ဖြောင့်သူနှင့်ကောက်သူ ဘယ်သူ့နောက်ကို လိုက်မလဲ

ပို့စ်တင်ချိန် - 5/19/2014 04:29:00 PM


        ရှေ့ဆောင်နွားလားဥသဘဟာ ရှေ့ဆုံးကနေ ကွေ့ကောက်သွားလျှင် နောက်က နွားတစ်သိုက်ကလည်း ကွေ့ကောက် လိုက်တယ်။ ဒီလိုပါပဲ အထွတ်အမြတ်ခေါင်းဆောင်လို့ သမုတ်ထားတဲ့ ခေါင်းဆောင်မင်းက မတရားတဲ့အကျင့်ကို ကျင့်နေရင် တိုင်းသူပြည် သားတို့မှာ ဆိုဖွယ်မရှိ။ ခေါင်းဆောင်တွေ မတရားတဲ့အကျင့်ကိုကျင့်နေရင် တိုင်းသူပြည်သားတွေ ဆင်းဆင်း ရဲရဲနေရတယ်။
       ရှေ့ဆောင်နွားလားဥသဘက ရှေ့မှနေ ဖြောင့်ဖြောင့်သွားရင် နောက်ကနွားများလည်း ဖြောင့်ဖြောင့်လိုက်ကြတယ်။ တိုင်းပြည်အုပ်ချုပ်သူမင်းက တရားနှင့်အညီ မျှတစွာကျင့်သုံးရင် တိုင်းသူပြည်သားတို့မှာ ဆိုဖွယ်မရှိ။ တရားကို လိုက်နာ ကျင့်သုံး ကြမည်အမှန်။ ခေါင်းဆောင်များက တရားနှင့်အညီ ကျင့်လျှင် တိုင်းပြည် ချမ်းချမ်းသာသာနေရတယ်။

       ချိုမြိန်တဲ့အရသာရှိတဲ့ သရက်သီးကို မမှည့်ခင် အစိမ်းလိုက်ခူးရင် သရက်သီးအရသာလည်းပျက်တယ်။ သရက်မျိုးစေ့လည်း ပျက်စီးတယ်။ ဒီလိုပါပဲ တိုင်းပြည်အုပ်ချုပ်သူများဟာ တိုင်းသူပြည်သားတွေကို အဂတိလိုက်စား မိုက်မိုက်မှားမှား ဆုံးမစီရင်လျှင် တိုင်းနိုင်ငံရဲ့ အရသာကိုလည်း မခံစားရ။ တိုင်းပြည်လည်း ပျက်စီးတယ်။
       သရက်သီးအမှည့်ကို ခူးဆွတ်ရင်တော့ သရက်သီးရဲ့ ချိုမြိန်တဲ့အရသာကိုလည်း ခံစားရတယ်။ သရက်မျိုးစေ့လည်း ပြန်ရ တယ်။ ထိုသရက်မျိုးစေ့မှတစ်ဆင့် မြောက်များစွာသော ချိုမြိန်ကောင်းမြတ်တဲ့ သရက်ပင်များ တိုးပွားတယ်။
       ဒီလိုပါပဲ အုပ်ချုပ်သူခေါင်းဆောင်များဟာ တိုင်းပြည်ကို တရားနဲ့အညီ အဂတိမလိုက်စား မျှတစွာ အုပ်ချုပ်စီရင်လျှင် တိုင်းပြည်ရဲ့ အရသာကိုလည်း ခံစားရမယ်။ တိုင်းနိုင်ငံလည်း မပျက်စီးပဲ စည်ပင်ဝပြောမယ်။
       တိုင်းပြည်ခေါင်းဆောင်မင်းဟာ အမြို့မြို့အနယ်နယ်မှ သူဌေးသူကြွယ်၊ ကုန်သည်တွေကို အာဏာသုံးပြီး တံစိုးလက်ဆောင် ဆက်သခိုင်းခြင်း၊ အခွန်အတုတ်များစွာကောက်ခြင်းဖြင့် နှိပ်စက်လျှင် တိုင်းပြည်ဘဏ္ဍာကျီကြနှင့် ဆန့်ကျင်နေတာပါပဲ။ လေးသ မား၊ စစ်သားများနှင့် ပညာရှိအကြံပေးများကို နှိပ်စက်လျှင် ထိုမင်းဟာ ဗိုလ်ပါနှင့် ဆန့်ကျင်နေတာပါပဲ။  
       ကိုယ်နှုတ်နှလုံး စောင့်စည်းကုန်သော ရသေ့ရဟန်းတို့ကို နှိပ်စက်လျှင် နတ်ရွာသုဂတိနှင့် ဆန့်ကျင်နေပါတယ်။ အပြစ်မရှိတဲ့ မိဖုရားများနှင့် သားသမီးတို့ကို ညင်းဆဲလျှင် သားသမီး၊ မိဖုရားတွေနဲ့လည်း ဆန့်ကျင်နေပါတယ်။
       ဒါကြောင့် တိုင်းပြည်အုပ်ချုပ်သူများဟာ ရဟန်းရှင်လူ တိုင်းသူပြည်သားများကို မညှင်းဆဲ မသတ်ဖြတ်ပဲ မျှတစွာ တရား သဖြင့် အုပ်ချုပ်ရပါမယ်။
       အသူရာတို့ကို နှိပ်စက်လွမ်းမိုးနိုင်တဲ့ သိကြားမင်းဟာ မိမိရန်သူတို့ကို ထိတ်လန့်တုန်လှုပ်စေသလို တိုင်းပြည်အုပ်ချုပ်တဲ့မင်း ဟာ တိုင်းသူပြည်သားတို့ကို စောင့်ရှောက်ပြီး အမျက်မထွက် တရားစောင့်လျှက် နေမယ်ဆိုရင် မိမိရန်သူများကို မင်းရဲ့တန်ခိုး အရှိန်ဖြင့် ထိတ်လန့်တုန်လှုပ်စေနိုင်ပါတယ်။
(မဟာဗောဓိပရိဗ္ဗာဇကဇာတ်မှ)

ရွှေစမ်းမြေ အရှင်က၀ိဓဇသာရ