WordPress ဆိုက် ၁၆၂,၀၀၀ မှ DDos တိုက်ခိုက်မှု ဖြစ်ပွားခဲ့

ပို့စ်တင်ချိန် - 3/17/2014 09:17:00 PM

ဟက်ကာတစ်ဦးသည် သံသယဖြစ်ဖွယ်ရှိသော WordPress ဆိုက်များကို အသုံးပြုပြီး နာမည်ကျော် ဝက်ဘ်ဆိုက်တစ်ခုကို နာရီပေါင်းအတန်ကြာ တိုက်ခိုက်ခဲ့ကြောင်း သိရသည်။

လုံခြုံရေး သုတေသီများကမူ ဟက်ကာများသည် တရားဝင် WordPress ဝက်ဘ်ဆိုက် ၁၆၂,၀၀၀ ကျော်ကို အသုံးပြုပြီး အခြားဝက်ဘ်ဆိုက်တစ်ခုအား distributed-denial-of-service ဖြင့်တိုက်ခိုက်ခဲ့ကြောင်း ပြောကြားခဲ့သည်။

လုံခြုံရေးကုမ္ပဏီက Sucuri ကဟက်ကာများသည် သံသယဖြစ်ဖွယ်မရှိသော ဝက်ဘ်ဆိုက်များကို ထိန်းချုပ်ပြီး တိုက်ခိုက်နိုင်သည့် WordPress ရှိအားနည်းချက်ကို သေချာနားလည် သိရှိထားသူများဖြစ်ကြောင်း၊ သို့သော်လည်း နာရီပေါင်းများစွာ DDoS တိုက်ခိုက်မှုခံရသည့် နာမည်ကျော် WordPress ဆိုက်ကိုအသေအချာ မသိရှိရသေးကြောင်း ဆိုခဲ့သည်။

အဆိုပါ DDoS တိုက်ခိုက်မှုသည် ကြီးမားသည့် HTTP-based (layer 7) distributed flood တိုက်ခိုက်မှုဖြစ်ပြီး ၎င်းတို့၏ဆာဗာထံ တစ်စက္ကန့်လျှင် request ရာပေါင်းများစွာ ပေးပို့နိုင်ကြောင်း Sucuri မှ နည်းပညာအရာရှိချုပ် Daniel Cid ကပြောကြားခဲ့သည်။

တစ်စက္ကန့်လျှင် request ရာပေါင်းများစွာပေးပို့ခြင်းသည် မကြာမီကဖြစ်ပွားခဲ့သည့် DDoS တိုက်ခိုက်မှုများနှင့် နှိုင်းယှဉ်လျှင် ဆိုးရွားခြင်းမရှိပေ။ မကြာသေးမီက ဖြစ်ပွားခဲ့သည့် Namecheap နှင့် CloudFlare တို့ကိုတိုက်ခိုက်ခဲ့သည့် DDoS တိုက်ခိုက်မှုများသည် တစ်စက္ကန့်လျှင် 100 gigabits မှ 400 gigabits အထိရှိခဲ့ကြောင်း၊ အဆိုပါ တိုက်ခိုက်မှုကို လူတစ်ဦးတစ်ယောက်တည်းမှ ပြုလုပ်ခဲ့ခြင်းသည် ထူးခြားကြောင်း Cid ကပြောကြားခဲ့သည်။



-နောင်နောင်
Ref: CNET
Internet Journal