ပင်လည်ဘူးမြို့နယ်တွင် လေပြင်းတိုက်ခတ်မှုကြောင့် စာသင်ကျောင်းများ ပြိုကျပျက်စီး

ပို့စ်တင်ချိန် - 5/05/2014 04:49:00 PM

ပင်လည်ဘူး မေ ၄

စစ်ကိုင်းတိုင်းဒေသကြီး ပင်လည်ဘူးမြို့နယ်တွင် မေ ၂ ရက် ညနေ ၅ နာရီခွဲက လေပြင်းတိုက်ခတ်မှုနှင့် မိုးရွာသွန်းမှုကြောင့် စာသင်ကျောင်းများပြိုကျခြင်း၊ အမိုးလန်ပျက်စီးခြင်း၊ လျှပ်စစ်မီးတိုင်များ ကျိုးကျခြင်း များဖြစ်ပေါ်ခဲ့ကြောင်း သိရသည်။

အဆိုပါ လေပြင်းတိုက်ခတ်မှုနှင့် မိုးရွာသွန်းမှုကြောင့် အင်ကုန်းကျေးရွာ မူလတန်းကျောင်းဆောင်ပြိုကျပြီး ဘုန်းတော်ကြီးကျောင်းနှင့် လူနေအိမ်အမိုးများ ပျက်စီးကာ သွယ်တန်းဆဲ လျှပ်စစ်မီးတိုင်များ ကျိုးကျ ပျက်စီးခဲ့သည်။

အလားတူ ဆိုင်ယားကြီးကျေးရွာ အမက၊ မြို့မ(၁)အမကနှင့် မြို့မ(၂) အမကကျောင်းတို့၌ ကျောင်းဆောင် အမိုးများ ပျက်စီးပြီး မြို့နယ်ဘောလုံးကွင်း အုတ်တံတိုင်း ပြိုကျပျက်စီးခဲ့ သည်။ လေဘေး ဒဏ်သင့် ကျေးရွာ များသို့ ပြည်သူ့လွှတ်တော် ကိုယ်စားလှယ် ဦးဝင်းသိန်း၊ မြို့နယ်စီမံခန့်ခွဲမှု ကော်မတီ ဥက္ကဋ္ဌ ဦးစန်းလွင်နှင့် ဌာနဆိုင်ရာများက သွားရောက်ကြည့်ရှုစစ်ဆေးခဲ့ပြီး လိုအပ်သည် များကို ဖြည့်ဆည်းဆောင် ရွက် ပေးကာ မီးသတ် တပ်ဖွဲ့ဝင်များ၊ ကျေးရွာ ရပ်မိရပ်ဖ များနှင့် ကျေးရွာပြည်သူများက ပျက်စီးမှုများကို စုပေါင်းရှင်းလင်း ဖယ်ရှားခဲ့ကြောင်း သိရသည်။

MOI Webportal Myanmar