အတွဲညီဖို့လိုတယ်

ပို့စ်တင်ချိန် - 5/15/2014 10:15:00 AM


       လောကသဘာဝအရ ဖိုနဲ့မတို့ဟာ အချိန်တန်အရွယ်ရောက်လာတဲ့အခါ ဘ၀ကို တစ်ယောက်တည်းမလှမ်းချင်ကြတော့ဘူး။ ဒါကြောင့် ဘ၀လက်တွဲဖော်ရှာကြတယ်။ အဲလို ရှာတဲ့အခါမှာ တွဲသောလက် မြဲစေဖို့ရန် အတွဲညီဖို့လိုပါတယ်။ အတွဲမညီရင် ကွဲဖို့ အကြောင်းတရားတွေ ပေါ်လာပါလိမ့်မယ်။
       ဘုရားရှင်က အတွဲလေးမျိုးကို ဟောခဲ့ပါတယ်။
၁။ လူသေအမျိုးသားနဲ့ လူသေအမျိုးသမီးအတွဲ
၂။ နတ်သမီးနဲ့ လူသေအမျိုးသားအတွဲ
၃။ နတ်သားနဲ့ လူသေအမျိုးသမီးအတွဲ၊
၎။ နတ်သားနဲ့ နတ်သမီးအတွဲ။

       လက်တွဲဖော်အချင်းချင်းက နှစ်ယောက်လုံး ကိုယ့်ကျင့်မကောင်း။ လင့်ဝတ်၊ မယားဝတ်တစ်လုံးမှ မသိ၊ မကျင့်။ မကောင်း တာကို စိတ်တူတူကိုယ်တူ ပြုကျင့်လေ့ရှိတဲ့အတွဲကို လူသေကောင်အချင်းချင်းတွဲနေတာလို့ ဆိုပါတယ်။ အတွဲညီဖို့ဆိုတာကတော့ ခုလိုမျိုးမကောင်းတဲ့ပုံစံနဲ့ ညီဖို့ပြောတာမဟုတ်ပါဘူး။
       အမျိုးသမီးက ကိုယ့်ကျင့်ကောင်းတယ်။ ယဉ်ကျေးသိမ်မွေ့တယ်။ အိမ်ထောင့်တာဝန်ကျေပြွန်တယ်။ ချက်ရေးပြုတ်ရေး၊ အိမ်မူကိစ္စအားလုံးနိုင်နင်းတယ်။ အမျိုးသားက အကျင့်ယုတ်တယ်။ တာဝန်မကျေဘူး။ မကောင်းတာကို လုပ်တယ်ဆိုရင်တော့ အဲဒီအတွက်ဟာ နတ်သမီးနဲ့ လူသေကောင်တွဲနေတာပါ။ ဘယ်လိုမှ အဆင်မပြေနိုင်ဘူး။ သာယာတဲ့အိမ်ထောင်ရေးမဖြစ်နိုင် ဘူး။
       အမျိုးသားက ကိုယ်ကျင့်ကောင်းတယ်။ ရိုးသားတယ်။ အလုပ်ကျိုးစားတယ်။ လင့်တာဝန်ကျေတယ်။ အမျိုးသမီးက ကိုယ် ကျင့်မကောင်းဘူး။ လင်ကို အနိုင်ကျင့်တယ်။ ချက်ရေးပြုတ်ရေး အိမ်မူကိစ္စမလုပ်ဘူး။ ဒါဆိုရင် နတ်သားနဲ့ လူသေမိန်းမတွဲနေ တာပါပဲ။ အိမ်ထောင်ရေးမသာယာနိုင်။ တကျိကျိရန်များနေတတ်တယ်။ အိမ်ထောင်ရေးအဆင်မပြေမူတွေဖြစ်တယ်။ လက်တွဲမြဲဖို့ မလွယ်ပါဘူး။ မြဲသော်လည်း ချစ်ခင်ကြင်နာတဲ့အိမ်ထောင်ရေးမဖြစ်နိုင်ပါဘူး။
       အမျိုးသားရော အမျိုးသမီးရော ကိုယ်ကျင့်ကောင်းတယ်။ ၀တ်အသီးသီးကျေပွန်တယ်။ လင်ကရှာရမယ့်တာဝန်ရှာတယ်။ မယားကလည်း သိမ်းဆည်းတယ်။ အိမ်မူ့ကိစ္စလိုလေသေးမရှိဆောင်ရွက်တယ်။ ဒါဆိုရင်တော့ နေနဲ့လ ရွှေနဲ့မြ နတ်သားနဲ့ နတ်သမီးတို့ရဲ့ အတွဲပါပဲ။ အရမ်းကျေနပ်စရာကောင်းပါတယ်။ ဒီလိုအတွဲမျိုးကတော့ ဘယ်တော့မှ လက်တွဲမဖြုတ်တော့ပါဘူး။ ခိုင်မြဲတဲ့ ချစ်ခြင်းမေတ္တာနဲ့ သက်ဆုံးတိုင် ရွှေလက်တွဲနေမှာပါ။
       ဒါကြောင့် ဘ၀လက်တွဲ မြဲစေဖို့အတွက် နတ်သားနဲ့နတ်သမီးအတွဲလို အတွဲညီဖို့လိုပါတယ်။


ရွှေစမ်းမြေ အရှင်က၀ိဓဇသာရ