အိန္ဒိယမှာ မုဒိမ်းမှုတွေအပေါ် တုန့်ပြန်တဲ့အနေနဲ့ အိမ်သာတွေ ပိုမိုဆောက်လုပ်မယ်

ပို့စ်တင်ချိန် - 6/06/2014 07:42:00 AM

___________________________________________
ABC Radio Australia - မြန်မာပိုင်း
_________________________

အိန္ဒိယနိုင်ငံမှာ အုပ်စုလိုက် မုဒိမ်းကျင့်မှုတွေဖြစ်ပွားခဲ့ပြီးနောက်ပိုင်း ကျေးလက်ဒေသတွေမှာ အိမ်သာတွေ ပိုမိုတိုးမြင့် ဆောက်လုပ်သွားမယ်လို့ အိန္ဒိယ အစိုးရသစ်ကပြောပါတယ်။

ပြီးခဲ့တဲ့တပတ် အင်္ဂါနေ့ညအချိန်မှာ အူတာ ပရာဒေ့ရှ် ပြည်နယ်မှာရှိတဲ့ ၀မ်းကွဲတော်စပ်တဲ့ ဆယ်ကျော်သက်အရွယ် မိန်းကလေး ငယ်နှစ်ယောက်ဟာ ကွင်းပြင်ထဲမှာ အိမ်သာသွားတက်ရာကနေ အုပ်စုလိုက် မုဒိမ်းကျင့်ခံရပြီး သစ်ပင်ပေါ်မှာ ကြိုးစွဲချ သတ်ဖြတ်ခံခဲ့ရပြီးနောက်ပိုင်းမှာပဲ အခုလို အိမ်သာ ဆောက်လုပ်မှုတွေပြုလုပ်ဖို့ အိန္ဒိယ အစိုးရက ကြေညာလိုက်တာဖြစ်ပါတယ်။

အိန္ဒိယနိုင်ငံ ကျေးလက်ဒေသတွေမှာ အိမ်သာတွေနည်းပါးတဲ့အတွက် လယ်ကွင်းပြင်တွေမှာ သွားရောက်မစင်စွန့်တာတွေဟာ လုပ်ရိုးရလုပ်စဉ် တရပ်လိုဖြစ်နေပါတယ်။

ဒါတွေကို တုန့်ပြန်တဲ့အနေနဲ့ အိန္ဒိယ ၀န်ကြီးချုပ် Narendra Modi က အဆိုပါ ပြည်နယ်မှာ အိမ်သာပေါင်း ငါးထောင်ကို လာမယ့် ၂၀၁၉ ခုနှစ်မှာ အပြီးဆောက်လုပ်သွားမှာ ဖြစ်သလို အိမ်သာဆောက်လုပ်ဖို့ လိုအပ်တဲ့ မိလ္လာ ပစ္စည်းတွေကိုလည်း ပေးဝေသွားမယ်လို့လည်း ဆိုပါတယ်။

အုပ်စုလိုက်မုဒိမ်းကျင့်တဲ့လူတွေလို့ ယူဆရတဲ့ အမျိုးသားငါးဦးကို အာဏာပိုင်တွေက ဖမ်းဆီးခဲ့ပြီး အဲဒီထဲမှာရဲနှစ်ဦးပါဝင်ပါတယ်။ အမျိုးသားသုံးယောက်ကို အုပ်စုလိုက် မုဒိမ်းကျင့်မှုနဲ့ တရားစွဲဆိုထားပြီး ကျန်ရဲနှစ်ဦးကတော့ ရာဇာဝတ်မှု၊ ဥပေက္ခာ ပြုမှုတွေနဲ့ တရားစွဲထားပါတယ်။

Radio Australia - Myanmar