ထိုင်းနိုင်ငံ မယ်ဆိုင်မြို့ရှိ ထိုင်းဘဏ်များ၏ ATM စက်များ၌ ငွေထုတ်ယူမည်ဆိုပါက ထိုင်းရဲများကို သတိပြုရန် တာချီလိတ်ပြည်သူများအား CNCMC မှ သတိပေး

ပို့စ်တင်ချိန် - 6/15/2014 10:20:00 AM

တာချီလိတ်မြို့မှ မိဘပြည်သူများခင်ဗျာ--------
ယနေ့ ၂၀၁၄ခုနှစ် ဇွန်လ(၁၄)ရက် နံနက်ပိုင်း(၁၁း၃၀)ချိန်တွင် ကိုစည်သူအောင်ဆိုသည့် လူငယ်သည် မယ်ဆိုင်မြို့ရှိ K-Bank ရှေ့တွင်ATM Box၌ ဘတ်ငွေငါးသောင်းထုတ်ယူနေစဉ် နောက်မှထိုင်းရဲနှစ်ဦး ရောက်ရှိလာပြီး ၎င်းအား Vigo ကား အမဲပေါ်သို့ တင်ခေါ်သွားပြီး ဘတ်ငွေ(၂)သောင်း တောင်းယူသွားကြောင်း ကော်မတီသို့အကြောင်းကြားခဲ့ပါသည်။



ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေး ကော်မတီ၏ ကော်မတီဝင်တစ်ဦးဖြစ်သူ ကျွန်တော် ဦးစည်သူမောင်မှ  ကိုစည်သူအောင်အား ထိုင်းကားနံပါတ်နှင့် ရဲများ၏မျက်နှာ ပုံသဏ္ဍန်၊ Name Plateပြားများအား မှတ်မိပါသလားဟု မေးမြန်းရာ မမှတ်မိကြောင်း ဖြေဆိုခဲ့ပါသည်။

၎င်းမှထိုင်းရဲများမှာ မျက်မှန်အမဲများ တပ်ဆင်ထားခြင်းကြောင့် မျက်နှာများလည်း မမှတ်မိနိုင်ဟုဖြေဆို ခဲ့ခြင်းကြောင့် ကော်မတီမှ မည်သို့မျှ မတတ်နိုင်ခဲ့ပါခင်ဗျာ ။

အလားတူ ဖြစ်စဉ်မျိုး ဖြစ်ခဲ့ပါက မိမိတတ်စွမ်းနိုင်သမျှ ကားနံပါတ်၊ ယာဉ် အမျိုးအစား ထိုင်းရဲများ၏ အင်္ကျီရင်ဘတ်ရှိ အမည်များအား တတ်နိုင်သလောက် မှတ်သားထားစေပြီး ၎င်းတို့ ခေါ်ဆောင်ရာ နောက်သို့ မလိုက်စေရန်နှင့် မဖြစ်မနေလိုက်ရမည် ဆိုပါကလည်း မယ်ဆိုင်မြို့ရဲစခန်းသို့ ခေါ်ဆောင်သွားစေရန် အတတ်နိုင်ဆုံးပြောပြပြီး ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီသို့အကြောင်းကြား လာကြပါရန် အသိပေးနိုးဆော်အပ်ပါသည်ခင်ဗျာ ။

ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီ ( တာချီလိတ် )
Caring and Negotiating Committee for Myanmar Citizens
In Mae Sai, Thailand ( CNCMC )
Facebook: https://www.facebook.com/groups/thmaesaiworker

~⊱•❈❀ღ✿⊰❂⊱✿ღ❀❈•⊰~
Tachileik Online News
web: www.tachileik.net