အရပ်ပုသူများ အရပ်ရှည်သူများထက် ဉဏ်ရည်နိမ့်နိုင်ကြောင်း သုတေသနဆို

ပို့စ်တင်ချိန် - 3/05/2014 05:51:00 PM



ဘီဘီစီ

လန်ဒန်၊ မတ် ၄

အရပ်ပုသူများအနေဖြင့် မိမိကိုယ်ကို ယုံကြည်မှုနိမ့်ပါးနိုင်ကြောင်း၊ အောက်စဖို့ဒ် တက္ကသိုလ်သုတေသန တစ်ခုက မကြာသေးမီကဆိုခဲ့သည်ဟု မတ်လ ၄ ရက်က ဘီဘီစီသတင်းတစ်ရပ်တွင် ဖော်ပြထားသည်။

ပို၍ဆိုးသည်မှာ အရပ်ပုသူအများအပြားတွင် ဖြတ်သန်းကျော်လွှားရမည်ဟု ၎င်းတို့ကိုယ်တိုင်ယူဆထားကြ သည့် လူမှု ရေးပြဿနာများစွာရှိနေတတ်ခြင်း ဖြစ်သည်။

ယခုအခါ အခြားဗြိတိန်သုတေသန တစ်ရပ်ကလည်း အရပ်ပုသူများ ဉဏ်စွမ်းရည် ပိုနည်းကောင်းနည်းနေ နိုင်ကြောင်း ဖော်ပြခဲ့သည်။ ဗြိတိန် Sunday Times သတင်းစာ၏ ဆောင်းပါးတစ်ပုဒ်တွင် အရပ်ပုသူများ အနေဖြင့် အိုင်ကျူ ပို နိမ့်ကောင်းနိမ့်နေနိုင်ကြောင်း ဖော်ပြခဲ့ခြင်း ဖြစ်သည်။

အရပ်အမြင့်နှင့် အထွေထွေဉဏ်စွမ်းရည်တို့အကြား ဗီဇပိုင်းဆိုင်ရာ ဆက်စပ်မှုကို ခန့်မှန်းနိုင်ရန်အတွက်၊ အီဒင်ဘာ့ခ်ျ တက္ကသိုလ်၏ မျိုးရိုးဗီဇနှင့် မော်လီကျူး ဆေးသိပ္ပံမှ သုတေသီများက တစ်ယောက်နှင့်တစ် ယောက် ဆွေမျိုးတော်စပ်မှု မရှိသော လူ ၆,၈၀၀ ကျော်၏ ဒီအင်န်အေများကို လေ့လာခဲ့ကြသည်။ သုတေ သန၏ ရည်ရွယ်ချက်မှာ၊ ဤမျိုးရိုးဗီဇဆက်စပ်မှုအနေဖြင့် အခြားကျန်းမာရေးဆိုင်ရာ အကျိုးရလဒ်များ ဖြစ်ပေါ်စေခြင်း ရှိ၊ မရှိ စူးစမ်းလေ့လာရန်ဖြစ်ကာ ထိုကဲ့သို့ ရည်ရွယ်ချက်မျိုးဖြင့် ပထမဆုံးပြုလုပ်သော လေ့ လာမှုလည်း ဖြစ်သည်။

ထိုတက္ကသိုလ်၏ မျိုးရိုးဗီဇနှင့် မော်လီကျူးဆေးသိပ္ပံမှ ရီကာဒိုမာရီရိုနီက Sunday Times သတင်းစာသို့ ပြောကြားခဲ့ရာတွင် “ကျွန်တော်တို့ တွေ့ရှိခဲ့တာကတော့ အရပ်ပိုရှည်တဲ့လူတွေဟာ ပိုပြီးတော်တတ်တယ် ဆိုတဲ့ အရပ်အမြင့်နဲ့ ဉဏ်စွမ်းရည်အကြားမှာ သေးငယ်တဲ့ ဆက်စပ်မှုတစ်ရပ်ရှိနေတဲ့အချက်ပဲ ဖြစ်ပါ တယ်”ဟု ဆိုခဲ့သည်။

ရီကာဒိုမာရီရိုနီက “သေးငယ်တဲ့ဟူသော စကားစုကို သုံးနှုန်းသွားခြင်းနှင့် ပတ်သက်၍ချီးကျူးသင့်ပေသည်။ ခြောက်လှန့်သူတစ်ဦးအဖြစ် မရပ်တည်သော ပညာရှင်တစ်ဦးထက်ပို၍ တာဝန်သိသူ မရှိပေ။“သေးငယ်တဲ့ ဆက်စပ်မှုဟူ၍ ရီကာဒိုမာရီရိုနီက ပြောဆိုခဲ့သော်လည်း “ကိန်းဂဏန်းအချက်အလက်အရ အရေးပါ” ကြောင်း ၎င်းက ပြောခဲ့သည်။ အရပ်ပုသူများ၏ ပိုမိုနိမ့်ပါးသော အိုင်ကျူများ၏ ၇၀ ရာခိုင်နှုန်းအား မျိုးရိုးဗီဇ ဆိုင်ရာ အကြောင်းရင်းတစ်ခုအဖြစ် ယူဆနိုင်ကြောင်း သုတေသနက ညွှန်ပြနေသည်ဟုလည်း ရီကာဒိုမာ ရီရိုနီက ဆိုခဲ့သည်။

အရပ်ပုသူတစ်ဦး၏ လိမ်လည်မှုများ၊ မိသားစုအနေအထား ပုံပျက်မှုများကို ကြည့်၍ ထိုသူ၏ ဉဏ်ပိုင်းဆိုင် ရာ အားနည်းချက်များ၏ အနည်းဆုံး ၇၀ ရာခိုင်နှုန်းမှာ မျိုးရိုးဗီဇဆိုင်ရာ အကြောင်းရင်းများဖြစ်သည်ဟု အတွေးချဲ့ကာ ကောက်ချက်ချသွားနိုင်သည်။

Mizzima Burmese