ငံများတွင် အပြန် အလှန်ယုံကြည်မှုသည် အရေးကြီးလာသည်။

ယုံကြည်မှုတည်ဆောက်ယူဖို့၊ အတိတ်ကအစွဲတွေမှ ဖောက်ထွက်ဖို့

ဒီမိုကရေစီစနစ်တွင် နိုင်ငံရေးအခင်းအကျင်းအ သစ်အတွက်ဆိုရင် ရွေးကောက်ပွဲတစ်ခုတည်းဖြင့် မလုံ လောက်တော့ဘဲ အပြန်အလှန်ယုံကြည်မှုမျိုးလိုအပ် သည်။ ''ရွေးကောက်ပွဲသည် ကိုးဆယ့်ခြောက်ပါးဆေးမ ဟုတ်ဘူး။ ရွေးကောက်ပွဲတစ်ခုတည်းနဲ့ မလုံလောက်ဘူး။ အရေးပါတဲ့ခေါင်းဆောင်တွေကြားထဲမှာ ယုံကြည်မှုရ အောင် ကြိုးစားတာသည် အဖြေပဲ''ဟု ငြိမ်းချမ်းရေးနှင့် ပွင့်လင်းလူ့အဖွဲ့အစည်း၏ ခေါင်းဆောင်လည်းဖြစ်သူ ဦးကိုကိုကြီးက ဆိုပါသည်။ တစ်ချိန်တည်းတွင် တိုင်းပြည် ၏ အရေးပါသောခေါင်းဆောင်များ အချင်းချင်းထိတွေ့၊ ဆွေးနွေးမှုများ လိုအပ်လာသည်။

တစ်ချိန်တည်းတွင် အချိန်၏ရွေ့လျားမှုအရ မျိုး ဆက်များပြောင်းလဲနေသည်။ ယခင်တုန်းက ပစ်ခဲ့၊ သတ်ခဲ့၊ ဖမ်းခဲ့၊ ဆီးခဲ့သော တပ်မတော်၏ ထိပ်ပိုင်းခေါင်းဆောင် များသည် တပ်မတော်တွင် မရှိတော့။ နောက်မျိုးဆက်များ တက်လာနေသည်။

''ဒီမျိုးဆက်ဟာ သူကိုယ်တိုင်မကျူးလွန်ခဲ့ရသော သမိုင်ြးေ<ွကးတွေ၊ သမိုင်းအမွေတွေကို ဆက်ခံနေရတယ်။ ဆက်ခံနေရတဲ့ အခြေအနေမှာ ပုံမှန်အခြေအနေကို ရောက်ဖို့အတွက် တပ်မတော်နဲ့ ပြည်သူတွေရဲ့ ကြားထဲမှာ နွေးထွေးတဲ့၊ လေးစားတဲ့ ယုံကြည်မှုမျိုးရဖို့၊ တိုင်းရင်းသား တွေနဲ့ တပ်မတော်နဲ့၊ တိုင်းရင်းသားတွေနဲ့ လူများစုဗမာ တွေနဲ့ ယုံကြည်မှုလေးစားမှုပြန်ရဖို့ဆိုရင် ကိုယ်မကျူး လွန်ခဲ့ရတဲ့အမွေတွေအားလုံးကို ကျွန်တော်တို့မျိုးဆက် တွေက ဆက်ခံနေရတယ်။ ဒါကို ဖောက်ထွက်ဖို့လိုပြီ''ဟု ဦးကိုကိုကြီးက ထောက်ပြသည်။ မည်သို့ဆိုစေ ၂ဝဝ၈ဖွဲ့ စည်းပုံအခြေခံဥပဒေသည် တပ်မတော်အတွက် အာဏာ ကိုအပြည့်အဝအာမခံပေးထားသည်ဟု ဆွီဒင်နိုင်ငံသား မြန်မာအရေးကျွမ်းကျင်သူကယူဆသည်။ လာမည့် ၂ဝ၁၅ ရွေးကောက်ပွဲတွင် အင်န်အယ်လ်ဒီအနေဖြင့် ကြံ့ခိုင်ဖွံ့ဖြိုး ရေးပါတီထက် လွှတ်တော်အမတ်နေရာပိုရခဲ့ရင်ပင် အရေး ပါတဲ့ပြောင်းလဲမှုမျိုးကို မြင်တွေ့ရမည်မဟုတ်ဟု သူက ကောက်ချက်ချသည်။

''အစိုးရကို စစ်တပ်ကလူတွေကပဲ လွှမ်းမိုးမြဲ ဆက် ပြီး ချုပ်ကိုင်ထားပါလိမ့်မယ်။ ယနေ့ဝန်ကြီးအများစုက လဲ စစ်တပ်အရာရှိတွေပါပဲ။ ၂ဝ၁၅နောက်ပိုင်းလဲ ဒီလိုပဲ ဆက်ဖြစ်နေပါလိမ့်မယ်''။

နှင်းကို ၊ မင်းအောင်ခိုင်
Yangon Media Group