အမေရိကန် လေကြောင်းလိုင်းကို အကြမ်းဖက်မယ့် ဆယ်ကျော်သက် မိန်းကလေး အဖမ်းခံရ

ပို့စ်တင်ချိန် - 4/15/2014 07:03:00 PM

လွန်ခဲ့တဲ့ တနင်္ဂနွေ မနက်တုန်းက အသက်၁၄ နှစ်အရွယ်ကောင်မလေး တစ်ယောက်က Twitter မှာ အမေရိကန် အဲလိုင်းကို အကြမ်းဖက်မယ်လို့ အောက်ပါအတိုင်း ကြေငြာခဲ့ပါတယ်။

@AmericanAir ဟယ်လို ငါက အာဖဂန်နစ္စတန်က အေဗရာဟင်မ် လို့ခေါ်တယ်။ အလ်ကိုင်ဒါ အဖွဲ့ဝင် တစ်ယောက်ဖြစ်တယ်။ ဇွန်လ တစ်ရက်နေ့မှာ ငါမင်းတို့ လေကြောင်းလိုင်းကို ကြီးကြီးမားမားတစ်ခု လုပ်တော့မယ်။

အမေရိကန်အဲလိုင်းကလည်း အောက်ပါအတိုင်း ချက်ချင်းပဲ ပြန်ရေးလိုက်ပါတယ်။

@queendemetriax_ ဆာရာ၊ ငါတို့ ဒီခြိမ်းခြောက်မှုကို အမှန်တကယ်လို့ သတ်မှတ်တယ်။ မင်းရဲ့ IP နဲ့ မင်းရဲ့ အသေးစိတ်အချက်အလက်တွေကို လုံခြုံရေးနဲ့ FBI ကို ငါတို့ပို့လိုက်ပြီ။

အဲ့ဒီနောက်မှာ ဆာရာ တစ်ယောက် ပြာယာခတ်ပြီးတော့ သူမ page မှာလည်း အောက်ပါအတိုင်း tweet တွေတစ်ခုပြီးတစ်ခု တက်လာပါတယ်။

@AmericanAir အိုး၊ သွားပါပြီ။ ငါက နောက်နေတာ။
@AmericanAir ဆောရီးပါ ငါအခု အရမ်းကြောက်နေပြီ။
@AmericanAir ငါ ဟာသလုပ်နေတာ။ ပြီးတော့ အဲ့ဒါ ငါ့သူငယ်ချင်းလုပ်တာ။ ငါလုပ်တာမဟုတ်ဘူး။ သူ့ IP address ကိုယူပါ။ ငါ့ဟာမယူနဲ့။
@AmericanAir ငါနောက်လိုက်တာ။ မလုပ်ပါနဲ့ ငါက သာမာန်ကောင်မလေး တစ်ယောက်ပါပဲ။
@AmeircanAir ငါက အာဖဂန်နစ္စတန်က မဟုတ်ပါဘူး

လူတွေက အဲ့အဖြစ်အပျက်ကို စိတ်ဝင်စားလာပြီးတော့ အမေရိကန်အဲလိုင်းနဲ့ သူမတို့ အပြန်အလှန် ပြောဆိုနေကြတာကို ရှယ်ခဲ့ကြတယ်။

အမေရိကန်အဲလိုင်းက ပထမဦးဆုံး tweet တစ်ခုကိုဘဲ တုံ့ပြန်ခဲ့ပေမယ့် သူမကတော့ အဲ့ဒီ ပထမဆုံး tweet ကိုမဖျက်ခဲ့တဲ့အပြင် အင်တာနက်မှာ သူမရုတ်တရက် လူသိများလာတဲ့ အကြောင်းကို အောက်ပါအတိုင်း tweet လုပ်ခဲ့ပါသေးတယ်။

Retweet လုပ်တဲ့လူ ၂၀၀၀ ကျော်တဲ့

နောက်ပြီးတော့ အမေရိကန်အဲလိုင်းက တာဝန်ရှိသူတွေကို တိုင်ကြားခဲ့ရင်တောင်မှ သူမကို မတွေ့ခဲ့နိုင်ဘူးထင်ပြီးတော့ သူမရဲ့မိဘတွေကို ဒီအဖြစ်အပျက်ကို ပြောမှာမဟုတ်ဘူး ဆိုတာကိုလည်း tweet လုပ်ခဲ့ပါသေးတယ်။