ဦးဝင်းတင် နိုင်ငံကူး လက်မှတ် နေ့ချင်းပြီးရရှိ
ပို့စ်တင်ချိန်
-
4/20/2014 09:32:00 AM
NLD နာယကအဖွဲ့ဝင် သတင်းစာဆရာကြီး ဟံသာဝတီဦးဝင်းတင်ဟာ ပြည်ပမှာ ဆေးသွားကုဖို့ အတွက် နိုင်ငံကူးလက်မှတ် Passport ကို မနေ့က နေ့ချင်းပြီး ရရှိခဲ့ကြောင်း မိသားစုဝင်တွေက ပြောပါတယ်။
ဆရာဝန်ကြီးတွေရဲ့ ခွင့်ပြုချက်ရရင် ပြည်ပမှာ သွားရောက် ဆေးကုဖို့အတွက် Passport အဆင်သင့်ဖြစ်အောင်သာ ကြိုတင်လုပ်ထားတာသာ ဖြစ်တယ်လို့ ဆရာ ဦးဝင်းတင်ရဲ့ မိသားစုဝင် တစ်ဦးဖြစ်တဲ့ ဦးမောင်မောင်နိုင်က ပြောပါတယ်။
" ပတ်စပို့(စ်) ကတော့ မနေ့က ညနေက ရတယ်၊ ခုထက်ထိ ဘဘက စိတ်ချရတဲ့ အနေအထားမှာ လုံးဝ မရှိသေးဘူး၊ လက်ရှိ ဘဘရဲ့ အနေအထားက သွားလို့ မရသေးတာပါ၊ ပတ်စပို့(စ်) လုပ်တာက နေ့လည် ၁၂ နာရီမှာလုပ်တာ ည ၈ နာရီမှာ ရပါတယ်ခင်ဗျ"
မနေ့ကနဲ့ဒီနေ့မှာ ဆရာဝန်တွေက ကျောက်ကပ်ဆေးပေးခဲ့ပြီး လက်ရှိအခြေအနေမှာ စိတ်ချရတဲ့အနေအထား မရှိသေးဘူးလို့ ဆရာဝန်ကြီးတွေက ပြောကြောင်းလည်း သိရပါတယ်။
RFA Burmese
